Arabic Conquer Forum - مجتمع الكونكر العربى

Arabic Conquer Forum - مجتمع الكونكر العربى (http://bbs.arab.99.com/index.php)
-   Chitchat / دردشه (http://bbs.arab.99.com/forumdisplay.php?f=4)
-   -   ۩ اسئـــلة الامتحـــان حصرى ۩ (http://bbs.arab.99.com/showthread.php?t=9525)

-!HamadaMagdy!- 07-30-2009 07:47 PM

۩ اسئـــلة الامتحـــان حصرى ۩
 
دة موضوع انا شوفتو وقلت بلاش نحرم اعضائنا الجمال بالاستمتاع بة

نبداء الموضوع علي بركة الله
http://upload.traidnt.net/upfiles/Mmx57181.gif

بمناسبة الامتحانات وزى ما تعودنا على الحصريات
وانا عارف ان الطلبه خايفه انا جيت اهون عليهم شويه جايبلكم شكل ورقة الامتحان عامله ازاى وهانبدأ




بامتحان اللغه العربيه


أختبار اللغة العربية
انشاء الله هنشوفك السنة الجاية يا باشا


وقت الاجابة : خلص نفسك و اجري


اسم الطالب : ناسي البطاقة في البيت يا معلم
نوع الطلب:علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل:اتنين صفر و اربعه خضر


----------------------------------------------------------


هذا الامتحان برعاية بيبسي كولا
دلوقتي ..... بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))



------------------------------------------------------------


ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).


ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))


السؤال الاول20درجه)

قال ريكو في أغنية (( خلي الشعب يعيش )) مايلي :

راحت عليكي الدنيا ..... وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش ..... خلي الشعب يعيش



الاسئله

1- اشرح الآبيات الاربعة الاخيرة من النص بما لا يقل عن 90 سطرا باختصار شديد(9درجات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3درجات)
3- استخرج من البيت الاول محسن ابراهيم و محسن اسماعيل مبيناً نوع كل محسن منهما .(3درجات)
4- استخرج من البيت الثالث صورتين فوريتين مبينا نوع الكاميرا (3 درجات)

-------------------------------------------------------


مساحة خالية للإعلانات واحد اتنين .. الجيش العربي فين


----------------------------------------------------
السؤال الثاني ( 8درجات)
1- تم نقل السوق المالي إلى سوق السمك ؟ (2 درجات)
2- إقبال الناس الى شراء نوكيا 9990 و عدم شراء نوكيا 9900 ؟ (2 درجات)
3- إغلاق شبكة الأخبار pnn بعد زواج شارون ستون ؟ (2درجات)
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 درجات)


----------------------------------------------------------


*** أخي الممتحن أقلب الصفحة: والله لتندم عالساعة اللي دخلت فيها المدرسة ***



------------------------------------------------------------

السؤال الثالث –اختياري- (5 درجات)
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات)


---------------------------------------------------------


فاصل إعلاني: غمض عين فتح عين ...... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))



----------------------------------------------------


السؤال الرابع (8 درجات)
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
1-ماذا كان يريد ان يقول عمرو دياب للمزة ؟ (4 درجات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 درجه)
3- ما اسم صبي الخياط **** ام الموديل اللي كانت مع عمرو في الكليب ؟ (2 درجات)


-----------------------------------------------------------

السؤال الخامس (20درجه)
موضوع تعبير:


قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "


أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 درجه)


-------------------------------------------------------


بيبسي كولا




المشروب الرسمي لهذا الامتحان




----------------------------------------------------------


*** أخي الممتحن أقلب الصفحة أحسنلك (( اصلك مش عارف اللي فيها )) ***

السؤال السادس ( 19 درجه)
1- ما رأيك بتصرفات " رفيع " و " فرحة " في مسلسل الضوء الشارد ؟ (5 درجات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )

2- ما رأيك بموقف "حسام" من "سرية" في مسلسل الحقيقة و السراب ؟ (5 درجات)

3- من برأيك أقوى وأفضل بوكيمون - هل هو – بيكاتشو ؟؟؟ (5 درجات)

4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (4 درجات)


-----------------------------------------------------------------


عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً



-----------------------------------------------------------


سؤال المساعده لتحسين الدرجات(20 درجه) وملهوش لازمه اساسا


أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية


ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء.

------------------------------------------------------------


انتهت الاسئلة و نلقاكم في امتحان الدور التاني انشاء الله
ربنا يعينكم علينا


مع تحيات بيبسي كولا الراعي الرسمي للأمتحان

اى خــــــــــــــــــــدمة


http://www.s7relklam.com/vb/images/smilies/311.gif

aaooaa 07-30-2009 09:13 PM

هههههههههههههههههههههههههههههههه

جاااااااااامد اوووي الامتحان

انت مكنتش بتفتح ولما فتحت روقت قسم الدردشه


تسلم واوعي تنسي نريد المزيد

boody2100 07-30-2009 09:26 PM

هههههههههههههههه اصلي جدا

Mr EsLaM 07-30-2009 09:50 PM

ايه ده اول مرة اشوف منهج تعليمى بالشكل ده
ميكونش تربوى وانا مش عارف

ahmedbasha 07-31-2009 01:04 AM

الامتحان ده جامد برباط هههههه

tiuy2110 07-31-2009 04:39 AM

ايه الحلاوه دى اجاباتىى هنا نفس اجاباتى فى امتحان الاحياء

-!HamadaMagdy!- 08-08-2009 06:33 PM

ماشي ياشباب انا مبسوت ان الموضوع عجبكم زي معجبني انا كمان وشكر خاص لكل من وضع رد في موضوعي وايضا الي من لم يضع ردا

تحياتي

حمادة مجدي

man2020 08-09-2009 12:54 AM

ههههههههههههههههه اصلي امتحان روعه هههههه شكرا علي الموضوع الاكثر من رائع يا حماده مجدي

LordSmsm 12-27-2009 05:16 PM

جامد اوى يا حماده

ههههههههههههههههههههههه

تسلم ايدك والله

mohamed2061 12-27-2009 07:22 PM

يخربيت عقللك بجد بجد جامدة و تسلم ايدكم

DX^^Dark 12-27-2009 08:13 PM

ايوووووووووة كدا يا وديع اهدي الامتاحانات ولا بلاش هههههههههههههههههههههههه
امتحان اصلي كدتن هههههههههه ( علي راي حبموزو )
ههههههههههههههههههههههههه امتحان جامد

Trick 12-27-2009 10:53 PM

ههههههههههههههههههههههههههههههههه

جميل جداً تسلم أيدك يا باشا

clown2000 12-28-2009 01:04 AM

ههههههههههههههههههههههههههههههههههههههههههههههههه جامد اوى الامتحان دا

redtiger5000 12-28-2009 01:45 PM

هههههههههه اه انا شوفت الامتحان ده قبل كده بس امتحان مسخره هههههههههههههه
شكرا على النكتة الجامدة دى
انا مستعد اجاوب على الاسئلة دى بإجابات اكثر استهبالا و هفلطه بس مكسل

عاشق المزمار 03-12-2010 04:14 PM

وربي اسئلة توريييييييييييييط
:eek::eek::eek:


الساعة الآن »09:25 PM.

 تعريب drfouly®
Powered by vBulletin® Version 3.8.4
.Copyright ©2000 - 2020, Jelsoft Enterprises Ltd
قهر اون لاين عربية