[drmichoo]

بص يا مان اللعبة دى جامدة جدا ومسلية ومفيدة كمان كل دة حلو بس برضوا ممكن تكون كارثة حقيقية المهم تعمل اية عشان تلعب وتنبسط وتستمتع وبرضوا ما تضيعش وقت كتير و تسيب بقيت مصالحك وتنام وتقوم على اللعبة بس وتبقى قاعد فى الكلية او الشغل وتقول ياترى البياع باع حاجة ولا لسة هههههههه ببساطة ياخوان اللعبة دى عاوزة تلات حاجات اول حاجة يكون سرعة النت عندك كويسة مش اقل من 512 عشان ماتبقاش قاعد فى السجن وتلاقى واحد عمل يتنطط جنبك ويظهر ويختفى وطاحنك ضرب وانت لبسك احسن منة بكتير تيجى تضرب فاست بليد تضرب فى حتة وهو اصلا فى مكان تانى ويقولك روح اتعلم الاول يا نوب وطبعا الكلام دة ممكن يحصل فى اى مدينة فى اللعبة ممكن كمان تبقى بتترقى وتموت من الوحوش كل شوية دة غير ارخم حاجة طبعا وهى انك تكون فى الماركت وعارض السوق بتاعك والسرفر يفصل كل شوية وتعيد من الاول او يكون قدامك فرصة كويسة والسرفر يفصل وتيجى ماتلاقيهاش تانى لازم يكون عندك النت كويس تكون السرعة مش اقل من 512 بحد اقصى 5 مشتركين على الروتر او 1ميجا و9 مشتركين مش اكتر وطبعا ما تعملش download وانت بتلعب الحاجة التانية هى الوقت تلعب يوميا مش اكتر من 5 ساعات ممكن اقل بس مش اكتر وممكن تسيب البياع فى الماركت وتقوم تعمل اللى وراك لان النت كويس بالتالى السرفر مش هيفصل 5 ساعات دة الحد الاقصى ما تزيدش عن كدة الحاجة التالتة والمهمة جدا بجد هو ان انت تشترى دراجون بول بفلوس ودة هيسهلك الموضوع قوى الدىبى فى مصر دلوقتى متوفرة وسعرها كويس جدا مقارنة بالدول التانية ممكن ناس ماتوافقش على كلامى دة هاقولهم اسمعوا بقيت الكلام انا لما اقول نشترى دى بى مش قصدى تروح تجيب 70,80دى بى وتلبس لبس sup 2soc +5لا انت توفر كل شهر 80 جنية بس يعنى 5 دىبى و بكدة طول الشهر انت بتلعب تجمع ايتمز وحاجات تبيع وتشترى فيها وبتترقى كمان ومعاك 5دى بى اساسى الموضوع هيسهل كتير واللعبة هتحلو معاك ومش هتبقى نوب اللى رايح واللى جاى يشيلك لان مستواك هيعلى وكمان لبسك هيزود قوتك ودفاعك وانت وشطارتك بقى شوف الطرق اللى تجيب بيها فلوس فى اللعبة كمان وكمان بس دى حاجة هتساعدك وتريحك شوية وكمان مش هتكلفك كتير خالص انا متهيالى دول فعلا اهم تلات حاجات لازم يتوفروا عند اى لاعب والا من الاحسن انو مايلعبش اللعبة دى او يستحمل حرق الدم ممكن ناس ما توافقنيش بس انا متاكد ان كل اللى هيقرا الموضوع دة هيحس ان كل كلمة مظبوطة ارجو التثبيت لفترة ومنتظر ردودكم ووجهات نظركم فى كلامى

[عاشق الاهلى 5]

تمام يا مان بس حكايه الشراء دى صعبه شويه
بالنسبه ليه مقدرشى اتفع شلن فى لعبه
ولا ايه

[vamp1re]

طبعا كلامك مظبوط ومنطقي جدا بس انا مع عاشق الاهلى ف انى ما ادفعش فلوس ف اللعبة لان بكل بساطة بستمتع بوقتى مش بضيع فلوسي
هيبقا وصلة النت والكهرباء وكمان الديبهات وانا اساسا لسه زي ما بيقولوا كدا باخد المصروف ولما بشتغل بيكون ف الاجازة
بكرة ان شاء الله اروح اقول لابويا هات تمانين جنيه اشتري ديبهات
عارفين هيحصل اييه


هيطردنى من الييت ويطلق امى واجى ادعى عليك يا دكتور ميشو واقولك دور لنا عل عريس

[نورهان]

كلامكم مظبوط
انا كمان مش مقتنعه بموضوع
الشراء بفلوس دى
هنرمى فلوسنا فى لعبه
بس تعرفوا
احيانا الشيطان كده
بيفضل يقول ايه
مهو احسن عشان تكونى قويه وتكونى احسن من معرفشى مين
ومين يغير منك
ومين يعمللك حساب واحترام
وارجع اقول لا
اللى عاوز يحترمنى هيحترمنى لشخصى انا
مش لأصطفتى عامله ازاى
وبعدين الواحد بيسلى نفسه مش اكتر
وبيعرف ناس
وربنا يكرمنا جميعا
وإذا كانت اللعبه دى
فعلا بجد دمار لينا
يبقى من تفكيرنا احنا
مش من اللعبه نفسها

وسلامتكم

[SaMuRaIeG]

لأ انا بقى معاه في موضوع الشراء دا
صلوا على النبي ، انت لو نوب ولابس اسطف زباله ولا حد هايعبرك
واسمع الكلام دا مني
ومن غير زعل ، مثلا نورهان هاتقولك انا اعرف ناس كتير ومحترمين ، هاقولك دا عشان فارق الجنس
اما بالنسبه لينا احنا في بعضينا ، هههههههههههههههه ، انا حصلي حاجات مش عارف اقول عنها ايه
انا بتبع الاسلوب دا ليه دلوقتي ، عشان لو في حد مش محترم ، وغلط في العرب ، على ما اعتقد باكونت فول نورمل
مش هاقدر قارد عليه ، وارد على الهوا بيعمله ، يا جماعه انا السيرفر اللفيه كانوا عاملين نظام بلطجه على الارشرات ،
تدفع تلفلف ، تدفع تلفلف ، في اكتر من كدا ، اما لو معايا اكونت محترم على الاقل هاعرف ادافع عن نفسي واصحابي منهم ، وهايعملولي حساب ولا اييييييييييييييييييه ؟؟؟
اذا فكلام الراجل صحيح ، انا بلعب اللعبه مش عشان تسليه ، انا بلعب اللعبه عشان لو في واحد غلط فينا اعرف ارد عليه واردله الصاع بصاعين

[drmichoo]

لسة عاوز اسمع اراء باقى اللاعبين فى الموضوع دة موافقين على كلامى ولا فية وجهة نظر تانية

[sillwan98]

انا مش مع الشراء بس لو انت غاوي اللعبة قوي ممكن تشتري 4 او 5 مرات مش اكتر من كده عشان العملية متفتحش والاحسن انك تظبت ارشر 130 د بقي ممكن يجيب فلوس كتير وبعدين تعمل اكونت تروجان جامد

[Dark^^Light]

انا مدفعتيش مليم فى اللعبه علشان دى لعبه و العبه للتسليه باس وى مفيش داعى انى اسرف على لعبه

[LOoOdra]

انا كلام نورهان عجبني اوي وكلام ساموراي عجبني كمان بس في حاجة قالتها نورهان وانا اعترض عليها وهي ان فيها ايه لما نوفر 80 جنيه علشان نعلي قدراتنا وبكده نكتسب خبرة أكتر وفي حاجة اعلق بيها علي كلام ساموراي وهي ان مش لازم كل شهر نعمل كده علشان مش نضيع فلوسنا علي الفاضي

[amin3000]

بصوا ياجماعه انا من راى ان دى دى لعبه فمش لازم نضيع فلوسنا عليها الا انت كنت هتجيب بلفلوس دى حاجه ومتاكد انها هترجعلك بزياده

[SaMuRaIeG]

المشاركة الأصلية كتبت بواسطة looodra

انا كلام نورهان عجبني اوي وكلام ساموراي عجبني كمان بس في حاجة قالتها نورهان وانا اعترض عليها وهي ان فيها ايه لما نوفر 80 جنيه علشان نعلي قدراتنا وبكده نكتسب خبرة أكتر وفي حاجة اعلق بيها علي كلام ساموراي وهي ان مش لازم كل شهر نعمل كده علشان مش نضيع فلوسنا علي الفاضي

انا معاك انا مش بقول كل يوم ولا كل اسبوع انا بقول كل شهر ، ودا بيرجع حسب شخصية كل واحد فينا ، ولا ايه ؟؟

[CONQUER]

الاول حوار الشرا و البيع دة بفلوس فاشل جدا لية
دلوقتى انا زى ما شفت فى ناس بتقول هو انا هدفع تمن النت ولا الكهربا ونفترض انك شغال هتوفرلك مثلا 100 جنية من الشغل تروح تجيب دى بى وواحد يكون معرفة يسرق من الدى بى الى انت شاريها بفلوس ياعم الواحد يجيبلة 2 كيلو لحمة ياكلهم احسن ههههههههههههه
احنا ياعم غلابة مفيش فلوس عشان ناكل نروح نجيب دى بى لية يعنى ولا انا بتكلم غلط

[mesh_kont_te2oly]

السلام عليكم ورحمه الله و بركاته
ههههههههههههه كلام جميل من ناس اجمل انا من راى فيها ايه لو دفعت بره الجيم ماانت هتدفع فلوس علشان تستمتع بس فى فرق لما تدفع فلوس و تستمتع و تستمتع و متدفعش حاجه هقولك ايه انا ايه الفرق . الفرق لما تدفع الفلوس هتعرف تضرب الناس على افاها ولما مش هتدفع انت اللى هتضرب على افااك هههههههههه :d

[zatona]

انا عجنى جدا رد نورهان
ومش لازم نشترى برا علشان نبقى جامدين جوا
لإن اللى عايز يحترم حد بتبقى لشخصيه اللى قدامة
وغير كدة ان المحترم بيحترم الناس كلها
مثلا ...
انا كنت اعرف ارشرايه عندنا فى السيرفر كانت full elite وهى من البرازيل
السيرفر كلة مكنش حد يقدر يهوب جنبها علشان بيحترموها هى وجوزها -.- in game and in real

دلوقتى بسم الله ما شاء الله عرفوا يعملوا اصطف وهى بقت اقوى ارشر على السيرفر وجوزها بقى اقوم تروجن على السيرفر
والله اعلم بقى اشتروا ولا مشتروش
بس عايز اعرفكوا حاجة
ان اللى شخصيته كويسه فى السيرفر ومعاملتة مع الناس حلوة الناس كلها بتحترمة حتى لو نووب لفل 1 -.-
وأسف على الاطالة

[zatona]

المشاركة الأصلية كتبت بواسطة SaMuRaIeG

انا معاك انا مش بقول كل يوم ولا كل اسبوع انا بقول كل شهر ، ودا بيرجع حسب شخصية كل واحد فينا ، ولا ايه ؟؟

اخى العزيز SaMuRaIeG

سؤال بس معلش اصل انا رخم شويه !!!
هو انت ليه عايز تقنع الناس كلها ان اللى يشترى يبقى حلو ؟؟
في ناس بتعرف تشغل دماغها ومش لازم تشترى برا
متغصبش حد على حاجة والكلمة بتتقال مرة واحد
أسف على الاطالة وعلى كثرة المشاركات