Chitchat / دردشه دردش مع أصدقاءك حول الأفلام، الموسيقى، الرسوم المتحركه...كل ما تهتم به.

إضافة رد
 
أدوات الموضوع انواع عرض الموضوع
قديم 11-26-2009, 11:25 PM   #16
medo_hadi2020
قهر نشيط
 
الصورة الرمزية medo_hadi2020
 
تاريخ التسجيل: Oct 2008
المشاركات: 580
معدل تقييم المستوى: 593
medo_hadi2020 is on a distinguished road
افتراضي

الحلقة الرابعة

(طبعا الجنرال عبد المتجلى داخل من باب المطعم نافش ريشه ولا حسين فهمى فى فيلم موعد على العشاء )
قعدوا واختار للواحظ ست الحسن والجمال تربيزة على النيل وفى جو شاعرى ومزيكا عمر خيرت شغالة وهو هيمان وعايش الدور على الاخر
لواحظ:ايه القرف اللى مشغلينه ده مش يدوروا اغنية لسعد الصغير ولا بعرور الواحد دماغه وجعته من دق المزيكا دى
عبد المتجلىصحيح جاهلة )ههههههه لا يا لولو ده جو رومانسى للمخطوبين احنا مش فى فرح ابن خالتك فى الحارة بلاش فضايح
لواحظ :هههههه(اللى يشوفه كده يقول عازف فى الاوركسترا ماشفش نفسه وهو مرمى تحت العربيات ابن بهية
حناطة:ابيه ابيه ........عاوز اعمل بيبى *****
عبد المتجلىالهى يسد نفسك انتا واختك يا بعيد)ايه يا حبيبى حبكت دلوقتى؟
حناطة:اة بقى حبكت ولا اخدها ونروح واقول لابويا
عبد المتجلىرزل زى بقية العيلة مش ابوك متولى)
ويضحك بغيظ وقام شد حناطة من قفاه واخده التواليت
لواحظ :معلش تعبناك يا عبد المتجلى.....اقوله شكرا يا حناطة؟
حناطة:واقوله ليه هو الحمام ***** ولا ايه؟
عبد المتجلى:ولا يهمك يا لوزة حناطة ده سكررررررر(ربنا ياخده )ههههههههه
وجه الاخ الجرسون اللى ما يختلفش كتير عن الحيطة الا انه بيتحرك :تطلب ايه يا فندم اتفضل المينو ؟
عبد المتجلى:لالالالا ايه الكراريس دى احنا هنذاكر ولا ايه.........تحبى تأكلى ايه يا حبيبتى؟
لواحظ :اممممممم انا مش هتقل اصلى عاملة ديت
بص انا ممكن اخد نص فرخة وجوزين حمام وطبق محشى مشكل واوعى تنسى الفلفل وجمبرى ولو فى مكرونة باللحمة ما يضرش
عبد المتجلى:وهو فاتح بؤه ومذبهل على الاخر انتى مش شايفة انه قليل يا لواحظ ده انتى ما طلبتيش حاجة
لواحظ :الله بقى يا عبده مش بقولك عاملة ديت اخاف اتخن كده كفاية اوى
عبد المتجلى ده انتى هتنفجرى امال فى البيت بتاكلى ازاى!!!!)لالالالالا ما يصحش يا حبيبتى
لواحظ :شوف بقى حناطة هيطلب ايه
عبد المتجلى:حط ايه على خده وبصل للى ما يتسمى حناطة.........ها تطفح ايه يا حبيبى؟
حناطة:ماشى انا هسامحك عشان انتا هتبقى جوز اختى وهتعشينا بس
عبد المتجلى: لاكلك ذوق انتا واختك .......اخلص ما تخنقنيش هتطفح ايه فى ليلتك
لواحظ:ايه يا عبده براحة على الواد يتخض .......الله
عبد المتجلى:قرب من لواحظ ووطى رأسه بذمتك دى اشكال تتخض ده انا خايف يهجم عليا بدل الاكل
عبد المتجلى:خلص يا بنى هتاكل ايه فى ليلتك السودا ؟
حناطةبيطلع لسانه لغاية ما الامعاء الغليظة بانت من كتر ما هو فاتح بؤه)هاكل زى لواحظ وماتنساش الحاجة الساقعة والايس كريم
عبد المتجلىالهى اشوف فيك يوم انتا واختك قادر يا كريم)حاضر عنيا هو انا عندى اعز منكم
عبد المتجلى فى موقف لايحسد عليه يا عينى عليك يا عبده هاين عليه يعيط
هو اكتفى بالسلطات و لواحظ واخوها المفتريين نازلين حشر ........وبيبص لحناطة و لواحظ بغيظ :يارب يجيليك اسهال واشوفك مرمى فى الحميات 6 شهور ......وانتى يا لواحظ اما اكلتك طعمية سنتين ما ابقاش انا عبده
حسبى الله ونعم الوكيل
عبد المتجلى:مطرح ما يسرى يهرى يا حبيبتى
لواحظ :نعم نعم يا سى عبد المتجلى
عبد المتجلى:لالالالالالا ذلة لسان ده انا بهزر يا روحى بألف هنا على قلبك يا كوكو(كان يوم مهبب يوم ما فكرت اعزمك يا بنت العالم المفترية)
لواحظ :اة اتعدل كده بحسب
وجه الجرسون وجت اللحظة الحاسمة:الحساب يا افندم
عبد المتجلى:كام لو سمحت(استر عليا ربنا يسترك )؟
الجرسون:660 جنيه و85 قرش
عبد المتجلى:احممممم متأكد حضرتك من الحساب
الجرسون:ايوة يا بيه
عبد المتجلى:طب ما ينفعش 400 جنيه دلوقتى الهى ربنا ما يحكم عليك باللى انا فيه
الجرسون:ايه يا اخويا انتا فى اوكازيون ولا فاكره محل ابوك هنا
خلصنى وهات الحساب
عبد المتجلى:خد هما دول اللى معايا وهجيبلك الباقى بكرة وخد رقم الموبيل
الجرسون:اةةةةةةةةة انتا بقى منهم يا حبيبى
انتا شكلك مش عاجبنى من الصبح انتا واللى معاك دول
واخد عبد المتجلى يا عين امه من قفاه وطبعا كلنا عارفين انه هيظبطه فى المطبخ
لواحظ :انتا يا درفة الباب انتا سيب خطيبى بدل ما اوريك
الجرسون:اسكتى خالص وخدى البقرة اللى معاكى دى وامشى واحنا هنتصرف مع الحلو بتاعك
لواحظ :بقولك سيبه احسنلك
والجرسون غلط غلطة عمره وشتم لواحظ وزقها فى كتغها وضرب حناطة
لواحظ :قامت مشمرة وكعبلته وحناطة قعد على بطنه ونزلت فيه ضرب بكعب الجزمة الجديدة بتاعة الخطوبة والراجل يا حول الله نسى اسمه وراح فى غيبوبة
وجه المدير وكل الناس اتلمت وطلبوا الشرطة
واتشد عبد المتجلى وحناطة و لوااااااااااااااااااااااا حظ فى البوكس الفور باى فور وفى طريقهم للتخشيبة
لواحظ: ولا يهمك يا عبده ربنا هينصرنا على اعداءنا باذن الله
عبد المتجلى: اسكتى بقى طهقتينى يا شيخة هو احنا طالعين حرب ده احنا رايحين نتروق وانا اللى هاخد البهاريز يا خسارتك يا عبد المتجلى هتشوه
ومش هلحق افرح بالخطوبة المنيلة دى
لواحظ :اخص عليك انا مخصماك يا عبده
عبد المتجلى:يااااااااااااريت على طول مخصمانى
مش انتى السبب فى المصيبة دى انتى وبرميل الطرشى ده

ايه اللى هيجرى لك يا عبده ولسة عاوز لواحظ ولا صرفت نظر
ادعوله يا جماعة
__________________
لمنتخب الساجدين اسعدتونا وخسرتوا بشرف والف شكر ليكوا وموعدنا كاس امم افريقيا 2010
ولكل جزائري انا اسف لان منتخبنا الرائع لم يتاهل وتاهلتم يا شعب بربر وهمج ولكم مني كل عدم الأحترام
medo_hadi2020 غير متواجد حالياً   رد مع اقتباس Share with Facebook
قديم 11-27-2009, 12:37 AM   #17
ososalbrns
قهر فعال
 
الصورة الرمزية ososalbrns
 
تاريخ التسجيل: Dec 2008
الدولة: In my Mind
المشاركات: 1,856
معدل تقييم المستوى: 70289
ososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond reputeososalbrns has a reputation beyond repute
افتراضي

جميله اوى كمل يا ميدو يا معلم
__________________
كل عام وانتم بخير

يارب يكون عيد سعيد على الجميع


شكرااا للناس اللى فكرنى وعوده مستمره باذن الله

قاعد على قلبكوا ومربع
ososalbrns غير متواجد حالياً   رد مع اقتباس Share with Facebook
قديم 11-27-2009, 03:13 AM   #18
عاشق الجنان
Guest
 
المشاركات: n/a
افتراضي

ايه الحلوه دي لكن هل هي من أبداعك ولا منقول
  رد مع اقتباس Share with Facebook
قديم 11-28-2009, 05:42 AM   #19
(حمادة)
قهر فعال
 
الصورة الرمزية (حمادة)
 
تاريخ التسجيل: Jan 2009
المشاركات: 1,766
معدل تقييم المستوى: 1779
(حمادة) is on a distinguished road
افتراضي

كمل ياد احسنلك
__________________
عايز تغير مصر للاحسن
وتشوف مستقبلك باهر ان شاء الله

ادخل هنا وشارك معانا
فى جروب البرادعى رئيسا 2011

وللتوقيع على مطالبة بتغير وتعديل الدستور
تفضل بالدخول هنا و اقراء المطالب جيدا ثم وقع على التوكيل
(حمادة) غير متواجد حالياً   رد مع اقتباس Share with Facebook
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن »03:47 AM.


 تعريب drfouly®
Powered by vBulletin® Version 3.8.4
.Copyright ©2000 - 2020, Jelsoft Enterprises Ltd
قهر اون لاين عربية