[a7mmd2010]

أخواني الأعضاء

لكثرة الشكاوى تم عمل هذا الموضوع ويشمل جزئين

1- طريقة تشغيل الألعاب بمختلف انواعها

2- حل لأشهر المشاكل اللي بتقابل الكثير من الأعضاء




أولا : طريقة تشغيل الألعاب .

لتسطيب الألعاب فيه ثلاثة أنواع من الألعاب اللي بتترفع على المنتدى

1 - الألعاب الفل ريب ( Full Ripped ) او الريب

2 - الألعاب الأيزو

3 - الألعاب الدايركت بلاى ( DirectPlay ) او Portable




- الألعاب الفل ريب

دي اسهل الألعاب من حيث طريقة التسطيب .. لانها بتبقى تقريبا بورتابل ولكن مضغوطة ببرامج ضغط معينة

وبيكون تسطيبها عن طريق ملف الباتش الموجود مع اللعبة زي ( setup.bat - Unpack.bat - install.bat )

وبيتم الضغط عليه فقط والانتظار حتى يتم الأنتهاء من التسطيب وبعدها تبدأ اللعبة مباشرة

مثلا زي الصورة دي



خد بالك من صيغة >> bat

وشاشة التسطيب بتكون بالمنظر ده





اعتقد النوع دع من الألعاب مفيش اي مشاكل فيه

[a7mmd2010]

- الألعاب الفل الأيزو

الألعاب دي بتكون موجودة على صور كتيرة

يعني ممكن تلاقيها مكتوبة (- FLT - Full Iso - SkidRow - Reloaded - Repack )

كل الصور دي للالعاب بتبقى ايسو وبتتسطب ببرامج اسطوانات وهمية .. أفضلهم في رايي Power Iso

وده لينك البرنامج Power Iso 4.4 ممكن تحمله من البرامج الي في موضوعي التاني

عشان تسطب الالعاب دي لازم يكون البرنامج ده متسطب

ملحوظة هامة جداااا : وانت بتسطب البرنامج ده تاخد بالك من الخطوة دي



لازم تعلم على كل الإمتدادت عشان فيه العاب امتداها iso وفيه العاب امتدادها مثلا Bin

فعشان ميحصلش اي مشاكل بعد كده لازم تحددو كل الامتدادت

وطريقة تسطيب اللعبة بالباور ايسو سهلة جدا

1- بتضغط كليك يمين على الملف الايسو او البين اللي عندك ( الناتج من فك الضغط )

2- تعمل زي الصورة دي



3- هتلاقي اللعبة اما انا فتحتلك اوتوماتيك فولدر اللعبة اللي فيها ايكونة التسطيب .. او اللعبة انضافت في محركت

الاسطوانات الوهمية اللي موجود في My Computer جمب البارتشنات بتاعتك وفي الحالتين تقدر تفتح فولدر اللعبة

وتبدأ التسطيب وعادة مابيكون ملف التسطيب بالاسم ده setup.exe



4 - الخطوة دي مش دايما بس في معظم الألعاب الايسو بتكون موجودة .. وهيه نقل الكراك

والكراك بيكون موجود بردو في فولدر اللعبة اللي طلعلك وسطبت منه اللعبة وطبعا بيبقى مشار ليه في الموضوع

فيه العاب بتبقى معمولة على أكتر من ملف أيسو او أكتر من ملف بين

التسطيب بيكون بنفس الطريقة بس بتحرق الملف الاول وتدخل عادي تبدأ التسطيب لحد مايطلب منك الملف التاني

متكنسلش التسطيب .. تسيبه وتروح تعمل كليك يمين على الملف التاني وتشغله بالباور ايسو وترجع للتسطيب

تدوس اوكى

وبردو بنفس الطريقة لو اكتر من ملفين

وده تاني نوع من الألعاب

[a7mmd2010]

3 - الألعاب الدايركت بلاى

الألعاب ديه بتكون على هيئة ملف ARC
وتعتبر أفضل نسخ الالعاب حاليا لسهولة تسطيبها
وتشتغل عالطول دون أى مشاكل

وتسطيبها بيكون ببرنامج الفرى أرك يمكنك تحميله من البرامج في اخر الموضوع

أولا : دلوقتى عندك لعبة دايركت بلاى ونزلتها من منتدانا

أزاى تسطبها ببرنامج ال Free Arc

على سبيل المثال ده ملف الارك المضغوط بتااع اللعبة

نبدأ من الأول ونركز شوية ّّ



2 - تحدد من على الجهاز مكان ملف الأرك بالضغط على Open Archive



3 - حدد مكان ملف الارك بتااع اللعبة وأضغط Open



4 - بعد تحديد ملف الأرك أعمل Extract للملف ودوس Ok



5 - أخر خطوة أستنى كمان يجى من 4 دقايق ل 5 دقايق مع يكتمل الفك

[a7mmd2010]

مشاكل الالعاب

واتمنى من أي عضو قبل مايحمل أي لعبة يقرا متطلبات التشغيل بتاعتها كويس جداا

ولما يحملها يسطبها بالطريقة اللي اللي موضحه في الموضوع

وكمان يحمل البرامج المرفقة مع اللعبة في الموضوع



نيجي لأشهر المشاكل ..

1 - الشاشة السودا او الخروج من اللعبة وظهور رسالة Dont Send

للاسف المشكلة دي بتبقى لاكتر من سبب

* اما اللعبة نفسها مش سليمة او ناقصة ملفات ( وده طبعا مبيحصلش هنا )

*او اللعبة بتحتاج امكانيات اعلى من كارت الشاشة

* او الويندوز فيه مشكلة

وفي كل الحالات حل المشكلة دي مبيبقاش عند اللي عامل الموضوع او عند اي حد غير صاحب المشكلة نفسها



2 - ظهور الرسالة دي

the aplication not installed coreectly or not installed .. reinstall it to solve the problem

الرسالة دي معناها ان اللعبة محتاجة ملف الريجستري عشان تشتغل وبيبقى موجود في فولدر اللعبة

وعادة مابيكون بالاسم ده reg.reg

وسبب الرسالة دي .. ان اللعبة مش متسطبة على الجهاز ده او منقولة وهيه متسطبة جاهزة وفي كل الاحوال

الرسالة دي مش مشكلة لانحلها بسيط وبيكون موجود مع ملفات اللعبة




- المشكلة الأشهر بين الأعضاء وهيه نقص ملفات في اللعبة مثلا زي dx3dx_31.dll

أحب اوضح ان المشكلة دي مبتبقاش عيب من اللعبة ولا هيه نقص ملفات ولا حاجة

دي بتبقى نقص ملفات Dll في الويندوز

وليها أكتر من حل وحلولها سهلة جدااا

1 - تسطيب اصدار مناسب من الدايركت اكس Dirext X

2 - الحصول على الملف اللي ناقص ونسخه في ملفت الويندوز في المسار ده :: C:/ Windows / System32

عشان كده انا جمعت كل ملفات ال Dll في ملف واحد مضغوطين من 65 ميجا الى 20 ميجا

واي حد تقابلة المشكلة دي ينزل الملف ده وينسخ الملفات اللي طلعتله في المسار اللي وضحته

لتحميل معظم ملفات ال Dll من البرامج في اخر الموضوع





- ظهور رسالة في مضمونها ان physics loader مش متسطب او مش مدعوم

وطبعا الحل بيكون بتسطيب برنامج Agia Physics اللي بيكون موجود في الموضوع وكمان البرنامج ده

بيحسن أداء الألعاب لحد كبير وبيوضح الجرافيك بتاعها بصورة كبيرة

ملحوظة هاااااامة :

ها هي البرامج الازمة رجاء تحميلها كلها قبل تحميل اي لعبة

هام جدا قبل تحميلك لأي لعبة تاكد من وجود البرامج الازمة لحل معظم مشاكل الألعاب وزيادة كفائتها




- مشكلة فك الضغط للملفات

المشكلة دي ليها أكتر من سبب هذكرهم بالترتيب وعلى كل عضو يتأكد من الأسباب دي وكله هيبقى تمام

1 - سيرفر التحميلاللي بتحمل منه ممكن يبوظ الملف المضغوط خصوصا الميديا فاير

2- ايقاف التحميل اكتر من مرة أثناء التحميل ده في حد ذاته بيبوظ الملفات المضغوطة

3 - برنامج الوين رار نفسه مش سليم علشان كده ياريت تحملو أحدث اصدارت الوين رار

4 - مشكلة في الويندوز نفسه

ده طبعا بإهمال ان ممكن تكون اللعبة نفسها فيها مشكلة في فك الضغط لانها طالما اتراجعت تبقى سليمة

اي عضو تقابله المشكلة دي يحاول يعرف المشكلة من اي ملف ويحمله تاني ومن سيرفر غير اللي حمله منه

وده طبعا بعد تغيير اصدار الوين رار




كده ده ملخص لأشهر المشاكل اللي لاحظت انها بتقابل الأعضاء وأي مشكلة تظهر طبعا هضيفها في الموضوع

أتمنى يكون الموضوع مفيد ويستفيد منه كل الأعضاء


تحياتي للجميع

وبكدة تنتهي اخر مواضيعي

[apdoahmed]

ايه الحلاوه دى

[a7mmd2010]

المشاركة الأصلية كتبت بواسطة apdoahmed

ايه الحلاوه دى

مشكووور >< و دة فعلا من اهم مواضيعي في القسم

[kilua]

موضوعك جمييييييييل جدا جدا مشكور
لكن فين الملفات الي كتبت انها بتكون في اخر الموضوع

[kilua]

شكررررررا خلاص وجدتها في موضوعك الاخر الف شكر وجاري التقييم
http://bbs.arab.91.com/showthread.php?t=92140

[XMMX]

موضوع جميل تسلم الايادي يا غالي

وكان عندي استفسار بسيط شويه

انا حملت لعبه سباق اسمها Ridge Racer Unbounded

حجمها 500 ميجا

وبعد ما حرقت الملف وسطبتها وكل شيء

اجي ادخل عشان العبها

وبتكون الاعدادات كده




وبعدها

بعد ما اتكي اوكي تظهر لي شاشه سوده كامله

وفي نص الصفحه مكتوب



فياريت لو اي حد يعرف حل المشكله دي يقولي

لاني نفسي العب اللعبه دي

[a7mmd2010]

المشاركة الأصلية كتبت بواسطة xmmx

موضوع جميل تسلم الايادي يا غالي

وكان عندي استفسار بسيط شويه

انا حملت لعبه سباق اسمها ridge racer unbounded

حجمها 500 ميجا

وبعد ما حرقت الملف وسطبتها وكل شيء

اجي ادخل عشان العبها

وبتكون الاعدادات كده




وبعدها

بعد ما اتكي اوكي تظهر لي شاشه سوده كامله

وفي نص الصفحه مكتوب



فياريت لو اي حد يعرف حل المشكله دي يقولي

لاني نفسي العب اللعبه دي

اولا شوف انت مسطب كل تعرفيات بعت الجهاز .. كرت شاشة و صوت

ثانينا شوف متطلبات جهازك تناسب العبه ولا لا

[كـــــــــــــــــاريوكى]

تسلم ايدك يا اخي تقبل مروري