Chitchat / دردشه دردش مع أصدقاءك حول الأفلام، الموسيقى، الرسوم المتحركه...كل ما تهتم به.

إضافة رد
 
أدوات الموضوع انواع عرض الموضوع
قديم 11-25-2009, 02:06 AM   #1
medo_hadi2020
قهر نشيط
 
الصورة الرمزية medo_hadi2020
 
تاريخ التسجيل: Oct 2008
المشاركات: 580
معدل تقييم المستوى: 593
medo_hadi2020 is on a distinguished road
افتراضي يوميات مضحكة ( لواحظ وعبد المتجلى )

بسوا قبل ما ابدء انا عيز تشجيع وردود علشان احط حلقات ماشي
الحلقة الأولي:
الام:لووووووووووى لووووووووووووى

الاب:ايه يا جملات بتزغرطى كده ليه؟

الام:اسكت يا حج لواحظ جالها عريس يا اخويا
الاب وعنيه مبرأة ومذهول) لواحظ بنتنا يا ولية ولا انا بيتهيألى!!!!يا اما أنتا كريم يارب أخيرا هتتفك عقدتها
الام:وطى صوتك يا متولى البت تسمع تتقهر يا أخويا احنا ما صدقنا
الاب:طيب طيب خلاص بس تعالى احكيلى مين اللى امه داعية عليه ده
الاموهى فى منتهى الانشراح) ده الواد عبد المتجلى ابن الست بهية فى الشارع اللى ورانا يوه ما انتا عارفهم يا راجل كان ابوه **** مراجيح
الاب:ها كملى.... اولها مراجيح ربنا يستر
الام:هو عمره ما شاف لواحظ بس سمع عن ادبها وجمالها اصله كان مسافر الخليج يا اخويا



الاب:أدبها طب قولى حاجة غير كده يا ولية ما انتى عارفة بنتك لسانها طول نفق شبرا



الام:يوه بقى يا متولى سيبنى اكمل يا راجل وما تبوظش فرحتى



الاب:يعنى بيشتغل ايه حيلة امه ؟



الام:بسم الله ماشاء الله ميكانيكى اد الدنيا



الاب:يلا لو زبال حتى انا عاوز اجوزها قبل ما أتشل وتجيلى جلطة من عمايلها السودا



الام:بعد الشر عليك يا ابو لواحظ....وتعيش وتشوف ولاد ولادها



الاب:لالالالا هى بس تتجوز ومش عاوز اشوف اى حاجة من ريحتها ده انا جالى الضغط والسكر منها يا جملات



الام:ههههه تتك أيه يا متولى ضحكتنى ده انتا بتموت فيها يا راجل مش بنتك الكبيرة



الاب:امال ايه ....بس ربنا يهديها وتتم الجوازة على خير



(صوت تكسير وصريخ ابنهم الصغير حناطة خارج بيجرى من اوضته )



حناطة:أاااااااااااااه الحقونى يالهووووووووووى



(ويستخبى حناطة ورا كرسى أبوه .....بينما تخرج الليدى لواحظ بتجرى وراه وهى بنت شرسة رغم ملامحها التى تبدو الى حد كبير مقبولة ولكنها غير منظمة فى مظهرها وعنيفة وصوتها عالى باستمرار)



لواحظ:وحياة *** وأبوك اللى رايح تستخبى وراه ده لقطعك ياخرتيت انتا.....مااااااااااشى اما كهربتك يا حناطة وانتا نايم وتموت مفحم ما أبقاش أنا لواحظ الفتكة
الاببمنتهى الهدوء والرعب طبعا من منظر بنته وفلذة كبده لواحظ) ايه يا لظلظ صلى على النبى فى قلبك كده يا بنتى فى ايه بس؟
لواحظ :اسكت انتا دلوقتى يا عم الحج سيبنى منى له



الاب:عم الحج!!!! يا بت احترمينى الله يحرقك ده انا ابوكى



كان يوم اسود يوم ما *** قالتلى انها حامل فيكى
الام:اة يا اخويا حتى يومها المرحومة *** ربنا افتكرها اهى البت طلعت لها




لواحظ:يا عينى عليكى يا لولو كلهم عليكى الهى اشوف فيكو يوم



الاب:يلا يا حناطة على اوضتك ماتخفش ....(ويلتفت الاب للواحظ) وانتى يا أم طويلة أترزعى جمبى هنا عايزك

لواحظ:تقعد على الكرسى فى انكسار وهزيمة بعد ما حناطة فلت من تحت سنانها) افندم يا بابا
الاب:ايه الادب ده كله .....الله الله



الام:خلاص بقى يا متولى يلا فرحها بالخبر (وتطبطب على لواحظ وعلى وشها ابتسامة عريضة)



الاب:احممممم بصى يا لواحظ يابنتى خالتك حسنية جايبة لك عريس لوقطة وهيجوا يشوفوكى الخميس الجاى



الام:لووووووى مبروك يا نور عينى عقبال الفرح يارب(وتبوس لواحظ التى جلست فاتحة بؤها ومذبهلة من خبر زيارة عريس الغفلة)



الاب:هو اسمه عبد المتجلى وبيشتغل ميكانيكى محترم .......ها ايه رأيك .؟



لواحظ:ايييييييييييه ميكانيكى يعنى ايده سودا وريحته بنزين 80....مستحيل اتجوزه مش عايزاه



الاب:هتشوفيه غصبن عن عين ابوكى .....هو ده اللى عندى واعملى حسابك على الخميس اللى جاى

لواحظ وعنيها بتطق شرار وتحدى) بقى كده ماشى



انتا اللى جبته لنفسك يا سى عبد المتجلى ..........

لسة الخطوبة وربنا معاك يا عبده
اتمنى تعجبكم يا جماعة
والكل معزوم فى الخطوبة
والحاضر يعلن الغايب
خطوبة لواحووووووووووووووووواحظ قريبا


انتظرونى الحلقة الجاية .....................................
__________________
لمنتخب الساجدين اسعدتونا وخسرتوا بشرف والف شكر ليكوا وموعدنا كاس امم افريقيا 2010
ولكل جزائري انا اسف لان منتخبنا الرائع لم يتاهل وتاهلتم يا شعب بربر وهمج ولكم مني كل عدم الأحترام
medo_hadi2020 غير متواجد حالياً   رد مع اقتباس Share with Facebook
قديم 11-25-2009, 02:13 AM   #2
medo_hadi2020
قهر نشيط
 
الصورة الرمزية medo_hadi2020
 
تاريخ التسجيل: Oct 2008
المشاركات: 580
معدل تقييم المستوى: 593
medo_hadi2020 is on a distinguished road
افتراضي

يلا حلقة تانية عشان الأهلي كسب وعايز اشوف ردود كتييييييييييير
__________________
لمنتخب الساجدين اسعدتونا وخسرتوا بشرف والف شكر ليكوا وموعدنا كاس امم افريقيا 2010
ولكل جزائري انا اسف لان منتخبنا الرائع لم يتاهل وتاهلتم يا شعب بربر وهمج ولكم مني كل عدم الأحترام
medo_hadi2020 غير متواجد حالياً   رد مع اقتباس Share with Facebook
قديم 11-25-2009, 02:13 AM   #3
medo_hadi2020
قهر نشيط
 
الصورة الرمزية medo_hadi2020
 
تاريخ التسجيل: Oct 2008
المشاركات: 580
معدل تقييم المستوى: 593
medo_hadi2020 is on a distinguished road
افتراضي

طبعا اختنا لواحظ قررت تتطفش العريس بس لما جه عبد المتجلى هو وامه .............. تعالو نشوف عملوا ايه


الحلقة التانية


(من يوم ما الست ام لواحظ عرفت بمعاد الخطوبة والبيت بقى فى حالة طوارىء خبط ورزع وتنفيض ويوم الخميس البيت بقى ولا بيت المحافظ وجاهز لاستقبال الفارس الهمام عبد المتجلى )



اوضة لواحظ.......لوووووووووووى لووووووووى وبنات العيلة بيغنوا ماتزوقينى ياماما قوام ياماما ده عبد متجلى بره وجايب الشكمان ياماما




لواحظ اوووووووف **** رخمة ربنا ياخدهم )وعشرة واقفين يزوقوا فيها وهى ضربة الوش الخشب ومش طايقة دبان وشها



فى نفس الوقت كان عبد المتجلى والست والدته طالعين على السلم وماسك ايد والدته الست بهية
الست بهية:بشويش يا بنى مفاصلى بتنقح عليا



عبد المتجلى:يلا بقى يا أما عاوز اشوف لواحظ
(كان الاستاذ برعى جار والد لواحظ نازل بالصدفة وبص لعبد المتجلى بحسرة وقاله:ان لله وانا اليه راجعون مبروك يا عريس ربنا يتولاك برحمته يا بنى




الست بهية:وشوشت عبده وقالتله سيبك منه ده شكله مجنون الراجل ده شوف شعره منكوش ازاى ومتعور




عبد المتجلى :الراجل ده خضنى هو يقصد ايه



الست بهية :كل خير يا ضنايا ماتخفش



عبد المتجلى ظبط القميص ورفع البنطلون ومسك علبة الجاتوه اللوكس اللى جايبهامعاه وضرب جرس الباب (غلطة عمرك يا عبده)



الست بهية:تبصله وتضحك اسم الله عليك يا حبيبى شبه المرحوم ابوك الخالق الناطق فينك يا شلبى تشوف ابنك وهو بيخطب




الامتفتح الباب وفرحانة على الاخر)اهلا اهلا اتفضلوا



الاب:اهلا وسهلا اتفضلوا ويسلم على عبده ويدخلهم الصالون



الامدخلت عند لواحظ الاوضة)يلا يا حبيبتى عريسك وصل هاتى العصير وتعالى بشويش وافردى بوزك شوية



لواحظ :الهى كان وقع من على السلم هو وامه وجالهم ارتجاج وريحونا بقى



الام:عيب يا بت ده الواد فلقة قمر يا خيبة وطول بعرض وشنبه يقف عليه الصقر



لواحظ :صقر لما يخرم نفوخه وكمان بشنب يادى القرف عاملى فيها الملك فاروق




الام:يلا بطلى طولة لسان وشهلى اخرجى بطل ما ابوكى يتنقط منك كفاية اللى طفشتيهم قبل كده بعاميلك السودا



(ام لواحظ تسبقها على الصالون وترحب بالضيوف )
الام:اهلا اهلا منورة يا ست بهية



ست بهية:بنورك يا ام لواحظ



(عبد المتجلى مكسوف وعامل عريس ووشه جايب الوان الطيف)



الابهو الواد ده اخرس ولا ايه)وقام رزعه بايده على كتفه منور يا اسطى عبده




عبد المتجلى:الله يخليك يا عمى



الابالواد مؤدب واخلاق والله خسارة فى المدفع الرشاش اللى هيهل علينا دلوقتى)( هههههههههههههه عسل الراجل ده )



ست بهية:أمال فين ست العرايس؟



الام:جاية حالا يا حبيبتى(يا لواحظ تعالى سلمى على الضيوف)





(تدخل لواحظ وماسكة صينية العصير وعاملة فيها نسمة وسى عبد المتجلى رافع نص عينه وبيبص على فتاة احلامه اللى هتقلبهاله كوابيس باذن الله)



لواحظ :سلام عليكم (وقعدت من غير ما تقدم العصير
وامها قاعدة تبصلها عشان تتحرك وتقدمه ولا حياة لمن تنادى)




الست يا عينى قامت وقدمته ودارت الموقف بس كان هاين عليها تقعد على لواحظ تبططها من كتر غيظها وهى موصياها تقدم لحماتها الاول وبعدين العريس




الاب:سلمى على خالتك ام عبد المتجلى يا لوزة
لواحظ الهى يسلم عليها قطر هى والمحروس ابنها واخلص منهم) أزيك يا طنط وبتضحك ضحكة صفرا طبعا




ست بهية:الله يسلمك يا مرات ابنى يا غالية
ايه رأيك فى عروستك يا عبودى



عبد المتجلى:ماصدق طبعا وبص للواحظ وهى مودية وشها الناحية التانية ومش طيقة تبصله وقال ماشاء الله يا امى



لواحظ الله ياخدك انتا وامك يا شيخ)



ست بهية: ها يا حج متولى طلباتك انتو تأمروا



الاب:الامر لله يا ست بهية احنا بنشترى راجل



(الاستاذ متولى والست بهية وعبد المتجلى مركزين فى تفاصيل الجواز لواحظ قاعدة مخنوقة وحالفة تطفشهم)




لواحظ :بصت لعبد المتجلى لاول مرة من اول القاعدة (ايه ده يخرب بيت سنينك ده طلع قمر )
ونزلت عينها وبعد تفكير عميق قررت تدى عبد المتجلى فرصة أما لاقته امور كده




الاب:ها يا لواحظ ايه رأيك يابنتى نقرا الفتحة(وهو حاطط ايده على قلبه خايف تعمل اى مصيبة زى عوايدها)




لواحظ :اللى تشوفه يا بابا (يلا مع ان شنبه بيفكرنى بهولاكو زعيم التتار)



ست بهية:مبروك يا ولاد وقروا الفاتحة
(لوووووووووى لوووووووووى)وام عبد المتجلى قعدت تعيط



ست بهية:اهىءاهىءاهىءاهىء فينك يا ابو عبده تفرح معانا




لواحظ الولية النكد دى مش هتنفع معايا)اجيبلها سى السيد بتاعها ده منين دلوقتى



عبد المتجلى:روقى بقى يا حجة زمانه حاسس بينا دلوقتى



لواحظ زمانه مرتاح من امك النكدية دى والله)
(معلش يا جماعة اصل لواحظ مش نكدية خااااااااااااااااالص وهتشوفوا بعدين )




الاب:يلا بقى يا جماعة الغدا جاهز وخلونا نفرح بقى بخطوبة الولاد




(وبعد الغدا مشى عبد المتجلى ووالدته وهو فى منتهى الانشكاح ما هو مش عارف اللى هيجراله ولو عرف هيتمنى يروح هو لابوه شلبى **** المراجيح)



(اوعوا تنسوا انتو معزومين على الشبكة وربنا يهنى لواحظ بعبد المتجلى)


انتظرونى الحلقة الجاية دى هاتعمل عمايل ههههههههههههههههههههههههههههه اراكم على خير
__________________
لمنتخب الساجدين اسعدتونا وخسرتوا بشرف والف شكر ليكوا وموعدنا كاس امم افريقيا 2010
ولكل جزائري انا اسف لان منتخبنا الرائع لم يتاهل وتاهلتم يا شعب بربر وهمج ولكم مني كل عدم الأحترام
medo_hadi2020 غير متواجد حالياً   رد مع اقتباس Share with Facebook
قديم 11-25-2009, 02:18 AM   #4
s.hid567
Banned
 
الصورة الرمزية s.hid567
 
تاريخ التسجيل: Nov 2009
المشاركات: 26
معدل تقييم المستوى: 38
s.hid567 is on a distinguished road
افتراضي

رووووووووووووووووووووووعه لكن ليه فين الحلقة الثالثه مستحيل متى تخرج لنا الحلقة الثانيه أبداع بلا حدود أنت كالبحر لا شاطئ له

ياعم والله حماس حلقه حماس جدا

آخر تعديل بواسطة s.hid567 ، 11-25-2009 الساعة 02:24 AM
s.hid567 غير متواجد حالياً   رد مع اقتباس Share with Facebook
قديم 11-25-2009, 03:13 AM   #5
s.hid567
Banned
 
الصورة الرمزية s.hid567
 
تاريخ التسجيل: Nov 2009
المشاركات: 26
معدل تقييم المستوى: 38
s.hid567 is on a distinguished road
افتراضي

سوال هي من أبداعك ولا منقول
s.hid567 غير متواجد حالياً   رد مع اقتباس Share with Facebook
قديم 11-25-2009, 02:09 PM   #6
latexrap
قهر نشيط
 
الصورة الرمزية latexrap
 
تاريخ التسجيل: Jan 2009
المشاركات: 743
معدل تقييم المستوى: 756
latexrap is on a distinguished road
افتراضي

تسلم ايدك بس هات اسامي سهله شوي
مش لظلظ
تسلم ايدك بجد مستني التالته
__________________
لاتصلي في الازهر ولا تمشي في حواري السيده
ولا تسمع الكوكب وهي منشده
ولا تقرأ محفوظ النجيب ولا حتي تسمع عندليب
خليك كده تحرم عليك كل العيون والأفئده
تحرم عليك كل الدماء والاورده
وبريئه منك الف مدنه وكل جبهه ساجده
latexrap غير متواجد حالياً   رد مع اقتباس Share with Facebook
قديم 11-25-2009, 09:38 PM   #7
ososalbrns
قهر فعال
 
الصورة الرمزية ososalbrns
 
تاريخ التسجيل: Dec 2008
الدولة: In my Mind
المشاركات: 1,856
معدل تقييم المستوى: 70289
ososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond repute
افتراضي

سلمت يداك منتظرين الحلقة الثالثه
__________________
كل عام وانتم بخير

يارب يكون عيد سعيد على الجميع


شكرااا للناس اللى فكرنى وعوده مستمره باذن الله

قاعد على قلبكوا ومربع
ososalbrns غير متواجد حالياً   رد مع اقتباس Share with Facebook
قديم 11-25-2009, 11:36 PM   #8
Last Offer
قهر فعال
 
الصورة الرمزية Last Offer
 
تاريخ التسجيل: Oct 2009
الدولة: in My World
المشاركات: 1,200
معدل تقييم المستوى: 1227
Last Offer has a spectacular aura aboutLast Offer has a spectacular aura about
افتراضي

تسلم ايديك ومستنين الحلقة التالتة وبجد موضوع هااااااايل وفكرا جميلة
__________________



B7bk ya noga
ya agmel o5t lia f el Donia


NeferTari

It's true that we don't know what we've got until we lose it, but it's also true that we don't know what we've been missing until it arrives


Last Offer غير متواجد حالياً   رد مع اقتباس Share with Facebook
قديم 11-25-2009, 11:51 PM   #9
medo4ever
قهر فعال
 
الصورة الرمزية medo4ever
 
تاريخ التسجيل: Oct 2009
الدولة: Egy'Cairo
المشاركات: 1,211
معدل تقييم المستوى: 1224
medo4ever is on a distinguished road
إرسال رسالة عبر مراسل Yahoo إلى medo4ever
افتراضي

فعلا قصة تحفة و في انتظار الجزء التالت يلا هاتة بسرعة بقا
__________________
  • No More Fear
  • Freedom Or Death
  • 30Years of Injustice
  • Everyone was no care with others
  • we were keeping a f***en silent
Now

EGYPT had

Changed
medo4ever غير متواجد حالياً   رد مع اقتباس Share with Facebook
قديم 11-26-2009, 12:42 AM   #10
medo_hadi2020
قهر نشيط
 
الصورة الرمزية medo_hadi2020
 
تاريخ التسجيل: Oct 2008
المشاركات: 580
معدل تقييم المستوى: 593
medo_hadi2020 is on a distinguished road
افتراضي

شكرة ليكوا وكمان مش فكرة جديدة ولا حاجة اصلي من قدماء المنتدي وكان في يوميات وحبيناها ولقيت سيرفر الدرشدشة وصل لاقصي حالات الملل فلت لازم نرجع لجو زمان
__________________
لمنتخب الساجدين اسعدتونا وخسرتوا بشرف والف شكر ليكوا وموعدنا كاس امم افريقيا 2010
ولكل جزائري انا اسف لان منتخبنا الرائع لم يتاهل وتاهلتم يا شعب بربر وهمج ولكم مني كل عدم الأحترام
medo_hadi2020 غير متواجد حالياً   رد مع اقتباس Share with Facebook
قديم 11-26-2009, 12:55 AM   #11
medo_hadi2020
قهر نشيط
 
الصورة الرمزية medo_hadi2020
 
تاريخ التسجيل: Oct 2008
المشاركات: 580
معدل تقييم المستوى: 593
medo_hadi2020 is on a distinguished road
افتراضي

يا دبلة الخطوبة ....
الحلقة الثالثة




(طبعا عارفين ان الحسناء لواحظ على وش شبكة وعاملة عروسة بقى )


اوضة لواحظ........النور مطفى وعبد الحليم بيغنى جانا الهوا جانا و لواحظ قاعدة هيمانة وماسكة الموبيل يمكن عريس الغفلة يتصل بس ده برضه مايهزش فى لواحظ الجبارة شعرة




لواحظ :مااااااااااماااااااااا



الام:ايه يا بت رعبتينى ربنا ينتقم منك



لواحظ :هو زعيم التتار مش ناوى يلبس دبل ويشبكنى رسمى بقى ولا هيفضل داخل خارج عليناكده زى الدبانة



الام:هههههههههه يقطعك يا موكوسة اوام هتموتى على الواد مش ده اللى كان كوخة وريحته زيت قلية



لواحظ :لالالالا انتى دماغك راحت فين يا ام لواحظ انا بس عاوزة ارتاح منكم مش حبا فى المنيل عبد المتجلى ده



(بتحاول تدارى مشاعرها ناحيته احسن تبان ضعيفة ولا حاجة اصلها مفترية شوية )




الام:خلاص اهمدى بقى هو اتفق مع ابوكى يلبسك الشبكة يوم الجمعة الجاية على الضيق كده




لواحظ :يومه اسود زى كف ايده سى عبد المتجلى المزحلق **** بنزين ورا يا اسطى



بقى انا اتشبك على الضيق وكمان من غير ما اختار شبكتى......عن اذنك يا ماما انا هتصرف


الام:ربنا يستر عليك يا بنى وتطلع سليم من تحت ايدها




تررررن تررررررررن
(لواحظ ضحت برصيد الموبيل وطلبته )






عبد المتجلىيفتح عليها) أفتح الكابوت يا ابن المتضايقة وشوف الزبون وريحه



لواحظ : نعم يا اخويا
عبد المتجلى:الوووو لا يا شكمان قلبى مش انتا يا جميل



لواحظ:احترم نفسك يا موتور احلامى
عبد المتجلى:ههههههههه والله عسل يا لظلظ



لواحظ :طب سيب عشة الفراخ اللى انتا فيها دى وركز معايا بقى عشان ما اقلبهاش عليك



عبد المتجلى:خير يا لواحظ انا زعلتك فى حاجة؟
لواحظ :هو انتا تقدر يا سبعى



بص بقى يا أما انزل انا وانتا نختار الشبكة وبلاش حماتى تديك فى حقن تحت الجلد يا أما تنسانى يا عبودى للابد اهىء اهىء اهىء اهىء انا اعصابى تعبانة ومحدش حاسس (فتكات بتعيط!!!!!!!!)


عبد المتجلى:طيب وحياتى عندك لو كان ليا عندك خاطر...... ما تعيطيش يا لظاظة قلبى



لواحظ هو عامل فيها انغام ولا ايه بس كويس البصلة جابت نتيجة ) المهم يا عبده قلت ايه؟( خلصنى بقى صحيح رغاى زى امك بهية المستخبية)




عبد المتجلى:لالالا انا هشوف الموضوع ده مهما كان ده حقك ودى شبكتك برضه وهنجيبها سوا يا لظلظ ولا تزعل يا جميل



لواحظ :طب يا عوعو انا هسيبك بقى عشان اتخنقت وما تنساش تشحنلى الموبيل مش هصرف عليك من اولها



عبد المتجلى:من عنيا الجوز وايدى اللوز.......يا محلول جلوكوز



لواحظ يخرب بيت ملافظك) تسلم ايدك يا عبده وما تنساش تغسلها قبل ما تاكل بدل ما تتسم من الهباب **** العربيات ومالحش اجيب حتى دبلة خشب وابقى ارملة




عبد المتجلى:ههههه سكر والله يلا خلى بالك من نفسك سلام




لواحظ (تقفل السكة معاه)وتروح تفرح والدتها وتقولها اعملى حسابك هنروح نشترى الشبكة بكرة




الام:اروبة زى اللى خلفك ياعينى عليك يا عبد المتجلى انتى لو مش بنتى كنت قلتله اصرف نظر يابنى وشوفلك واحدة تانية




(اشتروا الشبكة و لواحظ لبستها الحمد لله واليوم عدى على خير من غير اى خساير ولواحظ كانت زى الحمل الوديع ما هى العروسة بقى وبذكائها اشترت كل اللى نفسها فيه بالرغم من ان ام عبد المتجلى كانت هتتشل من كتر المصاريف اللى صرفتها وحطت فتكات فى دماغها خلاص)




عبد المتجلى :احمممم عمى بمناسبة اليوم اللى زى القشطة ده لو ممكن يعنى اخد لواحظ اعشيها بعد اذنك



الابوهو مجعوص اوى وفارد نفسه على الكرسى وعامل ديك رومى )والله يا عبده يا بنى انا معنديش بنات تخرج مع واحد غريب ....هو ده اللى عندى




الام:يوه يا متولى ماهى بقت خطيبته يا حج
لواحظ عليا النعمة ان ما رضيت يا متولى هشغل السخان عليك مية بتغلى وانتا فى الحمام )وتبتسم لابوها ابتسامة صفرا وهاين عليها تديله بالبوكس



عبد المتجلىينظر لحناطة اخو لواحظ وهو قاعد زى برميل الطرشى وهاجم على علبة الشيكولاتا وقضى عليها ) ايه رايك يا عم متولى ناخد الامور حناطة معانا واهو يتعشى معانا انا شايفه خاسس كده وما بياكلش



حناطة:هييييه هتعشى .......خلينى اخرج مع ابيه عبده يا بابا



الام:خلاص بقى يا متولى ورحمة المرحومة امك ما تكسف عبد المتجلى



(واتنهد ابو لواحظ وسكت شوية)



عبد المتجلىمااااااشى يا متولى بيه ورحمة امك بكرة اتجوزها واخليك تشوفها مرة فى العيد الصغير ومرة فى العيد الكبير)




الاببكل تناكة)هاااااااااا طيب عشان خاطر حناطة ما يزعلش واكسر بخاطره روحوا اتعشوا بس ماتتأخروش



لواحظ :تبتسم اوى وتبص لعبد المتجلى وهى فى منتهى السعادة (اظاهر انها حبيته بحق وحقيقى)
.............المهم عبد المتجلى واقف على باب الشقة هو و لواحظ وامها مستنين اللورد حناطة عقبال ما يتشيك ويمسح لحوسة الشيكولاتا اللى مغطية وشه المنتفخ من كتر الحشر عمال على بطال



الاببشويش وماسك ودن حناطة)افهم يا جذمة يا ابو مخ عجالى انتا تمشى فى وسطهم وما تسبش ايد اختك واوعى الواد عبد المتجلى يمشى جمبها لو فكر يمسك ايدها عضه واجرى كأنك بتلغ حتة لحمة وعايزك تغتت وترزل عليه عشان يحرم يقول اخرجها تانى ........يلا غور من وشى تتك نيلة وانتا شبه امك




حناطةمتنح ومبلم ومدلدل رقبته وبيسمع الوصايا العشر من ابوه) ما تقلقش يا بابا انتا ما خلفتش الا حناطة اعتبر نفسك باعت اسد معاهم........بس انا اخاف لواحظ تضربنى؟




الاب:امشى بس يلا بسرعة وما تخفش هى عاملة فيها فاتن حمامة النهاردة ومش هتضربك قدام


المحروس (عبد المتجلى و لواحظ وحناطة نزلوا من البيت واتمشوا على الكورنيش شوية وحناطة عامل زى حرس الحدود وعبد المتجلى هاين عليه يربطه فى ماسورة ويحدفه فى النيل هههههههههه)
عبد المتجلى:ها مبسوطة يا لواحظ ؟




لواحظ :تبص لحناطة وتقول لعبد المتجلى اة اوى هتطق من الانبساط يا عبده




عبد المتجلى:المهم اننا مع بعض يا لوزة قلبى
لواحظ :لوزة قلبك!!!!!ده دلع ده ........طيب تسلملى يا زعيم التتار



صحيح يا عبده ما فكرتش تحلق المقشة اللى سدة مناخيرك دى قبل كده.......ده حتى غلط على التنفس لاحسن تموت فطصان ولا حاجة


عبد المتجلى:لالالالالالالالا عمرى ده انا اموت بحسرتى (ويبصلها ويبتسم فى حين ان الاخ حناطة ملهى فى كيس الفيشار اللى جابهوله عبده عشان يرتاح من رزالته) ده شياكة يا لظتى عشان ابقى شبه اللى اسمه يحيى ده يا لموسة قلبى




لواحظ :اتلم يا عبد المتجلى بدل ما اخد حناطة واروح وخليك بقى حب فى شنبك يا **** لميس انتا
عبد المتجلى:ورحمة ابويا ورحمة ابويا كمان مرة انتا بتغير عليا يا جميل




لواحظ لاقت ان الموضوع هيقلب رومانسية وهى طبعا بميت راجل ....اسد يعنى) كشرت وقالتله :هتعشينا ولا اخد الواد وامشى واخليك تجرى ورايا والناس تتلم واقولهم بيعاكسى
وتاكل علقة تنسيك اسم المرحوم ابوك




عبد المتجلىبمنتهى الاذبهلال)ايه يا لواحظ قلبتيها اخبار حوادث ليه كده .......يلا ياستى نتعشى انا مش مستغنى عن عمرى
لواحظ رجالة ما تجيش الا بالسك)




(وعبد المتجلى اختار مطعم شيك اخر حاجة عشان خاطر عيون الساحرة لواحظ متولى ودخلوا المطعم والغلبان عبد المتجلى بيرسم فى خياله اول عشا رومانسى زى ما بيشوف فى الافلام)






لكن ما خفى كان أعظم وربنا يعينك على ما بلاك يا عبده
استنونى المرة الجاية ههههههههههههههههههههه



__________________
لمنتخب الساجدين اسعدتونا وخسرتوا بشرف والف شكر ليكوا وموعدنا كاس امم افريقيا 2010
ولكل جزائري انا اسف لان منتخبنا الرائع لم يتاهل وتاهلتم يا شعب بربر وهمج ولكم مني كل عدم الأحترام
medo_hadi2020 غير متواجد حالياً   رد مع اقتباس Share with Facebook
قديم 11-26-2009, 01:31 AM   #12
ososalbrns
قهر فعال
 
الصورة الرمزية ososalbrns
 
تاريخ التسجيل: Dec 2008
الدولة: In my Mind
المشاركات: 1,856
معدل تقييم المستوى: 70289
ososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond repute
افتراضي

اقتباس:
لكن ما خفى كان أعظم وربنا يعينك على ما بلاك يا عبده
استنونى المرة الجاية ههههههههههههههههههههه


ربنا معاك يعبد المتجلى ههههههههههههه
ال لظلظ ال
__________________
كل عام وانتم بخير

يارب يكون عيد سعيد على الجميع


شكرااا للناس اللى فكرنى وعوده مستمره باذن الله

قاعد على قلبكوا ومربع
ososalbrns غير متواجد حالياً   رد مع اقتباس Share with Facebook
قديم 11-26-2009, 01:36 AM   #13
tpe
قهر فعال
 
الصورة الرمزية tpe
 
تاريخ التسجيل: Jul 2009
الدولة: جنب محمد احمد بياع الفول
المشاركات: 1,874
معدل تقييم المستوى: 27217
tpe has a reputation beyond reputetpe has a reputation beyond reputetpe has a reputation beyond reputetpe has a reputation beyond reputetpe has a reputation beyond reputetpe has a reputation beyond reputetpe has a reputation beyond reputetpe has a reputation beyond reputetpe has a reputation beyond reputetpe has a reputation beyond reputetpe has a reputation beyond repute
إرسال رسالة عبر مراسل Yahoo إلى tpe
افتراضي

موضوع حلو وجامد يا مان
ربنا معاك يا عبد المتجلى
__________________
الى انكسر جوايا ....مج مش كوباية
انا مصرى..وافتخر
████████████
████████████
████████████
أشهد أن لا أله الا الله
وأشهد أن محمدا رسول الله.

──────────██───
─────────█▒▒█──
─────────█▒▒█──
─────────█▒▒█──
──────██▒█▒▒█──
────██▒▒██▒▒█──
──██▒▒█▒█████──
─█▒▒█▒▒█▒▒▒▒▒█─
█▒█▒▒█▒▒███▒▒▒█
─█▒█▒▒█▒▒█▒█▒▒█
─█▒█▒▒███▒▒▒▒█─
──█▒██▒▒▒▒▒▒█──
───█▒▒▒▒▒▒▒█───
tpe غير متواجد حالياً   رد مع اقتباس Share with Facebook
قديم 11-26-2009, 02:28 AM   #14
(حمادة)
قهر فعال
 
الصورة الرمزية (حمادة)
 
تاريخ التسجيل: Jan 2009
المشاركات: 1,766
معدل تقييم المستوى: 1779
(حمادة) is on a distinguished road
افتراضي

تسلم يا معلم و مشكور على النقل لو نقلها و مشكور على تعبك لو كنت عاملها

فى الحالتين مشكوووووووووووووور
__________________
عايز تغير مصر للاحسن
وتشوف مستقبلك باهر ان شاء الله

ادخل هنا وشارك معانا
فى جروب البرادعى رئيسا 2011

وللتوقيع على مطالبة بتغير وتعديل الدستور
تفضل بالدخول هنا و اقراء المطالب جيدا ثم وقع على التوكيل
(حمادة) غير متواجد حالياً   رد مع اقتباس Share with Facebook
قديم 11-26-2009, 11:21 PM   #15
medo_hadi2020
قهر نشيط
 
الصورة الرمزية medo_hadi2020
 
تاريخ التسجيل: Oct 2008
المشاركات: 580
معدل تقييم المستوى: 593
medo_hadi2020 is on a distinguished road
افتراضي

بمناسبة العيد الحلقة الرابعة
وشكرا ليكوا الرددود
__________________
لمنتخب الساجدين اسعدتونا وخسرتوا بشرف والف شكر ليكوا وموعدنا كاس امم افريقيا 2010
ولكل جزائري انا اسف لان منتخبنا الرائع لم يتاهل وتاهلتم يا شعب بربر وهمج ولكم مني كل عدم الأحترام
medo_hadi2020 غير متواجد حالياً   رد مع اقتباس Share with Facebook
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن »08:04 AM.


 تعريب drfouly®
Powered by vBulletin® Version 3.8.4
.Copyright ©2000 - 2020, Jelsoft Enterprises Ltd
قهر اون لاين عربية