المساعد الشخصي الرقمي

مشاهدة النسخة كاملة : اى حد عنده سؤال فى سمك الزينة او العصافير الاسترالى انا موجود


الصفحات : 1 [2] 3

redtiger5000
09-11-2010, 04:16 PM
رفع للإفادة

ArchMan
09-11-2010, 06:46 PM
اولا مشكور عالموضوع بس وشو اصعب انواع الطيور و اصعب النواع الاسماك زينه في التريبه والاطعام للفائده بس :) وسؤال ثاني انت تجيب الاجوبة من بحوث في المواقع ولا انت عندك معلومات واسعه وشكرا

redtiger5000
09-12-2010, 05:59 AM
اولا مشكور عالموضوع بس وشو اصعب انواع الطيور و اصعب النواع الاسماك زينه في التريبه والاطعام للفائده بس :) وسؤال ثاني انت تجيب الاجوبة من بحوث في المواقع ولا انت عندك معلومات واسعه وشكرا

لأ بعض المعلومات من عندى و البعض من مواقع متخصصة
يعنى مثلا اجوبة الاستشارات من خبراتى السابقة و كذلك معلومات الاسماك و انواعها لكن فى معلومات الاسماك بعض التفاصيل انا لا اعرفها فا اجلبها من المواقع المتخصصة حتى تكون المعلومة كاملة و شاملة
اصعب انواع سمك الزينة فى التربية هو السيكلد عموما و الديسكس و النيون تيترا و يوجد انواع اخرى و لكن دول اشهرهم و اكثرهم تداولا.. كل دول بيحتاجوا مياه نقية صافية مستقرة كميائيا طوال الوقت و لذلك عند تغيير ربع مياه الحوض لهم يجب ان تكون هذه المياه مركونة لمدة يومين او ثلاثة حتى تكون مياه متعادلة ليست يسيرة جدا او عسيرة جدا "عسيرة يعنى نسبة الاملاح و المعادن فيها عالية اما يسيرة يعنى النسب دى كلها متساوية" بالنسبة للأكل لازم يكون اكلهم مستورد او معمول يدويا فى البيت و لو هتأكلهم دود يكون مغسول كويس جدا عشان الدود مليان بكتريا ضارة ...للعلم..اقل سعر للأكل المستورد 25 جنيه علبة 50 جرام تكفى عدد 50 سمكة حجم 5 سنتى لمدة 3 اسابيع
اه نسيت...بالنسبة للطيور فا مفيش حاجة منهم صعبة فى التربية الا بس الببغاوات الكبيرة تحتاج اهتمام عالى شوية و كمان الكنارى

redtiger5000
09-12-2010, 06:31 AM
قريب اوى هنزل شوية معلومات حلوة عن الاسماك و الطيور فى وقت واحد

3lawe
09-12-2010, 12:19 PM
نبتدى على بركة الله...هذا الموضوع منقول من منتدى آخر من واحد اسمه مستر عبود للأمانة...عن نفسى اعرف متطلبات معظم السمك و لكن هو هنا يذكرها بشكل مفصل و اكثر احترافيه عنى..لذلك نقلته
سمكتنا اليوم هى

الجوبي :

http://www4.0zz0.com/2010/07/30/20/645354033.jpg (http://www.0zz0.com)
ده ذكر


هذه السمكة العظيمة والقوية والجميلة والرائعة بمعنى الكلمة

الحجم :آخر طول الذكر والانثى 6 سم أو 2.4بوصة

درجة الحرارة :18 – 28 درجة مئوية ( 75 – 85 ف )

درجة ال ph : من 6.8 الى 7.6 و على فكرة ال 1 من عشرة بتفرق و ال ph هو درجة حمضوة و قلوية المياه حيث انه يوجد سمك يعيش فى قلوية معينة و سمك آخر يعيش فى حموضة معينة و السمك الولاد عموما بيعيش فى المياه العادية بتاعتنا بدون ضبط ال ph ده ...انت بس بتتابع درجة ال ph دى لما بتكون عايز تفرخ او تعمل تكاثر فى السمك البياض

التغذية : سمكة قنوعة تتغذى على اللافقاريات المائية الحية والمجمدة مثل الديدان ويرقات الناموس والدافينيا وعلى القشور المجففة"
الحد الأدنى من الأسماك في الحوض :زوج من الأسماك

نسبة الذكور إلى الإناث :كل ذكر ل 4-5 أنثى

الحد الأدنى لحجم الحوض : 45 سم ( 18 بوصة )

مستويات الحوض :الوسط والسطح

السلوك : مسالم

بيئتها : يعد هذا النوع من السمك شائعاً للغاية ويتم الاحتفاظ به في الأحواض السمكية. حيث تتم تربيته بالآلاف وبالطريقة التي ينتج فيها كل الألوان والنماذج المختلفة للزعانف الموجودة في السوق اليوم. حيث تحتاج هذه الأنواع درجة حرارة مرتفعة عن الأسماك الأخرى من النوع ذاته التي تم اصطيادها من بيئتها الطبيعية. تكون ألوان أسماك الجوبي التي تم اصطيادها من بيئتها الطبيعية سادة إلى حد ما بالمقارنة بما هو موجود اليوم، ولكن بما أنه نادر الوجود فإن محبي تربية الأسماك يسعون لاقتنائه بأي شكل. عندما تقوم بشراء السمكة، تأكد من شراء كلا الجنسين الذكر والأنثى. يفضل الكثيرة من الأشخاص اقتناء الذكور بسبب الزعانف الذيلية الطويلة الانسيابية وأيضاً نتيجة لألوانها المبهرجة والجذابة التي تغطي جسدها. بينما تكون الإناث ألوانها أقل ـ تكون ذيولها فقط ملونة وفي بعض الأحيان الجزء الخلفي من الجسم. يتم استخدام سمك الجوبي في بعض المناطق الاستوائية للسيطرة على الناموس، حيث يعرف عن هذا النوع ولعه بأكل يرقات الناموس وهي مناسبة للمبتدئ وتعيش في أمريكا الجنوبية والوسطى في المياه النظيفة والمالحة .

متطلباتها : ماء نظيف بالاضافة الى النباتات ستستمتع يقرض اطرافها غير انها لا تفسد الزرع بل تأكل الطحالب التي تنمو على الأوراق .

التكاثر :تنضج الذكور في سن الثلاثة شهور وأما الاناث فقبل هذه المدة
ولا ننصح بتفريخها في هذا العمر بل في عمر الست الى عشرة شهور.

مدة الحمل : من 21-28 يوم وأحيانا الى 40 يوم حسب درجة الحرارة

الصغار :يولد الصغار وهم يستطيعون العوم والتغذي من أول ساعة من ولادتهم

حوض الولادة :يتم نقل الأم الى الحوض الذي ستتم فيه الولادة فيه عند ال 20 يوم من الحمل أو عند امتلاء او تربع البطن مع بروز فتحة الاخراج التى لونها ابيض "انبوب صغير جدا لونه ابيض ينزل من السمكة" ، ويتم بعدها اعادة الأم الى الحوض الرئيسي حتى لا تأكل الصغار ، ومساحة هذا الحوض 2 الى خمسة غالون

تغذية الصغار :معدة الصغار تفرغ كل 20 دقيقة ولكن طبعا لن تقوم باطعامهم بهذه الفترة ويكفي اطعامهم 6 مرات يوميا بكميا ضئيلة مع مراعاة عدد الصغار

ملاحظة:يكون ماء حوض الصغار من نفس ماء حوض الكبار حتى لا يحدث اجهاد للأم

طعام الصغار:
1- القشور المجففة المطحونة جيدا مع الدود الحي والمجفف
2- الدافينيا
3- فقس بيض القريدس ( الجمبري ) بمحلول ملحي


رعاية الصغار :

درجة الحرارة المناسبة : 26 -28 درجة م
هذه الطريقة لتسريع النمو زيادة درجة الحرارة لحد ال28 مع التغذية الجيدة مع ساعتين الى أربع ساعات اضاءة يعطي أسماك رائعة الجمال مع القوة والحيوية .

توافق الأسماك :يجب اختيار الأنواع المتربات معه بعناية لأن ذيولها الطويلة تسبب اغراء للأسماك الأخرى لنقرها سبيل التايجر بارب مشاغب مع كل الاسماك ذات الذيل الطول مثل الجوبى و الجولد فيش و الانجل



بعض صور الجوبى:-...هى انواع و لها اسماء و لكن بالنسبة لى يهمنى لونها و جمالها و ليس نوعها لكن المحترفين بتفرق معاهم عشان بيوزعوا انواع معينة على المحلات
http://www.9ower.com/uploads/9ower.com-574212805241121.jpg (http://www.9ower.com/)
http://www.9ower.com/uploads/9ower.com-574212805241122.jpg (http://www.9ower.com/)
http://www.9ower.com/uploads/9ower.com-574212805241123.jpg (http://www.9ower.com/)
http://www.9ower.com/uploads/9ower.com-574212805241124.jpg (http://www.9ower.com/)
http://www.9ower.com/uploads/9ower.com-574212805241125.gif (http://www.9ower.com/)



مشكور على الموضوع وعلى الافاده


انا كان عندي من هاذا النوع بس ما يتمو سبوع 1

اخر شي يأست ورميت الحوض وبقيه الاغراض:(

redtiger5000
09-12-2010, 03:50 PM
مشكور على الموضوع وعلى الافاده


انا كان عندي من هاذا النوع بس ما يتمو سبوع 1

اخر شي يأست ورميت الحوض وبقيه الاغراض:(

تربية السمك محتاجة صبر و رعاية و اهتمام مش زى الكلاب و القطط تديها اكل و خلاص على كده
لأ السمك محتاج تغير له ربع مياه الحوض كل 3 ايام و الاكل مرة الصبح و مرة بليل و تبقى كمية صغيرة مش كتيرة و كمان مضخة الهواء تكون قوية و سليمة و تتابع درجة الحرارة بحيث متزيدش عن 30 و كمان تتابع السمك لو فيه حاجة عيانة تعزلها فى حوض لوحدها و تعالجها ...تربيه سمك الزينة ده فن و احساس عالى بالطبيعه

redtiger5000
09-12-2010, 03:59 PM
مش من مات منه سمك يا جماعه ييأس و يرمى الحوض او يبيعه لأ حاول مرة تانى و أسأل كتير عن اى حاجة متعرفهاش و خد خبرات لأن المجال ده مجال خبرات

redtiger5000
09-13-2010, 12:14 AM
up
again ....

Last Offer
09-13-2010, 02:04 AM
up
again ....








ريد تايجر
انت مش محتاج تعمل اب للموضوع بتاعك انت موضوعك من اهم المواضيع المميزة على مستوى قسم الدردشة كلو :)

بجد موضوع مفيد جدا وهايل جدا
وكفايا تعبك دة ف الموضوع :)
الف شكر يا قمر :)

3lawe
09-13-2010, 03:42 AM
تربية السمك محتاجة صبر و رعاية و اهتمام مش زى الكلاب و القطط تديها اكل و خلاص على كده
لأ السمك محتاج تغير له ربع مياه الحوض كل 3 ايام و الاكل مرة الصبح و مرة بليل و تبقى كمية صغيرة مش كتيرة و كمان مضخة الهواء تكون قوية و سليمة و تتابع درجة الحرارة بحيث متزيدش عن 30 و كمان تتابع السمك لو فيه حاجة عيانة تعزلها فى حوض لوحدها و تعالجها ...تربيه سمك الزينة ده فن و احساس عالى بالطبيعه

انا كنت مهتم فيهم كثير

اغير الماي مرتين في اليوم:eek:

وكل يوم انضف الحوض:eek:

redtiger5000
09-13-2010, 04:43 AM
ريد تايجر
انت مش محتاج تعمل اب للموضوع بتاعك انت موضوعك من اهم المواضيع المميزة على مستوى قسم الدردشة كلو :)

بجد موضوع مفيد جدا وهايل جدا
وكفايا تعبك دة ف الموضوع :)
الف شكر يا قمر :)



شكرا بجد على شعورك الغالى ده و الرقيق ده
انا برفع الموضوع عشان اللى ميعرفش يعرف و كمان اللى عارف افكره لو عنده اى سؤال و ميفضلش يقلب فى الصفح و اتعبه
متشكر اوى يا اختى العزيزة على كلامك الرقيق ده و ده واجب عليا لأن من كتم علما الجمه الله بلجام من نار يوم القيامة
انا كنت مهتم فيهم كثير

اغير الماي مرتين في اليوم:eek:

وكل يوم انضف الحوض:eek:

مرتين فى اليوم غلط برضه...لأن كده نسبة الكلور هتبقى كتير فى المياه و هيموت السمك كله
تغيير المياه بيبقى ربع المياه الحوض كل 3 ايام او 4 ايام و تنضيف زجاج الحوض كل اسبوع
او ممكن تكون جبت سمكة عيانة و مخدتش بالك انها عيانة فا باقى السمك اخد عدوى و مات كله

!*ZeRoO*!
09-13-2010, 07:39 AM
اولا شكرا موضوع جميل وانت الصراحه ردود ميه ميه يا باشا

بس الصراحه انا عمري مربيت غير كتاكيت ههههههههههههه

بس كان عندنا زمان حمامتين كباااار في الحجم شويه

فضلوا يضربوا بعض لحد مماتوا كانوا علي طول خناق

انا بشك انهم هما الاتنين كانوا دكر

بس بجد انا شكلي هجيب حوض سمك :) بسبب موضوعك ده

redtiger5000
09-13-2010, 04:54 PM
اولا شكرا موضوع جميل وانت الصراحه ردود ميه ميه يا باشا

بس الصراحه انا عمري مربيت غير كتاكيت ههههههههههههه

بس كان عندنا زمان حمامتين كباااار في الحجم شويه

فضلوا يضربوا بعض لحد مماتوا كانوا علي طول خناق

انا بشك انهم هما الاتنين كانوا دكر

بس بجد انا شكلي هجيب حوض سمك :) بسبب موضوعك ده

نورت الموضوع و العفو ده واجب عليا و شكرا على كلامك الجميل زيك ده و بكره تبقى خبرة برضه و ترد ردود ميه ميه برضه :)
و الحمامتين دول اكيد ذكور
و مش هتندم عمرك انك عملت حوض سمك و انا معاك فى اى سؤال بخصوصه
و هتفضل تبحلق فى الحوض زيى كده طول اليوم من جماله عشان تصرفات السمك و شكل الحوض بيبقى جميل اوى سبحان الخالق المبدع
و على فكرة هيبقى ديكور جامد اوى و اى ضيف هيجيلك هيفضل يتفرج عليه

redtiger5000
09-14-2010, 12:50 AM
معلومات جامده جاية حااااااااالا

redtiger5000
09-14-2010, 04:23 AM
اليوم لدينا موضوع يتناول النباتات التى يسهل زراعتها و العناية بها و كذلك الحصول عليها . كثير منا يرغب قى زراعة حوضه و لكن تواجهه صعوبات عدة منها اختيار التربة و الاضاءة المناسبة و السماد او الاسماك التى تناسب الاحواض المزروعة و موضوعنا اليوم هو اختيار النبات السهل و المناسب للمبدتئين و سنتكلم عن بعض النباتات التى تتحمل ظروف مختلفة و لا يؤثر عليها قلة الخبرة و التى لاتحتاج الى متطلبات خاصة او حتى اجهزة مكلفة كاجهزة ضخ ثانى اكسيد الكربون. و ان كان ضخ غاز ثانى اكسيد الكربون سيفيد النباتات الا انها لن تموت فى حاله عدم وجوده
نباتات مثل الامازون و الكابومبا و الفلسنريا و معظم هذه النباتات موجوده عند واحد اسمه انطون لو حد عايز رقمه هدهوله
و لكن خدوا بالكم لرعاية و استمرار حياة هذه النباتات يجب تغيير ربع مياه الحوض كل 3 ايام و دى حاجة مهمة جدا
و كمان قاعده الحوض يكون فيها رمل اسمه سيليكا و هو متواجد عند انطون ايضا او حتة طينة الحدائق العادية و لكن تغطى بكسر الجرانيت فوقها حتى لا تعكر ماء الحوض و خد بالك و انت بتحط المياه عشان متهيجش فرش الحوض

و سنبدا بمقدمة الحوض تدريجيا حتى نصل الى الخلفية

1_ Pygmy Chain Sword )Echinodorus tennulus )

http://www.alhnuf.com/up/pics-gif/upload/view_h.php?file=ef300b384c

اسهل النباتات السيفية و هو من عائلة الامازون يصل طوله الى حوالى 7 سم يزدهر فى الاضاءة العالية و لكنه يصبح جيد فى ظل النباتات الاخرى , يتكاثر بسهوله عن طريق الجذر المداد يمكن لعدد 3 او 4 نباتات ان تملىء مقدمة حوضك فى بضعة اسابيع و تهدى منها لاصدقاءك و انا شخصيا لدى هذا النبات و يعطى منظرا طبيعا خلابا و سعر النبته لا يتجاوز 2 جنية مصرى.
يتحمل درجه حرارة من18 الى 28 و حموضة من5.5 الى7.5
2_ Dwarf Hair Grass - Eleocharis parvulus
للأسف مش مسموح لى انى احط اكتر من 10 صور

نبات رائع لمقدمة الحوض يتكاثر بسرعة و يشكل سجادة تغطى المقدمة و رغم انه يفضل الاضاءة العالية الا انه فور تاقلمه فى لحوض فان الاضاءة لا ثؤثر على نموه.

يتحمل درجه حرارة من23 الى 28 و حموضة من5.5 الى7.5

3- Java Moss - Vesicularia Dubyana
http://www.alhnuf.com/up/pics-gif/upload/view_h.php?file=7b33de4cc0

اسهل نباتات المقدمه عناية . اذا ما وضعتة فى الحوض فلن يموت ابدا ان شاء الله
ينمو على الخشب المتحجر او الصخور . رائع لاحواض التفريخ و يفضل تقليمة بانتظام و لا تخف فسيعود للنمو من جديد. و قد يصل سعر القطعة الى خمسون جنيها .
يتحمل درجه حرارة من23 الى 28 و حموضة من6.0 الى7.5

4-Hem Call - Hemianthus Calliitrichoides
http://www.alhnuf.com/up/pics-gif/upload/view_h.php?file=7180d39272


نبات جميل و سريع النمو و لكن يحتاج الى ماء يسر او متوسط اليسر سوف يملىء ارضه الحوض بسرعة فقط قطعة الى اجزاء و اغرسه فى التربة و هو سيقوم بالباقى .
يتحمل درجه حرارة من18 الى 28 و حموضة من5.0الى7.5

5- Baby Tears - Micranthemum Micranthemoides
http://www.alhnuf.com/up/pics-gif/upload/view_h.php?file=48dcd99057


بناء على مساحة الحوض يمكن استخدامه كنبات للمقدمة او منتصف الحوض. قد تقوم الاسماك بقضم اوراقة الضعيفة . فى الظروف المناسبة يصبح رائعا و لكن يستطيع تحمل معظم ظروف الماء الا انه قد يصبح اقل سمكا و كثافة فى الظروف السيئة.و يحتاج الى اضاءة قوية.
يتحمل درجه حرارة من16 الى 26 و حموضة من5.0الى7.5

6- Creeping Jenny - Lysimachia Nummularia
http://www.alhnuf.com/up/pics-gif/upload/uploads/thumbs/alhnuf8a4d221b71.jpg (http://www.alhnuf.com/up/pics-gif/upload/view_h.php?file=8a4d221b71)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=8a4d221b71)

نبات غاية فى الجمال ذو اوراق طرية تاكلها بعض الاسماك.يمكن ان يزرع افقيا ليعطى فرعين بارتفاع بوصتين او زاحفا . يفضل المياة الباردة و لكن يتاقلم مع درجه الحرارة المذكورة.و كذلك مع الاضاءة القوية او المتوسطة.
يتحمل درجه حرارة من14 الى 24 و حموضة من6.5الى7.5

7-Cryptocoryne pontederiifolia
للأسف مش مسموح لى انى احط اكتر من 10 صور

و نحن نتجة الى خلفية الحوض نجد هذا النبات ذو الاوراق المميزة و الذى يصلح للمنتصف او الخلفية جيث يعطى تباينا من حيث شكل و لون الاوراق. ينمو فى الاضاءة المتوسطة و لكن يكبر للغاية فى الاضاءة القوية . يتحمل الظروف المختلفة للماء.
يتحمل درجه حرارة من18 الى 29 و حموضة من 5.5الى 8.0

8-Anubias Barteri
للأسف مش مسموح لى انى احط اكتر من 10 صور

نبات رايزومى شائع و معروف للكثيرين لا يحتاج الى اضاءة عالية و فى الظروف المناسبة ينتج خلفات جانبية .يمكن ان يصل لحجم كبير و لذا يفضل تقليمة باسنمرار حيث يمكن ان يمتد الى اكثر من 40 سم.

يتحمل درجه حرارة من23 الى 36 و حموضة من 6.5الى 8.0

9- Ludwigia repens
http://www.animalsfanclub.com/up//uploads/images/domain-61a94276fd.jpg

نبات من اسهل و اجمل ما يمكن حتى انك يمكن الا تغرسة فى التربة و سينمو . فى الاضاءة القوية تتحول اوراقة الى اللون الاحمر و يفضل تقليمة حتى يزداد كثافة . سهل التكاثر عن طريق القطع او الفروع الجانبية , يأبى هذا النبات الا ان يعيش و يزدهر فقط اعطه ضوءا جيدا,وانا ايضا لدى هذا النبات و كم اهديت منه لاصدقائى و كم ظننت انه قد تدمر فى انتكاسات الحوض الا انه كما ترى .
يناسب منتصفالحوض او الخلفية
يتحمل درجه حرارة من15 الى 26 و حموضة من 5.5الى 8.0
10- water westria
http://www.alhnuf.com/up/pics-gif/upload/uploads/thumbs/alhnuf27cabdd8d9.jpg (http://www.alhnuf.com/up/pics-gif/upload/view_h.php?file=27cabdd8d9)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=27cabdd8d9)

نبات سريع النمو لدرجه قد تزعجك . شكل الاوراق يتنوع حسب شدة الاضاءة . يلمىء حوضى بشكل غير معقول و كلما قلمته زاد كثافة و سمكا, اهديت العديد من اصدقائى منه و هم ايضا يهدون منه.الاضاءة هى مطلبه الوحيد. يمكن ان ينمو افقيا حيث ان الساق تنتج جذورا و قد جربت ذلك فى الماضى .

يتحمل درجه حرارة من15 الى 26 و حموضة من 5.5الى 8.0

11-Vallisneria twisted
http://www.alhnuf.com/up/pics-gif/upload/uploads/thumbs/alhnufcebb10e3b6.jpg (http://www.alhnuf.com/up/pics-gif/upload/view_h.php?file=cebb10e3b6)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=cebb10e3b6)

نبات مميز باوراقة اللولبية . يتكاثر بسهوله فقط اغرسة فى التربة و اترك ماسفة بين النباتات و بعد عدة اسابيع ستجد بجواره العديد من الخلفات التى يمكنك نقلها بعد ان تصل لحجم مناسب و لاحظ ان التكاثر على شكل سلسله اىالنبتة الجديده تنتج هى الاخرى فلا تتسرع بنقل النباتات الجديدة حتى تكتمل السلسلة او تكتفى انت. يفضل الاضاءة القوية . يصلح للاجحزاء الجانبية او وسط الحوض الى الخلف.احببت هذا النبات لكثرة ما ينتجة فلقد كان لدى نباتتان و لان لم اعد اعرف عددها.
يتحمل درجه حرارة من15 الى 26 و حموضة من6- 6.5

12- Vallisneria spiralis
http://www.alhnuf.com/up/pics-gif/upload/uploads/thumbs/alhnufcf7075c8d2.jpg (http://www.alhnuf.com/up/pics-gif/upload/view_h.php?file=cf7075c8d2)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=cf7075c8d2)


يصلح ايضا للخلفية او جوانب الحوض . سهل للغاية , الاضاءة متوسطه الى قوية ينتج ورقة اسطوانية فى المنتصف فى اخرها ما يشبة الزهرة زو لكننى وجدتها اليوم مقضومة يبدو ان احد اسماكى استثاعتها . جلبيت هذا النبات و هو متهالك و لكنها الان يتعافى بشكل جيد . يتكاثر بسرعة . الغريب انه يمكنك تقليم اوراقة و لكن احرص بان تستخدم مقصا حادا.
يتحمل درجه حرارة من22 الى 28 و حموضة من7.5 - 6.5

redtiger5000
09-14-2010, 04:44 AM
السلام عليكم و رحمة الله و بركاته
طبعا قبل اى كلام
انا قلت من الاول ان كل ده منقول
و مش عايز اقولالمصدر عشان غير مسموح بس اللى عايز يعرف المصدر يراسلنى على الخاص

نتناول اليوم خطوات التأكيل اليدوى لفروخ او صغار العصفور الاسترالى او البادجى...خطوة بخطوة لكل من يريد البدأ فى تأكيل فروخه لأى غرض ( تدريب - انثى لا تطعم الفروخ - الأبوين يطعمون فرخ و يتركون فرخ -الانثى ماتت ....... إلخ )
قبل التحدث فى الخطوات و الطريقة المتبعة يجب أولا ان تعلم عزيزى الهاوى ان التأكيل اليدوى يحتاج إلى الصبر ثم الصبر ثم الصبر و الرعاية الكاملة للفرخ

مميزات التأكيل اليدوى

مميزات التأكيل اليدوى كثيرة و متعددة منها و ليس الحصر :
وجود طائر جيد التغذية و صحته ممتازة
إمكانية إضافة فيتامينات و املاح معدنية و كالسيوم للوجبة مما يعطى درجة استفادة كبيرة للفرخ
تعود الطائر على صاحبه و بذلك يكون من السهل فيما بعد تدريبه دون عناء

و نبدأ الخطوات

إذا عزمت التأكيل اليدوى فيجب اولا ان تعد التجهيزات الاتية

وجبة التأكيل : شخصياً أستخدم السيريلاك لإحتوائه على عدة عناصر مهمة

أدوت التأكيل :

سرنجة بدون سن
توجد اكثر من سرنجة لهذا الغرض

مكان التأكيل :

يوضع الفرخ فى إناء مع تغطيته بقعة قماش للتدفئة

يجب تعويض نقص التدفئة للفرخ عن طريق وضعه فى مكان مناسب للمكان الذى كان فيه ( البياضة ) نقوم بعمل بياضة مماثلة
( علبة غويطة يتم وضع بعض الأقمشة فيها و تبطينها جيدا )

http://www.alhnuf.com/up/pics-gif/upload/uploads/thumbs/alhnuf52cca893b9.jpg (http://www.alhnuf.com/up/pics-gif/upload/view_h.php?file=52cca893b9)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=52cca893b9)


بعد إعداد الأدوات المستخدمة نأتى لخطوة إعداد الوجبة

الوجبة تكون عبارة عن سيريلاك كما ذكرت سابقاً ووضعها فى إناء مع وضع ماء دافىء و مزجها جيدا حتى تعطى القوام اللين و السهل الهضم

http://www.alhnuf.com/up/pics-gif/upload/uploads/thumbs/alhnuf1eb441ec60.bmp (http://www.alhnuf.com/up/pics-gif/upload/view_h.php?file=1eb441ec60)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=1eb441ec60)


ملىءالسرنجة

http://www.alhnuf.com/up/pics-gif/upload/uploads/thumbs/alhnuf65b982c2ac.bmp (http://www.alhnuf.com/up/pics-gif/upload/view_h.php?file=65b982c2ac)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=65b982c2ac)


نأتى لأهم و أخطر خطوة و التى يترتب عليها نجاحك او فشلك فى عملية التأكيل

وضعية التأكيل و إدخال الطعام فى فم الطائر

http://www.alhnuf.com/up/pics-gif/upload/view_h.php?file=e6a5d8ead4


يجب مسك الطائر باليد اليمنى و السرنجة باليد اليسرى و إدخال الطعام من جهة اليمين و عدم إدخال الطعام من الجهة اليسرى لأنها جهة التنفس
و دفع الطعام إلى الداخل بهدوء مع ملاحظة حوصلة الطائر و التأكد من ملأها بالطعام

http://www.alhnuf.com/up/pics-gif/upload/uploads/thumbs/alhnufe6a5d8ead4.jpg (http://www.alhnuf.com/up/pics-gif/upload/view_h.php?file=e6a5d8ead4)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=e6a5d8ead4)


الآن مع جدول لتوضيح توقيتات التأكيل

http://www.alhnuf.com/up/pics-gif/upload/uploads/thumbs/alhnuf7e7697e8e9.jpg (http://www.alhnuf.com/up/pics-gif/upload/view_h.php?file=7e7697e8e9)http://alhnuf.com/images/zomup.gif (http://www.alhnuf.com/up/pics-gif/upload/view_h.php?file=7e7697e8e9)


مع اطيب التمنيات بتجارب ناجحة و مثمرة بأمر الله

redtiger5000
09-14-2010, 04:56 AM
لو زوج العصافير اللى عندك مش راضيين يتزاوجوا و بيتخناقوا

اولا:لو عندك جوز عصافير بادجى (استرالى) مبيبضش وبيتخانق الحل صغيير وسهل بص اول حاجة هتجيب الانثى من القفص واعزلها عن الذكر ولكن حطها فى قفص يكون لازق فى قفص الذكر ويكونوا شايفين بعض بس متحطتش للانثى اكل لمدة 8 ساعات هتلاقى الذكر جاب اكل واكلها وبكدة هيتعرفوا و يتألفوا مع بعض وبعد ال8 ساعات حطهم مع بعض تانى وسيبهم فى مكان ميكنش فى ناس يعنى قدر الامكان تبعدهم عن الناس ويفضل محدش يبص عليهم عشان هما بيلحظوا دة وباذن الله هيتجوزوا
اقولك على فكرة...لو القفص فى البلكونة مثلا...حط ورقة جرنان او كيس اسود على جنب القفص اللى الناس بتدخل منه البلكونة بحيث ميشوفوش اللى داخل اول لما يدخل عشان ميتخضوش
و فى الشتاء غطى القفص ببطانية من الجناب او لو مش موجود بطانية يبقى اى قماش تقيل و بليل غطى القفص من كل الجوانب حتى الجانب الامامى من القفص و الصبح شيل القماش ده

redtiger5000
09-14-2010, 05:03 AM
السلام عليكم ورحمه الله وبركاته

اخوانى الكرام


هناك بعض الاطعمه التى تقدم لتحفيز الطيور على الانتاج ووضع البيض وذات اهميه للبادجى منها على سبيل المثال


1-سلطه الخضروات وهى مزيج من (شرائح الخيار+شرائح البطاطس النيه+ الجزر+الطماطم+البنجر+الفلفل الاخضر غير الحار+البصل)

2-اعواد الجرجير والسريس والبرسيم

3-وجبه البيض بالبقسماط

4-خلطه الزبادى مع لبابه العيش الفينو

5- القمح المبلول

6-البطاطس المسلوقه والمهروسة

7- العدس المبلول

8-ارغفه العيش الناشف

انصحكم اخوانى بعدم وضع هذه الاطعمه فى وقت واحد ولكن الرجاء التنويع وعمل برنامج غذائى للطيور
يعنى مثلا الصبح بقدونس و جرجير و بعد الظهر و بليل الاكل العادى و صباح اليوم التانى تحط القمح المبلول او وجبة البيض بالقسماط و هكذا

redtiger5000
09-14-2010, 05:58 AM
رفع للإفادة

redtiger5000
09-14-2010, 07:27 AM
رفع للإفادة

Sniper.870
09-14-2010, 07:36 AM
يااااااااه
ماشاء الله
فعلا الموضوع دة فية شغل كبير جدا والف شكر ليك يا ريد عالمعلومات
وانا لما كنت باخد درس علوم كانت عند المدرسة حوض سمك كان جميييييييل
وكان فية جهاز كدة اظن انو كان بيمتص مية الحوض وبيبخها تاني علي شكل فقاقيع والسمك فرحان ههههههههه
بس كان فية سمكة مزيفة يعني بلاستك محطوطة في الحوض
هل ليها سبب صحي ولا تهيس مع باقي السمك وخلاص ؟؟
وبعدين بطل بحلقة في الحوض شوية ههههههه

البتول
09-14-2010, 07:07 PM
اولا الف شكر ل ريد تايجر على الموضوع الروعة ويستاهل التقيييم بامتياز
.
.
.
وثانيا كانت عندي سمكة وحدة .. ولانه ماعندي خبرة في تربيتها ماتت :(
مع انه صاحب المحل نصحني اخذها لانه ماتحتاج عناية كبيرة .... سمكة بيتا
http://i54.tinypic.com/14tbt47.png

ومن يومها حرمت اربي سمك او طيور ...وياريت اللي ياخذوهم يهتمو فيهم او على الاقل يكون عندك خبرة كافية

redtiger5000
09-15-2010, 02:37 AM
اولا الف شكر ل ريد تايجر على الموضوع الروعة ويستاهل التقيييم بامتياز
.
.
.
وثانيا كانت عندي سمكة وحدة .. ولانه ماعندي خبرة في تربيتها ماتت :(
مع انه صاحب المحل نصحني اخذها لانه ماتحتاج عناية كبيرة .... سمكة بيتا
http://i54.tinypic.com/14tbt47.png

ومن يومها حرمت اربي سمك او طيور ...وياريت اللي ياخذوهم يهتمو فيهم او على الاقل يكون عندك خبرة كافية

السمكة دى ليها نوعين من التربيه ...هى اولا مش بتحتاج سكرية هواء اللى هى الفقاقيع دى اللى بتشوفها فى الحوض...عشان السمكة دى فيها رئة بالاضافة الى الخياشيم و كل نص ساعه ولا حاجة بتطلع تاخد نفس و تنزل
الذكور لآ تربى مع بعضها عشان هيقتلوا بعض...ايوا هيقتلوا بعض بجد
اول نوع من التربية هى فى البلورة لوحدها بدون انثى و ده للناس اللى غاوية تتكلم مع السمك اكنها صديق او بيجيبوا عدة احواض او بلورات صغيرة و بداخل كل واحده منها ذكر مختلف الالوان عن الاخر و بيعمل ديكور جميل و طبعا الاكل بيبقى بسيط جدا لأنها سمكة واحده و تغيير مياه البلورة بيبقى ربعها برضه كل 3 ايام
و فى انك تربيها فى الحوض مع باقى السمك و لكن منظرها لوحدها مع باقى السمك مش حلو عشان بتنزوى فوق فى اخر الحوض على جنب و مش بتسبح و تتجول فى الحوض زى باقى السمك...هى سمكة جميلة و لكن سمكة ديكور فقط يعنى الوان و خلاص مش هتتمتع بيها اوى و بمشاهدة حياتها زى باقى السمك اللى بيتجول فى الحوض
و نصيحة مش اى كلام يقولهولك التاجر تقتنع بيه لأنه عايز يبيع و خلاص و مش يهمه بأه اذا كنت هتاخد سمكة عيانة او سمكة الوانها وحشة او باهته الا اذا كان راجل عنده ضمير و دول قليلين
يااااااااه
ماشاء الله
فعلا الموضوع دة فية شغل كبير جدا والف شكر ليك يا ريد عالمعلومات
وانا لما كنت باخد درس علوم كانت عند المدرسة حوض سمك كان جميييييييل
وكان فية جهاز كدة اظن انو كان بيمتص مية الحوض وبيبخها تاني علي شكل فقاقيع والسمك فرحان ههههههههه
بس كان فية سمكة مزيفة يعني بلاستك محطوطة في الحوض
هل ليها سبب صحي ولا تهيس مع باقي السمك وخلاص ؟؟
وبعدين بطل بحلقة في الحوض شوية ههههههه

متشكر اوى يا غالى على كلامك الجميل ده و دى شهادة اعتز بيها جدا منك و من جميع الاعضاء
السمكة المزيفة دى بلاستيك ديكور مش اكتر ولا بتنفع ولا بتضر و لكن طبعا بتبوظ المنظر الطبيعى للحوض فى رأيى و رأى معظم مربى اسماك الزينة...اى ديكور بلاستيك فى الحوض مهما كان جميل بيبوظ الشكل الطبيعى و الحياة الطبيعية للحوض
و بحلق يا عم فى الحوض براحتك امال هو معمول ليه ههههههه
سبحان الخالق المبدع

redtiger5000
09-16-2010, 12:08 AM
رفع للإفادة

redtiger5000
09-16-2010, 02:21 AM
انا زهقت...رفع للإفادة

redtiger5000
09-16-2010, 04:57 AM
محدش طيب عايز يدخل يتناقش او يبدى رأيه ؟
محدش عايز حتى يعرف شوية معلومات عامة تفيده ؟
كله فى مواضيع البنات بتقول ايه على الشباب و الشباب بيقول ايه على البنات !!
انا مش فاهم بصراحة...يا جماعه المواضيع دى من اهيف ما يكون و امتلئت بها المنتديات
ممكن منبقاش هايفين ؟ ممكن نبقى شوية مثقفين ؟
انا مش بشكر فى موضوعى ولا حاجة بس موضوع زى ده يا جماعه بجد هيفيدكم على الاقل كمعلومات عامة جديده عليكم
بلاش موضوعى ادخلوا على اى موضوع مهم و ليه هدف

redtiger5000
09-16-2010, 05:28 AM
الصفحة اللى فاتت و اللى قبلها فيها معلومات جميلة

The Game #35
09-16-2010, 05:31 AM
طب دلوقتي اي غالي عاوزك في سوال
دلوقتي انا عاوز حاجه بسيطه مش حوض و سمك و الوان حاجه بسيطه كدا
يعني عارف الدلو ده ايل في الافلام المدور ده عاوزه و احط فيه مياه و السمكه
عاوزاعرف ايه المكان الي اشتري منه الدلو ده و انهي السمكه الي تمشي حلو معاه
و لول المياه عاوز اغيرها ازاي ؟ بليز ردك

The Game #35
09-16-2010, 05:56 PM
up up up up up
رييييد بليز رد عليا

redtiger5000
09-17-2010, 02:21 AM
طب دلوقتي اي غالي عاوزك في سوال
دلوقتي انا عاوز حاجه بسيطه مش حوض و سمك و الوان حاجه بسيطه كدا
يعني عارف الدلو ده ايل في الافلام المدور ده عاوزه و احط فيه مياه و السمكه
عاوزاعرف ايه المكان الي اشتري منه الدلو ده و انهي السمكه الي تمشي حلو معاه
و لول المياه عاوز اغيرها ازاي ؟ بليز ردك

معلش يا غالى و الله انا لسه راجع من الشغل من نص ساعه بس...انا مواعيدى من 3 بعد الضهر لحد 2 بليل يعنى ببقى فى البيت 2 بليل
انت تقصد البلورة مش كده ؟
منصحكش بيها بصراحة عشان الانواع اللى بتتربى فيها قليلة
عموما هتلاقيها عند اى بــتاع سمك زينه و جيب الحجم الكبير
الانواع اللى ممكن تتربى فيها هى الدوارف جرامى و دى الوانها الى حد ما حلوة و الفايتر "ذكر فقط" لأن لو معاه انثى او ذكر زيه هيموته و لو انثى غير حامل هيموتها من كتر الجرى وراها و التنقير فيها و كل انواع الجرامى ممكن تتربى فيها و كمان هتجيب مثلا 3 حتت جوبى فى 2 انثى و ذكر واحد او 2 ذكر و 2 انثى و تحط سكرية هواء كويسة مستوردة و مش تملى البلورة مياه على اخرها لأ انت هتسيب اد 5 او 6 سنتى فراغ .. بس انت هتجيب فى حدود 5 او 6 سمكات بالكتير اوى و تحط جرش كسر جرانيت او رمل السيليكا المهم يكون الجرش ناعم
و الاكل يكون مرة الصبح و مرة بليل كمية بسيطة و تغير ربع المياه كل 3 ايام و اوعى تنسى تغير ربع المياه كل 3 ايام عشان دى مهمة جدا خصوصا فى البلورة دى عشان الاوساخ و الامونيا بتتراكم فيها بسهولة...و ممكن تحط زرع امازون فى نص البلورة
و طبعا متنساش الترمومتر و متغطيش البلورة عشان التنفس للسمك

redtiger5000
09-17-2010, 03:34 AM
رفع للإفادة ...تانى

The Game #35
09-17-2010, 04:17 AM
معلش يا غالى و الله انا لسه راجع من الشغل من نص ساعه بس...انا مواعيدى من 3 بعد الضهر لحد 2 بليل يعنى ببقى فى البيت 2 بليل
انت تقصد البلورة مش كده ؟
منصحكش بيها بصراحة عشان الانواع اللى بتتربى فيها قليلة
عموما هتلاقيها عند اى بــتاع سمك زينه و جيب الحجم الكبير
الانواع اللى ممكن تتربى فيها هى الدوارف جرامى و دى الوانها الى حد ما حلوة و الفايتر "ذكر فقط" لأن لو معاه انثى او ذكر زيه هيموته و لو انثى غير حامل هيموتها من كتر الجرى وراها و التنقير فيها و كل انواع الجرامى ممكن تتربى فيها و كمان هتجيب مثلا 3 حتت جوبى فى 2 انثى و ذكر واحد او 2 ذكر و 2 انثى و تحط سكرية هواء كويسة مستوردة و مش تملى البلورة مياه على اخرها لأ انت هتسيب اد 5 او 6 سنتى فراغ .. بس انت هتجيب فى حدود 5 او 6 سمكات بالكتير اوى و تحط جرش كسر جرانيت او رمل السيليكا المهم يكون الجرش ناعم
و الاكل يكون مرة الصبح و مرة بليل كمية بسيطة و تغير ربع المياه كل 3 ايام و اوعى تنسى تغير ربع المياه كل 3 ايام عشان دى مهمة جدا خصوصا فى البلورة دى عشان الاوساخ و الامونيا بتتراكم فيها بسهولة...و ممكن تحط زرع امازون فى نص البلورة
و طبعا متنساش الترمومتر و متغطيش البلورة عشان التنفس للسمك


رد علي الرساله
عشان انا حاسس اني مش فاهم اي حااااااااااجه

redtiger5000
09-19-2010, 02:30 AM
get up
:rolleyes:

The Game #35
09-19-2010, 05:38 AM
طيب دلوقتي انا خايف ااكل السمك غلط
يعني دلوقتي البلوره فيها مثلا 7 سماكات
مش ممكن احط اكل لل7 سمكات واحده تاكل اكتر و التانيه اقل ؟؟
و شفت في موضوع ان تقليل الاكل مضر بس كتره مضر اكتر لانه بيتبقي في القعر بيعمل تعفن اعمل ايه ؟؟ دي اول حاجه تاني حاجه


لو في اكل و عمل تعفن اشيله ازاي لانهم بيقولوا غلط اشيله بايدي كدا ؟ الميه مش هتبقي نقيه و ا عادي لو غسلت ايدي و خرجتهم ؟


كام مقدار اقلهم يعني كام قشره للسمكه الواحده ؟؟ و لو 7 احطلهم مع بعض ولا ممكن يتخنقوا ؟


انا عرفت ازاي اعرف ان السمك جعان و او مش جعان لو اكلته الصبح لعي المغرب لقيته جعان اعمل ايه ؟ ااكله ولا اسيبه لبليل

عرفت ازاي احضر الدود امسك دوده دوده اغسلها كويس و اشيل الي عليها لو في حاجه تمتعلقه فيها و اغسلها و اطلع راسها فوق عشان تتنفس
بس دلوقتي با بيقولوا بيموت لو خدت الكيس خدت الي انا عاوزه منه و سبته اعمل ايه عشان يفضل معايا ؟


بيقولوا في انواع سمك لما بتبيض بيتبيض من 20 : 40 سمكه طبعا البلوره مش هتكفي ال7 و البياض ده كله و الي هيخرج من البيض
اسالتي با اعمل ايه لما البيض يفقس ؟ و البيض الميت اعمل ايه و البيض الي اتفقس اعمل في ايه ؟ اخرجهم ازاي ؟

معلش اسالتي كترت بس انا خايف اجيب سمك معرفش ااكله ولما يتزواج و يبيض يموتوا مني لو معرفتش اعتني بيهم

انا عازك بس علي القال ترد علي اسالت الاكل و لما يبا يبيضوا يبا يحلها حلال انت معايا ياهو او اسال صحاب المحلات

redtiger5000
09-19-2010, 09:34 AM
طيب دلوقتي انا خايف ااكل السمك غلط
يعني دلوقتي البلوره فيها مثلا 7 سماكات
مش ممكن احط اكل لل7 سمكات واحده تاكل اكتر و التانيه اقل ؟؟
اه طبعا ممكن سمك ياكل اكتر من التانى و ده عادى متخافش من حاجة زى كده
و شفت في موضوع ان تقليل الاكل مضر بس كتره مضر اكتر لانه بيتبقي في القعر بيعمل تعفن اعمل ايه ؟؟ دي اول حاجه تاني حاجه
تأكيل السمك بأنك تحط له كمية صغيرة كده و لو خلصوها فى اقل من خمس دقايق حط لهم شوية كمان لحد ما يخلصوها فى خمس دقايق بالظبط و بكده تعرف الكمية المظبوطة
مفيش حاجة اسمها قشرة لكل سمكة لأن القشر بيبقى كتير و على بعضة و استحالة تحدد كمية محدده بالطريقة دى

لو في اكل و عمل تعفن اشيله ازاي لانهم بيقولوا غلط اشيله بايدي كدا ؟ الميه مش هتبقي نقيه و ا عادي لو غسلت ايدي و خرجتهم ؟
بالخرطوم زى ما قلت لك...و نقول تانى...هتجيب خرطوم و تحط ناحية فى الحنفية و ناحية تانية جوه المياه بتاعة البلورة و تفتح الحنفية لحد ما تلاقى المياه بتنزل فى البلورة و بعدين تقفل الحنفية و تشيل الخرطوم منها هتلاقى المياه بتنزل من الخرطوم الى الحمام او الى البلاعه...و ممكن تعمل طريقة تانية اسهل شوية عشان دى بلورة صغيرة...هتجيب خرطوم قصير و تحط ناحية فى البلورة و الناحية التانية فى بقك و تشد بس كمية مياه بفمك بحيث تنزل فى الجردل خد بالك لحسن المياه تيجى فى فمك...ابقى اشترى خرطوم شفاف عشان تشوف المياه وصلت لحد فين بدل ما تيجى فى بقك...و تسحب بأه المياه بالوساخة اللى تحت بالخرطوم

كام مقدار اقلهم يعني كام قشره للسمكه الواحده ؟؟ و لو 7 احطلهم مع بعض ولا ممكن يتخنقوا ؟
زى ما قلت لك...صعب تحسب كام قشرة ...انت بس حط لهم اكل و شوف لو خلصوهم خلال خمس دقايق يبقى كده تمام و ميغركش انهم يكونوا عايزين تانى اوعه تديلهم تانى لأن هو فى الطبيعه بياكل ازيد من حاجته عشان فىالطبيعه بيجوع كتير...و عموما متخافش السمك يقدر يستحمل العيش بدون اكل لمدة 5 ايام و الحجم الكبير ممكن يستحمل لحد 8 ايام
انا عرفت ازاي اعرف ان السمك جعان و او مش جعان لو اكلته الصبح لعي المغرب لقيته جعان اعمل ايه ؟ ااكله ولا اسيبه لبليل
لأ زى ما قلت لك ...الاكل مرة الصبح و مرة بليل...متأكلهمش فى العصر او المغرب...لأن كده هتعكر مياه البلورة لأنها صغيرة و اى عكارة هتبان فيها...و السمك بيستحمل الجوع زى ما قلت لك لحد 5 ايام و 6 ايام
عرفت ازاي احضر الدود امسك دوده دوده اغسلها كويس و اشيل الي عليها لو في حاجه تمتعلقه فيها و اغسلها و اطلع راسها فوق عشان تتنفس
بس دلوقتي با بيقولوا بيموت لو خدت الكيس خدت الي انا عاوزه منه و سبته اعمل ايه عشان يفضل معايا ؟
تجيب الدود و تحطه فى دورق او اى حاجة غويطة و تحط عليه مياه و تستنى اما الدود يهدى و ينزل تحت و بعدين ترمى المياه الزيادة لحد ما ينضف خالص...و بعدين تاخد اللى انت عايزة و الباقى تحفظه بأنك تحطه فى حاجة مسطحه و تحط له كمية مياه صغيرة جدا بحيث بس يبقى عنده مياه مش اكتر لأن الدود اساسا بيعيش على شواطىء الانهار فا بيبقى نصه بره و نصه جوه و ده اللى هنعمله...الدود بيعيش اخره يومين بعد كده بيموت مهما عملت معاه...يعنى اما تجيب دود هات بجنيه واحد فقط و تأكل منه السمك مرة واحده فى الاسبوع...مرة الصبح و مرة بليل...كمية صغيرة على ادهم

بيقولوا في انواع سمك لما بتبيض بيتبيض من 20 : 40 سمكه طبعا البلوره مش هتكفي ال7 و البياض ده كله و الي هيخرج من البيض
اسالتي با اعمل ايه لما البيض يفقس ؟ و البيض الميت اعمل ايه و البيض الي اتفقس اعمل في ايه ؟ اخرجهم ازاي ؟
الانواع اللى قلت لك عليها منها بياض و منها ولاد...البياض اللى هو الدوارف جرامى و الفايتر...و الولاد اللى بيولد يعنى اللى هو الجوبى...و متخافش مفيش حاجة هتتزاوج عندك غير الجوبى...و لو تزاوج يبقى هتجيب لهم حوض اسمه حضانه...فيه مكان كده هتحط فيه الانثى بعد ما تحمل و الضغار هينزلوا تحت بالجاذبية الارضية...تعرف ان الانثى حامل بأنك هتلاقى حتة سودة كده فى اخر بطنها...و لو مش باينة الحتة السودة دى صوم السمك لمد يوم واحد و لو فضلت الاناث بطنها منفوخة يبقى كده دى حامل و تصبر عليها مدة 20 يوم و تنقلها للحضانة لحد ما تفرغ اللى فى بطنها و بعدين ترجعها تانى...مياه الحضانة تسيبها يومين بدون اى مزيل كلور او اى حاجة...و يكون فيها سكرية هواء بتطلع هواء صعيف...و الصغار تجيب لهم اكل الصغار هو بودرة كده تديلهم كمية صغيرة اوى مرتين الصبح و مرتين بليل فاصل ما بين كل مرة و مرة 4 ساعات تقريبا و لو ازيد مفيش مشكلة...و تغير ربع مياه الحضانة بعد الولادة ب اسبوع لحد ما الصغار يبغلوا شهر و تبيعهم او تجيب حوض كبير بأه و تحط كله مع بعضه
اما البياض فا مش هيبيض الا لما يبقى لوحده فى حوض لوحده فا متخافش...و متفكرش تفرخ البياض دلوقتى لأن مش وقته دلوقتى احنا فى مرحلة اخد الخبرات
معلش اسالتي كترت بس انا خايف اجيب سمك معرفش ااكله ولما يتزواج و يبيض يموتوا مني لو معرفتش اعتني بيهم
لأ عادى ولا يهمك أسأل زى ما انت عايز
انا عازك بس علي القال ترد علي اسالت الاكل و لما يبا يبيضوا يبا يحلها حلال انت معايا ياهو او اسال صحاب المحلات
انا معاك ياهو فقط كل يوم من الساعه 2 بعد نص الليل لحد 3 بليل بس و لو هتسأل حد صاحب محل يبقى اللى قلت لك عليه ده بس لأنى مضمنش غيره

The Game #35
09-19-2010, 10:14 AM
تمام انا فهمت الولاده كلها حلوووو
في الاكل فهمت امتي اكلهم وامتي كل حاجه اما حكايه العفونه
هعمل اكني بغير مياه يعني حكايه الخرطوم دي
و انا ان شاء الله هبدا بحكايه البلوره
لما يخلفوا و ينزلوا تحت لوحدهم و اكلهم و اغير المياه بدل 3 ايام للكبار اسبوع للصغار تمام
ولما يعدي شهر هجيب واحد كبير احط كله فيه و اخلي البلوره عندي احتياطي
يبا تمام خلاص فهمت
بس انا كدا هجيب الدوارف ايه انا كنت هجيب ذكر وانثي اخليهم حاجتين نوع واحد عشان ميبضوش ؟

redtiger5000
09-20-2010, 01:21 AM
تمام انا فهمت الولاده كلها حلوووو
في الاكل فهمت امتي اكلهم وامتي كل حاجه اما حكايه العفونه
هعمل اكني بغير مياه يعني حكايه الخرطوم دي
و انا ان شاء الله هبدا بحكايه البلوره
لما يخلفوا و ينزلوا تحت لوحدهم و اكلهم و اغير المياه بدل 3 ايام للكبار اسبوع للصغار تمام
ولما يعدي شهر هجيب واحد كبير احط كله فيه و اخلي البلوره عندي احتياطي
يبا تمام خلاص فهمت
بس انا كدا هجيب الدوارف ايه انا كنت هجيب ذكر وانثي اخليهم حاجتين نوع واحد عشان ميبضوش ؟

الدوارف كده او كده مش هيبيض الا لما يكون لوحده...دى قصة تانية
يعنى بتجيب الذكر فى حوض لوحده فى مياه مركونة 3 ايام و تسيبه و بعدين هيبنى العش و شغلانة طويلة مش وقتها دلوقتى من اول التزاوج لحد ولدتهم حوار طويل اوى

redtiger5000
09-21-2010, 02:56 AM
رفع للإفادة

redtiger5000
09-23-2010, 02:46 PM
فييييييين اعضاء زماااااااان و مواضيع زمااااااااااان.
دلوقتى المواضيع بتتكلم عن توتو و سوسو و فوفو و حوحو و البنات و الولاد و العبط و الانحطاط
ربنا يهدى و يهدينى قبلكم

3lawe
09-23-2010, 05:34 PM
للرفع......................

ترى الموضوع مهمه ويستحق التثبيت الدائم

redtiger5000
09-23-2010, 10:41 PM
للرفع......................

ترى الموضوع مهمه ويستحق التثبيت الدائم

شكرا يا غالى على شعورك الجميل ده تجاه الموضوع...لك منى جزيل الشكر و التحيه

Mr EsLaM
09-23-2010, 11:48 PM
تم تثبيته بناء على صاحبه ورغبه الاعضاء

حظ موفق للجميع

دا محمد غالى علينا

~نوارة~
09-24-2010, 05:50 AM
مشكور اخوي ع الموضووع المفيد
الله لا يحرمنا منك ونستني جديدك ^_^

الفارسة
09-24-2010, 05:52 AM
يسلمووووو عـ الموضوعـ

3lawe
09-24-2010, 08:56 AM
شكرا يا غالى على شعورك الجميل ده تجاه الموضوع...لك منى جزيل الشكر و التحيه

لا شكر على وااجب
بص الصراحه الموضوع افادني كثيير:rolleyes:

mr.fares159374
09-24-2010, 11:17 AM
طيب ما تعرف حاجة عن السلاحف حاكم انا مشتري سلحفة مجننة اهلي

redtiger5000
09-24-2010, 02:08 PM
تم تثبيته بناء على صاحبه ورغبه الاعضاء

حظ موفق للجميع

دا محمد غالى علينا
شكرا يا حبى ده العشم برضه
مشكور اخوي ع الموضووع المفيد
الله لا يحرمنا منك ونستني جديدك ^_^
انا اللى اشكرك على انك نورتى الموضوع و انتظروا كل جديد بإذن الله
يسلمووووو عـ الموضوعـ
العفو يا اختى ده اقل واجب
لا شكر على وااجب
بص الصراحه الموضوع افادني كثيير:rolleyes:
اى خدمة...أسأل ولا يهمك
طيب ما تعرف حاجة عن السلاحف حاكم انا مشتري سلحفة مجننة اهلي

لو سلاحف بريه انا ربيتها قبل كده...و كل اللى اعرفه عنها انها بتاكل خس و جرجير و خيار و جزر و بس على كده و فى الشتاء تدخلها البيت جوه مش فى البلكونة
اما السلاحف المائيه معرفش عنها اى حاجة بصراحة غير انها بس بتوسخ المياه بسرعه و دى عندى حلها
انت بأه ايه مشكلتك ؟

mr.fares159374
09-24-2010, 04:08 PM
ابدا في كلو مجنناني بعدين السلحفة برمائية

redtiger5000
09-24-2010, 08:05 PM
ابدا في كلو مجنناني بعدين السلحفة برمائية

يعنى انت لما تقول مجنناك فى كلوا كده انا فهمت ؟
ما تقول يا عم مجنناك فى ايه بالظبط عشان نعرف نحل المشكلة
قول و انا هسألك اصحابى المتخصصين فى السلاحف البرمائية

mr.fares159374
09-25-2010, 11:51 AM
بس خلاص كلمت دكتور انا ونهينا الموضوع و الف شكر يا ريد تايجر

redtiger5000
09-25-2010, 06:11 PM
بس خلاص كلمت دكتور انا ونهينا الموضوع و الف شكر يا ريد تايجر

طب الحمد لله
العفو احنا كنا عايزين نخدم
و اى سؤال انا موجود سواء عصافير او سمك زينة اخوك خبرة قديمة فيهم من زمااااااااان و الحمد لله

redtiger5000
09-25-2010, 08:31 PM
اى سؤال ؟ اى حوار ؟؟ اى حاجة ؟؟

redtiger5000
09-25-2010, 09:26 PM
تانى عشان لو محدش شاف ولا حاجة

SheToSs
09-25-2010, 10:28 PM
حبيبى عامل ايه

انا كنت عايز اجيب حوض بلورة و سمكه زى سمسمه بتاعت فطين كده
ايه رايك و انا على طول كل سنه فى الاجازة بسافر لما اسافر اعل ايه اخدها معايا ازاى

arsanyp25
09-25-2010, 11:16 PM
انا معنديش اى خبرة فى انواع الآسماك بس الموضوع عجبنى جدا و كنت عايز اسأل عايز اشترى نوعين من السمك يكونوا مسالمين مع بعض و لا يضربوا بعض مجرد انهم يأكلوا ويس هههههههههههههههههههههه
فمن خبرتك اشترى ايه ؟

redtiger5000
09-25-2010, 11:57 PM
حبيبى عامل ايه

انا كنت عايز اجيب حوض بلورة و سمكه زى سمسمه بتاعت فطين كده
ايه رايك و انا على طول كل سنه فى الاجازة بسافر لما اسافر اعل ايه اخدها معايا ازاى
نصيحتى بلاش موضوع البلورة ده...عشان الانواع اللى بتتربى فيه قليلة و الاهتمام بنضافة البلورة اعلى من الاهتمام بالحوض العادى يعنى هتتعب بجد
ممكن تبتدى بحوض صغير مثلا 50 سنتى و حط فيه 10 سمكات او 12 سمكة
الكلام ده بقولهولك عن خبرة اكتر من 10 سنين فى المجال ده و واثق من اللى بقولهولك
قلب الموضوع فى دماغك و كلمنى و لو ما زلت مصمم قولى برضه و هقولك تعمل ايه
انا معنديش اى خبرة فى انواع الآسماك بس الموضوع عجبنى جدا و كنت عايز اسأل عايز اشترى نوعين من السمك يكونوا مسالمين مع بعض و لا يضربوا بعض مجرد انهم يأكلوا ويس هههههههههههههههههههههه
فمن خبرتك اشترى ايه ؟

انواع السمك المسالم كتير جدا المهم حجم الحوض هيكون اد ايه...قولى حوضك هيكون اد ايه و اقولك تربى فيه ايه و ازاى
يعنى عندك مثلا السوردتيل بيعيش مع التايجر و الدوارف جرامى و الجوبى و البلاتى كل دول بيعيشوا مع بعض المهم مساحة الحوض اد ايه

SheToSs
09-26-2010, 04:44 PM
نصيحتى بلاش موضوع البلورة ده...عشان الانواع اللى بتتربى فيه قليلة و الاهتمام بنضافة البلورة اعلى من الاهتمام بالحوض العادى يعنى هتتعب بجد
ممكن تبتدى بحوض صغير مثلا 50 سنتى و حط فيه 10 سمكات او 12 سمكة
الكلام ده بقولهولك عن خبرة اكتر من 10 سنين فى المجال ده و واثق من اللى بقولهولك
قلب الموضوع فى دماغك و كلمنى و لو ما زلت مصمم قولى برضه و هقولك تعمل ايه



انا مش مصمم ولا حاجه بس انا مشكلتى فى حاجه واحده
انى بسافر اسكندريه طول الصيف اعمل ايه بقى وقتها
مش بيبقى فى حد فى البيت
و حرام اسبهم عشان هيموتو

redtiger5000
09-27-2010, 12:43 AM
انا مش مصمم ولا حاجه بس انا مشكلتى فى حاجه واحده
انى بسافر اسكندريه طول الصيف اعمل ايه بقى وقتها
مش بيبقى فى حد فى البيت
و حرام اسبهم عشان هيموتو

بسيطة جدا...خد السمك لواحد صاحبك يكون بيربى سمك...او فيه حل تانى..لو هتغيب لمدة اسبوع بس ممكن تحط لهم اكل اسمه اكل اجازة ده بيفضل اسبوع عايم فوق المياه و السمك ياكل منه حتة حتة و تسيب موتور الهواء شغال عادى مش هيحصله حاجة...اما لو الغيبة هتطول عن اسبوع يبقى تنقل السمك عند حد صاحبك يكون بيربى سمك او تديه لمحل سمك زينة تكون واثق فيه عشان ميبدلش السمك و تديله حق اكله خلال الشهور اللى هتسيب السمك فيها...لو مثلا 20 سمكة هياكلوا بحوالى 30 جنيه فى الشهر دود و لو قشر هياكلوا ب 25 جنيه بس...انا بقولك كده ليه..عشان البلورة مش حلوة القذارة فيها بتتجمع و تتعفن بسرعه و عايزة اهتمام عالى...يعنى كل يومين تغير ربع المياه و تاخد بالك اذا كان فيه اى حاجة واقعه فى قعر البلورة لحسن تعفن

redtiger5000
09-28-2010, 01:48 AM
اى حد عنده اى سؤال يا جماعه ؟
اصل انا مش هفضل اجيب فى معلومات و محدش بيسمع
طب اى تشجيع طيب

SheToSs
09-28-2010, 02:25 PM
هههههههههههههههه

الف شكر على المعلومات الرائعه دى
و بجد انت عضو جميل جدا و مواضيعك و ردودك جميله جدا
و عقبال يارب ما اشوفك مشرف عام لانك فعلا تستحقها

redtiger5000
09-29-2010, 12:52 AM
هههههههههههههههه

الف شكر على المعلومات الرائعه دى
و بجد انت عضو جميل جدا و مواضيعك و ردودك جميله جدا
و عقبال يارب ما اشوفك مشرف عام لانك فعلا تستحقها

يا سلااااااااام ايه الكلام الجامد ده...ده كلام احطه فى برواز
شكرا يا غالى على شعورك الرائع الجميل ده ناحيتى و اتمنى لك كل التوفيق فى حياتك الدنيا و الاخرة بإذن الله
و عشان الكلمتين الحلوين دول هحط شوية معلومات كمان

SheToSs
09-29-2010, 12:54 AM
يا سلااااااااام ايه الكلام الجامد ده...ده كلام احطه فى برواز
شكرا يا غالى على شعورك الرئع الجميل ده ناحيتى و اتمنى لك كل التوفيق فى حياتك الدنيا و الاخرة بإذن الله
و عشان الكلمتين الحلوين دول هحط شوية معلومات كمان


يا سلام ايه الكلام الكبير ده

ربنا يخليك يا حبيبى و ديما تكون بخير يارب ان شاء الله

redtiger5000
09-29-2010, 01:15 AM
يا سلام ايه الكلام الكبير ده

ربنا يخليك يا حبيبى و ديما تكون بخير يارب ان شاء الله

متشكر اوى و الله انا مش عارف اقولك ايه على الكلام اللى زى العسل زيك ده
ربنا يا رب يكرمك و يوسع رزقك و يعينك على فعل الخير

SheToSs
09-29-2010, 01:16 AM
متشكر اوى و الله انا مش عارف اقولك ايه على الكلام اللى زى العسل زيك ده
ربنا يا رب يكرمك و يوسع رزقك و يعينك على فعل الخير


بصراحه انا مش لاقى كلام تانى اقوله

redtiger5000
09-29-2010, 02:21 AM
بصراحه انا مش لاقى كلام تانى اقوله

كلامك واصلنى من غير ما تقولوا

SheToSs
09-29-2010, 04:20 PM
انت بتفهم فى السمان

redtiger5000
09-30-2010, 02:04 AM
لأ السمان لأ

redtiger5000
10-01-2010, 04:36 AM
اللى يجيب حوض سمك جديد...
الاول يغسل الجرش كويس اوى اللى هو فرش الحوض و يستحسن يكون جرانيت حجم صغير جدا او رمل اسمه رمل سيليكا غير كده غلط و لو جاب رمل السيليكا يهيشه و يحركه كل اسبوع مرة او اتنين
و ثانيا يغسل الحوض بدون اى مواد كيميائيه او صابون فقط يغسله بالملح
ثالثا يوضع الجرش و يملىء الحوض حتى نصفه ثم تضع الزرع و يستحسن انه يكون امازون او كابومبا لأن الانواع دى بتستحمل و اذا لم يوجد زرع ضع بعض الصخور و لكن صخور بدون حواف حادة ثم تكمل ملىء الحوض و تترك 5 سنتى فارغ...
رابعا تترك الحوض و به سكرية هواء لمدة ساعتين و لو اكثر يكون احسن...ثم تضع السمك و هو فى الكيس فى الحوض لمدة عشر دقائق ثم ابدأ بوضع كمية بسيطة من الحوض الى الكيس لمدة خمس دقايق ثم ارمى السمك ببطىء الى الحوض
عند شراء الفلتؤ يستحسن الفلتر الباور من نوع هيتو ده انضف نوع الحجم المتوسط للأحوض حتى متر بعد المتر تجيب النوع الكبير
الاكل يستحسن المستورد العلبة ب 25 جنيه تكفى 20 سمكة لمدة شهر تأكل السمك مرة الصبح و مرة بليل كمية تكفى انهم يخلصوها خلال خمس دقايق متحطش كتير و تشغل الفلتر الباور لمدة ساعتين او 3 ساعات بس كل يوم و تغير ربع مياه الحوض كل 3 او 4 ايام
كبداية لأى مبتدىء فى السمك الانواع المتاحة قصادك هى
الانجل و الجوبى و السوردتيل و البلاتى و الجرامى بجميع انواعه الدوراف جرامى و البلو جرامى و الكسينج جرامى و الهونى جرامى و الشوكلات جرامى و الشارك
اما الانواع الصعبة هى النيون تترا و الديسكس و الكوى سوردتيل و السيكلد بجميع انواعه و بعض نوعيات الكات فيش ...كل دول بيتطلبوا اكل خاص و نوعية مياه جيده دائما و ده صعب للمبتدئين فى سمك الزينة
اى استفسارات انا موجود
دى بعض الصور لبعض الاحواض التى اتمنى ان تصلوا لهذا المستوى من الاحتراف و الجمال
http://www.9ower.com/uploads/9ower.com-46db12858808361.jpg (http://www.9ower.com/)

http://www.9ower.com/uploads/9ower.com-46db12858808362.jpg (http://www.9ower.com/)

http://www.9ower.com/uploads/9ower.com-46db12858808363.jpg (http://www.9ower.com/)

http://www.9ower.com/uploads/9ower.com-46db12858808364.jpg (http://www.9ower.com/)

redtiger5000
10-01-2010, 04:38 AM
لاحظوا نقاء المياه فى كل الصور و هو المطلوب

SheToSs
10-01-2010, 07:06 AM
شكرا ليك على المعلومات الرائعه ديه يا حبى

redtiger5000
10-01-2010, 12:10 PM
شكرا ليك على المعلومات الرائعه ديه يا حبى

العفو اى خدمة

seaf23
10-01-2010, 04:19 PM
الموضوع باين من عنوانه
و اى حد عنده خبره فى الحاجات دى يدخل و يجاوب على اسئلة الاعضاء معايا
بالنسبة لى انا ابتديت هواية تربية اسماك الزينة من و انا فى اعدادى يعنى عندى الحمد لله خبرة حوالى 8 سنوات فى المجال ده هو و العصافير...العصافير الاسترالى بس...و حاليا قلت كفاية كده انا هتاجر فيها بأه عشان اكسب منها
بس الحكاية دى مش اى حد يعملها بسهولة كده دى محتاجة خبرة كبيرة فى تربية السمك عشان تعرف هتعمل ايه بالظبط
و يلا اى اسئلة انا موجود

دى اسمها راميرزى سيكلد و الاسم التجارى شيكلد و على فكرة من ضمن انواعها البلطى...البلطى اسمه شيكلد اساسا بس الانواع دى من البلطى ملونه...سهلة التربية و مش محتاجة غير شوية كهوف و مخابىء فى الحوض و ممكن تحط نص قصرية زرع على جنب فى الحوض و هتلاقيها تزاوجت لو وفرت الظروف المناسبة و انا بعشق السمكة دى بس غالية...الواحده مش اقل من 50 جنيه فما فوق
اللى انتوا شايفينه ده الذكر
http://www13.0zz0.com/2010/07/03/10/380660840.jpg (http://www.0zz0.com)

التانية دى غالية برضه اسمها ديسكس...سمكة حساسة و محتاجة مياة نظيفة دائما و رعاية و اهتمام عالى
http://www3.0zz0.com/2010/07/03/10/782513899.jpg (http://www.0zz0.com)
رقم 1 ده نوع اسمه الانجل يعنى الملاك و الاتنين اللى بعديه تهجينات منه
رقم 2 دى سمكة اسمها جلاس فيش يعنى السمكة الزجاج عشان شفافة و دى غالية برضه و محتاجة رعاية عالية عشان لو اى شنب من شنابتها دى حصله حاجة هتموت
رقم 3 دى سمكة مشهورة اوى اسمها جولد فيش و الاربعه اللى بعديها تهجينات و انواع منها
رقم 4 دى السمكة اللذيذه و المحبوبة الجوبى...الوانها كتير اوى و فى منها الالمانى و الحبشى و الامريكى و فيه منها تهجينات كتييييير احمر و ابيض و كل الالوان
رقم 5 دى عائلة التترا...دى عندها خط كده تحس انه بينور ...النوع ده اسمه نيون تترا عشان بينور

http://www3.0zz0.com/2010/07/03/10/590657568.jpg (http://www.0zz0.com)

انا عاوز اسئلك اسئله شخصيه ...

انت من اي بلد
وانت عندك محل سمك
ولا حضرتك مش فتح محل
وممكن رقم تلفونك عاوز اعمل تجاره معاك في السمك
وانتظر الرد

Sniper.870
10-01-2010, 08:21 PM
اللى يجيب حوض سمك جديد...
الاول يغسل الجرش كويس اوى اللى هو فرش الحوض و يستحسن يكون جرانيت حجم صغير جدا او رمل اسمه رمل سيليكا غير كده غلط و لو جاب رمل السيليكا يهيشه و يحركه كل اسبوع مرة او اتنين
و ثانيا يغسل الحوض بدون اى مواد كيميائيه او صابون فقط يغسله بالملح
ثالثا يوضع الجرش و يملىء الحوض حتى نصفه ثم تضع الزرع و يستحسن انه يكون امازون او كابومبا لأن الانواع دى بتستحمل و اذا لم يوجد زرع ضع بعض الصخور و لكن صخور بدون حواف حادة ثم تكمل ملىء الحوض و تترك 5 سنتى فارغ...
رابعا تترك الحوض و به سكرية هواء لمدة ساعتين و لو اكثر يكون احسن...ثم تضع السمك و هو فى الكيس فى الحوض لمدة عشر دقائق ثم ابدأ بوضع كمية بسيطة من الحوض الى الكيس لمدة خمس دقايق ثم ارمى السمك ببطىء الى الحوض
عند شراء الفلتؤ يستحسن الفلتر الباور من نوع هيتو ده انضف نوع الحجم المتوسط للأحوض حتى متر بعد المتر تجيب النوع الكبير
الاكل يستحسن المستورد العلبة ب 25 جنيه تكفى 20 سمكة لمدة شهر تأكل السمك مرة الصبح و مرة بليل كمية تكفى انهم يخلصوها خلال خمس دقايق متحطش كتير و تشغل الفلتر الباور لمدة ساعتين او 3 ساعات بس كل يوم و تغير ربع مياه الحوض كل 3 او 4 ايام
كبداية لأى مبتدىء فى السمك الانواع المتاحة قصادك هى
الانجل و الجوبى و السوردتيل و البلاتى و الجرامى بجميع انواعه الدوراف جرامى و البلو جرامى و الكسينج جرامى و الهونى جرامى و الشوكلات جرامى و الشارك
اما الانواع الصعبة هى النيون تترا و الديسكس و الكوى سوردتيل و السيكلد بجميع انواعه و بعض نوعيات الكات فيش ...كل دول بيتطلبوا اكل خاص و نوعية مياه جيده دائما و ده صعب للمبتدئين فى سمك الزينة
اى استفسارات انا موجود
دى بعض الصور لبعض الاحواض التى اتمنى ان تصلوا لهذا المستوى من الاحتراف و الجمال
http://www.9ower.com/uploads/9ower.com-46db12858808361.jpg (http://www.9ower.com/)

http://www.9ower.com/uploads/9ower.com-46db12858808362.jpg (http://www.9ower.com/)

http://www.9ower.com/uploads/9ower.com-46db12858808363.jpg (http://www.9ower.com/)

http://www.9ower.com/uploads/9ower.com-46db12858808364.jpg (http://www.9ower.com/)


يا نهار علي الاحواض تههههههههههههبل
والله جامدة جدا جدا
والمعلومات دي انا مش هعد اقولك مشكور ولا مهبول ولا شغل الاطفال دة ههههههههه
انا هقولك ربنا يزيدك ويكرمك

redtiger5000
10-02-2010, 02:52 AM
انا عاوز اسئلك اسئله شخصيه ...

انت من اي بلد
وانت عندك محل سمك
ولا حضرتك مش فتح محل
وممكن رقم تلفونك عاوز اعمل تجاره معاك في السمك
وانتظر الرد

انا من القاهرة من عين شمس
لأ انا مش فاتح محل بس دى عندى هواية من الصغر
و اتفضل ده رقم موبايلى و اى حد عايز يتصل يتفضل انا ارحب بكل المنتدى
بس محدش يتصل بيا بعد الساعه واحده بليل بتوقيت القاهرة عشان ده وقت نومى يا جماعه ارجو مراعاة ذلك
0112786670
يا نهار علي الاحواض تههههههههههههبل
والله جامدة جدا جدا
والمعلومات دي انا مش هعد اقولك مشكور ولا مهبول ولا شغل الاطفال دة ههههههههه
انا هقولك ربنا يزيدك ويكرمك
منور يا غالى و الف شكر على الكلام اللى زى العسل زيك ده
و المعلومات دى انا بعتبرها حسنات يعنى ده اقل واجب لأحلى اعضاء و احلى مشرفين و احلى منتدى
و احلى سلام و تحيه للأعضاء و المشرفين الحلوة ديه

redtiger5000
10-05-2010, 02:24 AM
منتظر اى سؤال :rolleyes:

SaMuRaIeG
10-05-2010, 05:58 PM
السلام عليكم
مبروك التثبيت للموضوع يا محمد
يالا بقى ورينا شطارتك
:)

redtiger5000
10-05-2010, 07:12 PM
السلام عليكم
مبروك التثبيت للموضوع يا محمد
يالا بقى ورينا شطارتك
:)

الموضوع كان متثبت قبل كده بس اتثبت تانى
و اديك شايف الحمد لله الموضوع زى الفل اوريك شطارة ايه اكتر من كده ؟ هههههههه
بس لسه لسه هحط حاجات حلوة اوى

SaMuRaIeG
10-05-2010, 10:27 PM
الموضوع كان متثبت قبل كده بس اتثبت تانى
و اديك شايف الحمد لله الموضوع زى الفل اوريك شطارة ايه اكتر من كده ؟ هههههههه
بس لسه لسه هحط حاجات حلوة اوى

منا عارف
وانا والله فعلا كان رايي ان الموضوع يرجع يتثبت تاني
والحمد لله اهو رجع
لا من نحية الشطاره عايزين معلومات عن الاكل الخاص بالسمك ، ومعلومات عن ازاي ان احنا نقدر نحافظ عليها والنظام الغذائي يعني سيبك من السمك واتكلم في الحاجت الخاصه بيه فهمت رايي :d
يالا مستني مواضيعك :)

redtiger5000
10-06-2010, 02:19 AM
بالنسبة للأكل الخاص بالسمك فهو انواع كتير و طرق كتير
نتكلم الاول عن اكل السمك الكبير "البالغ يعنى"...بيبقى اكل مستورد "المانى" لأن المصرى و الصينى اى كلام و ممكن يموتوا السمك كمان.. هتلاقوا العلبة ب 25 جنيه حجم وسط شركة تيترا او سيرا و دول احسن شركتين يعملوا اكل سمك زينة...الاكل يكون مرة الصبح و مرة بليل كمية تكفى السمك انه يخلص الاكل خلال خمس دقايق العلبة الوسط هتكفى 20 سمكة لمدة شهر تقريبا...طول الاسبوع تأكل السمك القشر ده و تيجى اخر الاسبوع تديهم وجبة دود..الدود ده بيتجاب من شوطىء الترع و لذلك لازم اول لما تشتريه تغسله كويس جدا جدا...يعنى تجيبه و تحطه فى كوز مثلا او طبق غويط و تغسله و تستنى اما يرسى فى القاع و ترمى المياه العكرة و هكذا اربع او خمس مرات...و للأحتفاظ بالدود لمدة يومين و بالمناسبة ده اكتر زمن ممكن ان دود يعيشه بره بيئته...للأحتفاظ بيه هتجيب طبق مسطح و تحط الدود فيه بعد غسله جيدا و تضع كمية مياه بسيطة عليه بحيث الدود مش يكون متغطى بالمياه يا دوب بس شوية مياه معاه عشان مينشفش و كل 5 ساعات تقريبا تغسل الدود و الكلام ده لو كنت جايب كمية كبيرة
هتلاقوا انواع تانى من الاكل غير القشر حاجات كده عاملة زى الكور الصغيرة حمراء و خضراء.. لكن ملكش دعوه بكل ده و اسمع كلامى انا "الا اذا كانت من شركة سيرا او تيترا "Sera,tetra...البياع هيفضل يقولك ده احسن من القشر و اللى قالك غير كده مبيفهمش و كل دى طرق اقناع عشان يفهمك ان كل اللى سمعته ده غلط و هو اللى صح عشان تشترى اللى هو عايزه...لكن زى ما بقلكم كده هو الصح يا جماعه انا راجل دايس فى هواية سمك الزينة و سوق اسماك الزينة بقالى اكتر من 10 سنين و عارف كل طرق النصب بتــاعة البياعين

ده شكل علبة شركة سيرا...العلبة الحجم ده ب 25 جنيه او 30 جنيه بالكتير
http://4upz.almsloob.com/uploads/images/www.almsloob.com-796ed5d990.jpg (http://4upz.almsloob.com)
ده شكل القشر و لازم تكون ريحته نفاذه او تحس انها ريحة سمك قوية اوى و ده الصح...معلش اناعارف انه ريحته وحشه بس لما تاخد على معاملة السمك هتعرف ان الريحة دى احلى ريحة ممكن السمك يحبها
http://4upz.almsloob.com/uploads/images/www.almsloob.com-f28292a6af.jpg (http://4upz.almsloob.com)

و ده شكل علبة شركة تيترا
http://4upz.almsloob.com/uploads/images/www.almsloob.com-517ab7fdb7.jpg (http://4upz.almsloob.com)

و ده شكل الدود و اسمه بالانجليزى تيوبى فيكس
http://4upz.almsloob.com/uploads/images/www.almsloob.com-81ccb50b60.jpg (http://4upz.almsloob.com)
اكل السمك القشر بيعيش لمدة سنة بعدها خلاص بيبقى معطوب
فيه انواع قشر معينه لسمك معين و ده لو كنت بتربى نوع سمك واحد بس فى الحوض
و لأ انصح بالدود المجفف..الفوائد الغذائيه بتــاعته قليلة زياده على انه بيعكر المياه
هتلاقى فى سوق الجمعه او المحلات جمبرى مجفف و ده كويس برضه ممكن تخلطه مع كمية صغيرة من القشر و تديه للسمك
ممكن تدى السمك بسله او فاصوليا بس تطحنها كويس اوى عشان تبقى على اد فم السمك و دى بتبقى وجبه واحده بس يعنى مثلا الصبح بسلة و بليل قشر عادى او العكس
تنويع الاكل للسمك مهم جدا فى اظهار الوانه و حيويته...يعنى لو استمريت على اكل القشر بس او الدود بس ممكن السمك يجيله امساك او اسهال و عشان كده بقلك فى اخر الاسبوع لازم اكلة دود...يعنى لو دود بس السمك ممكن يجيله امساك و الوانه تروح و لو قشر بس السمك ممكن يجيله اسهال بس الوناه هتفضل جميله بس هيجيله اسهال و هيضعف و تلاقى السمكة تعبانة كده و مفيهاش حيويه و نشاط
المعلومة القادمة بإذن الله عن ازاى تأكل صغار السمك و ايه احسن أكل عشان يكبروا بسرعه و بصحة جيده ....

redtiger5000
10-06-2010, 03:52 AM
اه بخصوص الدود...فيه حاجة اسمها دواده دى اللى بتحط فيها الدود و السمك بيروح ياكل منها و تحط كمية بسيطة مش لازم تنفخ بطن السمك

redtiger5000
10-06-2010, 05:41 AM
علامات مرض السمكة
1-تلاقيها خاملة و راقدة فى الارض ...و ده يبقى عادى لو كنت طافى النور لآنهم بيناموا فى قاع الحوض
2-نقط بيضاء على جسم السمكة و ده نتيجة تغير درجة حرارة الحوض فجأه..فأنتبه عند تغيير ربع مياه الحوض...تنزل المياه الجديده للحوض ببطىء حتى لا يحدث تغيير مفاجىء لدرجة حرارة الحوض
3-بقع شبه القطيفة على عين السمكة او على جسمها و ده نتيجة الاكل الكثير و تعفن الاكل فى قاع الحوض و تكون البكتريا الضارة و للوقاية من المرض ده اشترى سمكة اسمها كات فيش و دى بتاكل اى شىء فى القاع متبقى من السمك لكن مش بتاكل فضلات السمك
4-تواجد السمك دائما تحت سطح المياه مباشرة طالبا الهواء و ده لقلة الاوكسجين او لتعكر المياه او لكثرة نسبة الامونيا فى المياه..الامونيا دى فضلات السمك..علاجها تغيير فورى لربع مياه الحوض
علاج الامراض دى موجود بإذن الله اذا لا قدر الله وقابلت حد فيكم مشكلة فى سمكه
ارجع للصفحة السابقة عن تغذية السمك

redtiger5000
10-06-2010, 01:49 PM
حاجة كمان...قبل شراء اى سمك ارجو الرجوع لى عشان ممكن تشترى سمك غير متوافق مع بعضه

SheToSs
10-06-2010, 05:40 PM
الف شكر على المعلومات الرائعه دى

redtiger5000
10-06-2010, 07:03 PM
الف شكر على المعلومات الرائعه دى

العفو يا حبى
و ارجو من الجميع الرجوع للصفحة السابقة بها معلومات مفيده

ولد صقر
10-06-2010, 07:07 PM
لو سمحت يا استاذ ابي اعرف ليش السمك الي في الصورة الاولي تلمع ؟؟ هل في شي يخليها تلمع ؟؟

redtiger5000
10-06-2010, 07:09 PM
لو سمحت يا استاذ ابي اعرف ليش السمك الي في الصورة الاولي تلمع ؟؟ هل في شي يخليها تلمع ؟؟

مع انى معرفش انت تقصد انهى صورة بالظبط...بس عموما ده انعكاس الضوء على جسم السمك
او ممكن يكون قصدك على السمك الصغير اللى فى الحوض ؟...ده اسمه نيون تيترا عشان فيه خط فى نص السمكة كده بينور من اقل نور

redtiger5000
10-06-2010, 08:51 PM
تنضيف فلتر السمك يكون كل اسبوع و اوعه تنسى تنضفه عشان ممكن يجيب امراض للسمك لو مش اتنضف...الضوء مهم جدا للسمك عشان بيوضح الوانه و كمان السمك بيستفيد من الضوء ده.. بيتكلف حوالى 70 جنيه للحوض ال 60 سنتى

redtiger5000
10-06-2010, 09:13 PM
اما عن تنضيف الحوض ككل بيكون كل 6 شهور تقريبا...الاول بتاخد جزء من مياه الحوض و تحطه فى طبق بلاستيك او حوض تانى و بعدين تنقل السمك فى المياه دى ...اوعه تنقل السمك فى مياه جديده...و بعدين تشيل كل ما فى الحوض و تفرغ المياه و تشيل الجرش و تنضف الحوض بالملح و بعدين تضيف مياه تانى عشان تشيل الملح مرتين او تلاتة و بعدين تنضف الجرش كويس جدا و تحطه فى الحوض و تملىء الحوض و تحط خمس حبايات مزيل كلور مش هتلاقيه الا عند اى حد بتـاع سمك زينة...و تسيب الحوض مع سكرية الهواء لمدة ساعتين و لو اكثر يكون كويس...و بعدين تنقل سمكة واحده للحوض و لو لقيتها تأقلمت و بتعوم عادى يبقى تنقل باقى السمك و لو لقيتها نزلت فى الارض و تنفسها سريع و مش مستريحة انقلها تانى فى الطبق البلاستيك و سيب الحوض لمدة ساعتين تانى و بعدين انقل السمك كله ده طبعا بعد ما تحط الزرع و الديكورات

SheToSs
10-06-2010, 09:43 PM
يلهوووووى

كلامك ده بيخلينى نفسى اعمل حوض سمك
بس مش قادر مش قادر

redtiger5000
10-06-2010, 10:02 PM
يلهوووووى

كلامك ده بيخلينى نفسى اعمل حوض سمك
بس مش قادر مش قادر

هههههههههههههههههه
طب عادى ...بص
اعمله عادى جدا..و لما تيجى تمشى روح لأى حد بــتاع ازاز و هو هيفككه و غلف الازاز بجرنان بس طبقات تخينه و انقله عادى جدا وزنه مش هيعدى ال 10 كيلو لو حوض 60 سنتى زجاج 6 مللى

SaMuRaIeG
10-07-2010, 06:31 PM
مبدع دايما يا محمد
هو دا الكلام
:)

redtiger5000
10-07-2010, 07:03 PM
مبدع دايما يا محمد
هو دا الكلام
:)

الله يخليك يا غالى كله من ذوقك

SheToSs
10-07-2010, 07:27 PM
هههههههههههههههههه
طب عادى ...بص
اعمله عادى جدا..و لما تيجى تمشى روح لأى حد بــتاع ازاز و هو هيفككه و غلف الازاز بجرنان بس طبقات تخينه و انقله عادى جدا وزنه مش هيعدى ال 10 كيلو لو حوض 60 سنتى زجاج 6 مللى


هو انا هعمل حوض سمك زجاج بس

هههههههههههههههههههههههههههه

redtiger5000
10-07-2010, 07:58 PM
هو انا هعمل حوض سمك زجاج بس

هههههههههههههههههههههههههههه

ايوا الحوض بيبقى زجاج بس امال انت فاكر ايه ؟
و باقى المعدات تتحط فى كيس...اللى هو موتور الهواء و الترمومتر و السخان و الفلتر
و الغطاء بتــاع الحوض يتحط فى شنطة العربية اللى هتاخدك او كله فى شنطة العربية

redtiger5000
10-07-2010, 11:16 PM
بخصوص العصافير...فى الشتاء يغطى القفص ليلا بقماش تخين من الجانبين و تترك واجهة القفص لمراقبة العصافير و تعطى للعصافير فيتامينات و لكن بحدود حسب ما يقول لك البائع او لو هتشترى من طبيب بيطرى هو يقولك تحط اد ايه
و من ناحية الاكل تخلط كمية صغيرة من الفلارس مع الدنيبة...و تأكلهم بقسماط بصفار البيض مرتين فى الاسبوع

redtiger5000
10-07-2010, 11:26 PM
عايز عصفورك ياخد عليك ؟
اكله بأيدك كل يوم...طبعا هيخاف منك و مش هياكل..جوعه يوم واحد فقط او نص يوم...و دخل ايدك براحة فى القفص و فى ايدك الاكل هيخاف فى الاول بس شوية كده و هتلاقيه نزل على ايدك و كل منها و كل يوم على كده لحد ما تبص تلاقى نفسك بتمسكه و هو مش هيعضك و هيستسلم لك و يخليك تمسكه عادى...و يستحسن يكون سن العصفور صغير يعنى 3 شهور او 5 شهور بس... من بعد خروجه من العش
اقولك على حركة كمان حلوة اوى انا مجربها ؟
جوع العصفور نص يوم..و ادخل الاوضة بتاعتك او اى مكان و اقفل عليك و طبعا تكون قافل الشباك...و حطه بعيد عنك و فجأه اظهر الاكل اللى فى ايدك قصاده هتلاقيه طااااار و نزل على ايدك ياكل

SheToSs
10-07-2010, 11:30 PM
يا جامد يا جامد يا **** الاسرار الجامده

اصلى و حصرى

redtiger5000
10-08-2010, 01:45 AM
يا جامد يا جامد يا **** الاسرار الجامده

اصلى و حصرى

ههههههه حبيبى يا شيتوس يا مقرمش :)
يلا يا عم اى خدمة
و لسه......

redtiger5000
10-08-2010, 04:14 PM
بالنسبة للسمك...
ابعد السمك عن الاطفال قدر الامكان...غطى الحوض كويس اوى من فوق "طبعا بغطاء الاحواض المعروف" او خللى الحوض فى مكان عالى لا يقدر الاطفال ان يصلوا ايه

redtiger5000
10-08-2010, 04:15 PM
و اوعوا تنسوا تغيروا ربع مياه الحوض كل 3 ايام او كل 4 ايام
و الاكل مرة الصبح و مرة بليل

انس ابراهيم فتحى
10-20-2010, 01:58 PM
السلام عليكم ورحمت الله وبركاته
ممكن تقولى ايه احسن انواع العصافير الزينه لو سمحت محتاج رد بسرعه بليز:d:d:d

redtiger5000
10-21-2010, 03:41 AM
السلام عليكم ورحمت الله وبركاته
ممكن تقولى ايه احسن انواع العصافير الزينه لو سمحت محتاج رد بسرعه بليز:d:d:d

أحسن و اسهل نوع هو العصفور الاسترالى او يسمى البادجى
فيه منه الاخضر و الاصفر و الابيض و الازرق و دى الالوان الاساسية بتـاعته و فيه منه الملون ...يعنى اصفر فى ابيض او اصفر فى ابيض فى اخضر و الالوان المختلطه دى اسمها بانديت...ده نوع سهل جدا و قوى جدا و ارخص من كل العصافير التانية هتلاقى الجوز ب 40 جنيه

Flower Life
11-14-2010, 03:00 PM
طيب ممكن تجاوب على سؤالي ما اسم اجمل عصفور في العالم بس اسمه وانا ابحث على الباقي :)

redtiger5000
11-20-2010, 01:23 PM
طيب ممكن تجاوب على سؤالي ما اسم اجمل عصفور في العالم بس اسمه وانا ابحث على الباقي :)

على ما اعتقد عصفور الجنة بس عموما كل العصافير جميلة

r-s-9
12-08-2010, 08:21 PM
ممكن سوال؟
عن تحميل قهر اونلاين

redtiger5000
12-09-2010, 01:38 AM
ممكن سوال؟
عن تحميل قهر اونلاين

تعتقد ان ده المكان المناسب للسؤال ده ؟
و عموما انا مليش فى قهر دى...انا ليا فى كونكر الانجليزى بس و مش بلعبها كتير كمان ولا حتى بعمل اى كويستة من الكويستات اللى نازلة حتى لو بتدى حاجات حلوة

Dark^^Light
12-09-2010, 11:00 PM
عايز عصفورك ياخد عليك ؟
اكله بأيدك كل يوم...طبعا هيخاف منك و مش هياكل..جوعه يوم واحد فقط او نص يوم...و دخل ايدك براحة فى القفص و فى ايدك الاكل هيخاف فى الاول بس شوية كده و هتلاقيه نزل على ايدك و كل منها و كل يوم على كده لحد ما تبص تلاقى نفسك بتمسكه و هو مش هيعضك و هيستسلم لك و يخليك تمسكه عادى...و يستحسن يكون سن العصفور صغير يعنى 3 شهور او 5 شهور بس... من بعد خروجه من العش
اقولك على حركة كمان حلوة اوى انا مجربها ؟
جوع العصفور نص يوم..و ادخل الاوضة بتاعتك او اى مكان و اقفل عليك و طبعا تكون قافل الشباك...و حطه بعيد عنك و فجأه اظهر الاكل اللى فى ايدك قصاده هتلاقيه طااااار و نزل على ايدك ياكل
و بالنسبة للقطط :D

caaaaat (http://www.facebook.com/photo.php?fbid=155615271150966&set=a.116581185054375.7529.100001074817747#!/video/video.php?v=154649437914216)

redtiger5000
12-10-2010, 10:36 PM
و بالنسبة للقطط :d

caaaaat (http://www.facebook.com/photo.php?fbid=155615271150966&set=a.116581185054375.7529.100001074817747#!/video/video.php?v=154649437914216)

الله... حلو اوى الفيديو ده...لأ انا معرفش ادرب قطط بس انت واضح انك مدرب جامد جدا ههههههههه

LOVEDAY
12-11-2010, 02:09 AM
ههههههههههههههههههه والله انا بحب اربي سمك بس المشكلة كل ما اجيب سمك بعد اسبوع او اسبوعين يموووووووووت مو عارف ليش ؟؟

هل الاكل الزائد يضر عليه ؟؟؟ و كم احط اكل ل 5 سمكات ؟؟؟

هل الحوض الصغير يأثر ؟؟؟

هل عدم وجود اشجار و زينة داخل الحوض يأثر على السمك ؟؟؟؟

كل متى يلزم تغير ماء الحوض في 5 اسماك ؟؟؟

كيف بدي اخلي الاسماك تتزاوج؟؟؟

اذا اكلت الاسماك نوع من طعامها و بعد اسبوع غيرت الاكل جبت نوع ثاني يأثر على السمك ؟؟؟

انا اسف اذا ثقلت عليك و شكرا

redtiger5000
12-11-2010, 04:22 AM
ههههههههههههههههههه والله انا بحب اربي سمك بس المشكلة كل ما اجيب سمك بعد اسبوع او اسبوعين يموووووووووت مو عارف ليش ؟؟

هل الاكل الزائد يضر عليه ؟؟؟ و كم احط اكل ل 5 سمكات ؟؟؟

هل الحوض الصغير يأثر ؟؟؟

هل عدم وجود اشجار و زينة داخل الحوض يأثر على السمك ؟؟؟؟

كل متى يلزم تغير ماء الحوض في 5 اسماك ؟؟؟

كيف بدي اخلي الاسماك تتزاوج؟؟؟

اذا اكلت الاسماك نوع من طعامها و بعد اسبوع غيرت الاكل جبت نوع ثاني يأثر على السمك ؟؟؟

انا اسف اذا ثقلت عليك و شكرا

لأ أسأل براحتك بالعكس انا احب اللى يسأل عن كل تنتوفه فى الموضوع
بس انت لو كنت قريت الصفح السابقة كنت عرفت كل حاجة
عموما مفيش مشكلة هقولك تانى
اول سؤال طبعا الاكل الزائد يؤثر على السمك و من الممكن ان يتعفنبقاع الحوض و يسبب للسمك مرض اسمه الفنجس و لكن له دواء و لذلك بنضع مع الاسماك سمكة اسمها كات فيش بتاكل البواقى اللى بتقع من السمك على الارض
و بالنسبة للكمية هو انت تضع كمية تكفى ان السمك يخلصها خلال خمس دقايق ...مفيش معيار معين ...مع الوقت هتعرف الكمية المطلوبة اد ايه..و كمان حاجة هتلاحظ ان السمك عايز ياكل تانى و تالت و رابع اوعه تديله لأن ده مضر بمعدته...هى مرة الصبح و مرة بليل كويس اوى و تصوم السمك يوم عشان البكتريا الضارة اللى فى امعائة تموت
و طبعا الحوض الصغير يفرق...كل ما كان الحوض كبير كل اما كان احسن عشان العفونة بتزيد فى الحوض الصغير اكتر من الكبير...يعنى من اول حوض 60 سنتى كويس
و لأ عدم وجود زينة فى الحوض غير مضرة بس فيه انواع بتحب وجود نباتات فى الحوض زى الانجل و الجرامى و السيكلد عموما...و عشان النباتات تعيش عندك ازرعها على عمق صغير و بالنسبة للمياه غير ربع المياه كل 3 ايام او كل 4 ايام
و بالنسبة لتزواج الاسماك كل نوع و ليه ظروف تزاوج مختلفة عن التانى.. انت قولى عايز تفرخ ايه وانا اقولك
بالنسبة لتغيير نوع الاكل دى حاجة مفيده جدا للسمك..بالعكس ده تغيير نوعية الطعام كل فترة دى حاجة مطلوبة...يعنى مرة قشر و مرة جمبرى مفروم و مرة دود و هكذا و ممكن جمبرى ناشف هتلاقيه بيتباع فى سوق الجمعه و سوق السمك شغال برضه يوم الاحد
و متنساااااااش دايما ربع المياه تتغير كل 3 ايام و ده كفيل بأنه يجعل السمك بصحة جيده دائما حيث انه فى الطبيعه المياه تتغير كل ثانية
بالنسبة للفتلرة هات حاجة اسمها الفلتر الاسفنجى هتلاقيه ب 5 جنيه فى السوق و ب 10 جنيه فى المحلات و الفلتر ده بالذات جميل جدا بيخلى المياه نظيفة جدا جدا...
هو ده الفلتر الاسفنجى بجميع احجامه و كل حوض وليه الحجم المناسب
http://www14.0zz0.com/2010/12/11/01/140381054.jpg (http://www.0zz0.com)
و الفلتر الباور كمان كويس جدا بس ليه تظبيطة كده عشان التيار بتـاعه قوى جدا و بيقلب السمك فى الحوض من قوته

redtiger5000
12-11-2010, 04:41 AM
كل انواع السمك بيحب النباتات فى الحوض و لكن يوجد انواع لابد لها من نباتات فى الحوض عشان هى بتحب تستخبى فيها
ده الانجل خجول جدا و حركتة بطيئة و لكن ما امتع تصرفاته فى الحوض...الانجل انواع كتير ده نوع منهم
http://www9.0zz0.com/2010/12/11/01/375259044.jpg (http://www.0zz0.com)

و ده الجرامى ...النوع ده اسمه الجرامى الاصفر او ال yellow gourami
http://www9.0zz0.com/2010/12/11/01/955105269.jpg (http://www.0zz0.com)

و ده نوع من السيكلد دى اسمها فلاور هورن سيكلد...بالانجليزى flower horn chickled
http://www9.0zz0.com/2010/12/11/01/842678108.jpg (http://www.0zz0.com)

دى بأه بعض انواع الاسماك اللى بتحب الزرع...نبتدى بالجرامى حبيب قلبى
دى اسمها دوارف جرامى يعنى الجرامى القزم
http://www9.0zz0.com/2010/12/11/01/627365502.jpg (http://www.0zz0.com)

و دى اسمها الجرامى الاوبالين
http://www9.0zz0.com/2010/12/11/01/124210073.jpg (http://www.0zz0.com)

نيجى بأه للشكيلد ...كنج السمك فى الالوان بس ده محتاج احتراف شوية فى التعامل معاه
دى اسمها فرنتوزا افريقان شيكلد
http://www9.0zz0.com/2010/12/11/01/754821455.jpg (http://www.0zz0.com)

و دى الكونفكت شيكلد ...و الناس بتقول عليه زيبرا شيكلد

http://www9.0zz0.com/2010/12/11/01/524630680.jpg (http://www.0zz0.com)

http://www9.0zz0.com/2010/12/11/01/211152454.jpg (http://www.0zz0.com)

redtiger5000
12-11-2010, 07:20 AM
الانواع اللى تم ذكرها دى ممكن تعيش عادى من غير زرع بس على الاقل لازم شوية اماكن للأختباء زى احجار فوق بعضها مثلا او تعمل لهم كهف من الصخور كده يعنى بس يحبذ النباتات احسن لما تعطيه من شكل طبيعى للحوض
و احسن جرش للحوش هو الجرانيت الاسود و يكون بحجم السمسم

LOVEDAY
12-11-2010, 11:38 AM
الانواع اللى تم ذكرها دى ممكن تعيش عادى من غير زرع بس على الاقل لازم شوية اماكن للأختباء زى احجار فوق بعضها مثلا او تعمل لهم كهف من الصخور كده يعنى بس يحبذ النباتات احسن لما تعطيه من شكل طبيعى للحوض
و احسن جرش للحوش هو الجرانيت الاسود و يكون بحجم السمسم

اوك مشكوووووووووووووووووووور

redtiger5000
12-12-2010, 04:42 AM
اوك مشكوووووووووووووووووووور

العفو اى خدمة

SheToSs
01-18-2011, 11:43 PM
انا بحب الموضوع ده كل ما ادخل كده اعد اتفرج على حاجات كتير فيه

بجد محمد تعب فيه جامد اوي

شكرا ليك جدا على ما قدمته و لسه هتقدمه للاعضاء

redtiger5000
02-04-2011, 11:22 PM
انا بحب الموضوع ده كل ما ادخل كده اعد اتفرج على حاجات كتير فيه

بجد محمد تعب فيه جامد اوي

شكرا ليك جدا على ما قدمته و لسه هتقدمه للاعضاء

و الله كلامك ده اسعدنى جدا و حسسنى انى فعلا قدمت شىء جيد للأعضاء
و عشان تتفرج كويس انا هجيب معلومات جديده حينما يتاح ليا الوقت انى اكون فاضى
متشكر اوى يا حبى على كلامك الجميل ده....
و لو عندك اى سؤال او عند اى حد حتى من قرايبك او اصحابك عن الموضوع ده اتفضل قوله و انا حتى لو مش عارف هسأل الخبراء من اصدقائى و اجاوبك

SheToSs
02-04-2011, 11:26 PM
و الله كلامك ده اسعدنى جدا و حسسنى انى فعلا قدمت شىء جيد للأعضاء
و عشان تتفرج كويس انا هجيب معلومات جديده حينما يتاح ليا الوقت انى اكون فاضى
متشكر اوى يا حبى على كلامك الجميل ده....
و لو عندك اى سؤال او عند اى حد حتى من قرايبك او اصحابك عن الموضوع ده اتفضل قوله و انا حتى لو مش عارف هسأل الخبراء من اصدقائى و اجاوبك


ده مش كلام دي حقيقة

لان بجد الموضوع ده جميل جدا

و الاسماك دي جميلة جدا
في شكلها و معاملتها سبحان الله


ربنا يخليك يا محمد

redtiger5000
02-05-2011, 12:36 AM
ده مش كلام دي حقيقة

لان بجد الموضوع ده جميل جدا

و الاسماك دي جميلة جدا
في شكلها و معاملتها سبحان الله


ربنا يخليك يا محمد

متشكر اوى يا غالى انا مبسوط اوى بإحساسك ده
و فعلا سبحان الله ...احنا بس كل ده بنحاول نقلد الطبيعه و لكن رغم كل ده و مازلنا مش بنقدر نقلدها صح لأن مياه النهر بتتغير كل ثانية و احنا بنغير ربع المياه فقط كل 3 ايام و بنعمل فلتر بيستهلك كهرباء و فى الطبيعه المياه بتتفلتر كل ثانيه و بدون كهرباء فسبحان الله القادر على كل شىء المبدع البديع
و سبحان الله كل سمكة ليها طريقة فى معاملتها حسب طبيعتها لأن لكل سمكة بيئة معينة بتعيش فيها عشان تاكل شىء معين ممكن يضر الطبيعه اللى هى فيها
يعنى عندك مثلا البيرانا..سمكة متوحشة و شكلها وحش و اسنانها احمى من الموس و بتقدر تعيش فى ظروف الانسان نفسه ميقدرش يعيش فيها و لكن ربنا حطها فى منطقة معينة فى الامازون يكثر فيها موت الحيوانات فى الانهار فتأكلها هذه السمكة و يوجد سمكة عكسها تماما تعيش فى نفس النهر و لكن فى منطقة مختلفة اسمها سمكة الانجل و دى بتعيش فى مياه ضحلة يعنى حركة المياه فيها قليلة و دى بتبقى فرصة للبعوض انه يضع بيوضه وضعها الله فى هذا المكان كى تأكل هذه البيوض لعدم تكاثر الناموس زياده عن حد معين فسبحان الله...شوف حكمة ربنا

SheToSs
02-05-2011, 03:31 AM
سبحان الله

lami-lo
02-08-2011, 05:42 PM
سلام عليكم

أولا أحب أشكر القائمين علي موضوع تربية أسماك الزينة
الموضوع شيق فعلا للغايه

النهارده أول تسجيلي وأول مشاركة .
بيستهويني أمر تربيه الأسماك وحاولت بالفعل مرات قليله
لكن بدون خبرة او معلومات مسبقه
عندي كاس مدور اشتريت في الاول سمكة وماتت
وبتاع السمك قاللي عشان مفيش موتور
اشتريت سمكتين وموتور
وبردو مش قعدوا كتير وماتوا
وسبت الكاس تماما
لغاية ما جيت من شهر تقريبا اشتريت 6 سمكات صغيرة
2 تايجر بارب
و2 أبيض خالص و2 اسود ماعرفش اسمائهم
وللأسف ماتوا كلهم بعد ساعه
وعرفت انه كان غلط اغسل الكاس المركون من زمان بصابون سائل وغيرت الميه فورا بماء صنبور وندمت بعدها جدا لكن هو مش فادني بأي حاجه
بعد كده غسلته بملح واشتريت سمكتين تايجر بارب تاني و2 انجل
وسألت الراجل يومها ينفعوا مع بعض قاللي عادي
وماتت السمكتين الأنجل بعد وقت قصير
بعدها بدأت أقرأ عشان استفيد بدل ما انا كل شوية اشتري سمك واموته
دلوقتي عندي ال2 التايجر بارب
بس جالي 3 سمكات كوي ياباني علي ما اعتقد ده اسمه ومش عندي مكان فحطيتهم سوا
شكلهم كبير جدا مع التايجر وحاسه انهم مرعوبين وحركتهم كتير أوي
ياتري ده يضر التايجر ؟؟

* علي فكرة انا أضفت أصداف صغيره في قاع الحوض ده من وقت طويل ومش حسيت ان في مشكله
حتي التايجر كانوا بيلعبوا ويستخبوا بينهم وحسيت ان الميه انضف لوقت اطول

أسفة للإطاله :)
وشكراً مقدماً

redtiger5000
02-08-2011, 05:58 PM
سلام عليكم

أولا أحب أشكر القائمين علي موضوع تربية أسماك الزينة
الموضوع شيق فعلا للغايه

النهارده أول تسجيلي وأول مشاركة .
بيستهويني أمر تربيه الأسماك وحاولت بالفعل مرات قليله
لكن بدون خبرة او معلومات مسبقه
عندي كاس مدور اشتريت في الاول سمكة وماتت
وبتاع السمك قاللي عشان مفيش موتور
اشتريت سمكتين وموتور
وبردو مش قعدوا كتير وماتوا
وسبت الكاس تماما
لغاية ما جيت من شهر تقريبا اشتريت 6 سمكات صغيرة
2 تايجر بارب
و2 أبيض خالص و2 اسود ماعرفش اسمائهم
وللأسف ماتوا كلهم بعد ساعه
وعرفت انه كان غلط اغسل الكاس المركون من زمان بصابون سائل وغيرت الميه فورا بماء صنبور وندمت بعدها جدا لكن هو مش فادني بأي حاجه
بعد كده غسلته بملح واشتريت سمكتين تايجر بارب تاني و2 انجل
وسألت الراجل يومها ينفعوا مع بعض قاللي عادي
وماتت السمكتين الأنجل بعد وقت قصير
بعدها بدأت أقرأ عشان استفيد بدل ما انا كل شوية اشتري سمك واموته
دلوقتي عندي ال2 التايجر بارب
بس جالي 3 سمكات كوي ياباني علي ما اعتقد ده اسمه ومش عندي مكان فحطيتهم سوا
شكلهم كبير جدا مع التايجر وحاسه انهم مرعوبين وحركتهم كتير أوي
ياتري ده يضر التايجر ؟؟

* علي فكرة انا أضفت أصداف صغيره في قاع الحوض ده من وقت طويل ومش حسيت ان في مشكله
حتي التايجر كانوا بيلعبوا ويستخبوا بينهم وحسيت ان الميه انضف لوقت اطول

أسفة للإطاله :)
وشكراً مقدماً

انا معرفش اسمك ايه فا هقولك يا اخت لامى مؤقتا على اساس النك نيم بتـاعك
و لأ مفيش اطالة ولا حاجة احكى زى ما انتى عايزة...لما تشوفى ردى هتعرفى معنى الاطالة هههههههه بس عشان تستفيدى صح
طبعا البلورة لا أحبذها الا لنوع او نوعين من الاسماك هما الجرامى و الفايتر لأنهم مش محتاجين موتور هواء لأن عندهم شبه رئه و طبعا تنضيف البلورة صعب و رخم و غتت و مينفعش يتحط فيها فلتر
نيجى بأه للحوض...سهل تنضيفه و يعيش فيه جميع انواع السمك و لكن...
مش كل السمك ينفع يعيش مع بعضه
غلط جداااااا التايجر مع الكوى او الفانتيل او الانجل لأن التايجر حركتة سريعه و سمكة عصبية و لكنها ليست شرسة هتفضل تعض فى ذيل السمك الكوى او الفانتيل...
طب بأختصار ايه الانواع اللى ينفع تعيش مع بعض ؟
ممكن الانجل يعيش مع كل انواع الجرامى و ينفع يعيش مع الفانتيل بس نظام الفلترة يكون جيد جدا لأن الفانتيل او الكوى بيرمى فضلات كتير جدا فى الحوض و بيعكر المياه بسرعه فا انا عن نفسى لا احبذ تربية اى نوع مع الفانتيل غير الكوى
يبقى تانى...الانجل يعيش مع كل انواع الجرامى و كل انواع السيكلد ما عدا الانواع الشرسة منها و مع المولى و السوردتيل و الجوبى و الزيبرا
هكمل لك باقى الانواع اللى ينفع تعيش مع بعضها و لكن بعد ما تخلصى قرائة الكلام ده كله
و انا اسمى محمد و عندى 26 سنة
و أسألى براحتك خاااااااااالص انا بحب افيد الناس خصوصا فى المجال ده لأنى بحبه جدااااا
عارفه لو سألتينى كل دقيقة سؤال مش هزهق و هجاوبك عشان انا بحب السمك جداااااا
اه...و للأسف محدش هنا قائم على الموضوع ده الا انا و مستنى حد يفهم فى السمك زيى عشان يساعدنى

SheToSs
02-08-2011, 06:04 PM
انا معرفش اسمك ايه فا هقولك يا اخت لامى مؤقتا على اساس النك نيم بتـاعك
و لأ مفيش اطالة ولا حاجة احكى زى ما انتى عايزة...لما تشوفى ردى هتعرفى معنى الاطالة هههههههه بس عشان تستفيدى صح
طبعا البلورة لا أحبذها الا لنوع او نوعين من الاسماك هما الجرامى و الفايتر لأنهم مش محتاجين موتور هواء لأن عندهم شبه رئه و طبعا تنضيف البلورة صعب و رخم و غتت و مينفعش يتحط فيها فلتر
نيجى بأه للحوض...سهل تنضيفه و يعيش فيه جميع انواع السمك و لكن...
مش كل السمك ينفع يعيش مع بعضه
غلط جداااااا التايجر مع الكوى او الفانتيل او الانجل لأن التايجر حركتة سريعه و سمكة عصبية و لكنها ليست شرسة هتفضل تعض فى ذيل السمك الكوى او الفانتيل...
طب بأختصار ايه الانواع اللى ينفع تعيش مع بعض ؟
ممكن الانجل يعيش مع كل انواع الجرامى و ينفع يعيش مع الفانتيل بس نظام الفلترة يكون جيد جدا لأن الفانتيل او الكوى بيرمى فضلات كتير جدا فى الحوض و بيعكر المياه بسرعه فا انا عن نفسى لا احبذ تربية اى نوع مع الفانتيل غير الكوى
يبقى تانى...الانجل يعيش مع كل انواع الجرامى و كل انواع السيكلد ما عدا الانواع الشرسة منها و مع المولى و السوردتيل و الجوبى و الزيبرا
هكمل لك باقى الانواع اللى ينفع تعيش مع بعضها و لكن بعد ما تخلصى قرائة الكلام ده كله
و انا اسمى محمد و عندى 26 سنة
و أسألى براحتك خاااااااااالص انا بحب افيد الناس خصوصا فى المجال ده لأنى بحبه جدااااا
عارفه لو سألتينى كل دقيقة سؤال مش هزهق و هجاوبك عشان انا بحب السمك جداااااا
اه...و للأسف محدش هنا قائم على الموضوع ده الا انا و مستنى حد يفهم فى السمك زيى عشان يساعدنى


انا كنت متوقع ان ردك يبقي سريع

lami-lo
02-08-2011, 06:04 PM
ربنا يكرمك يا محمد
شكرا لذوقك وشكرا لسرعه الرد

انا مهتمه بتربية الأسماك وبحاول اقرأ وأستفيد
النهارده بس وصلت للقسم ده من المنتدي وانا دلوقتي في صفحة 16
بحاول أخد معلومات علي قد ما اقدر

الفانتيل ده اللي اشتريتها أول حاجه مرتين ورا بعض وماتت وسبت الأمر خالص لفترة

عجبتني الانجل بس هي بطيئة شوية وقرأت نصيحه منك لحد بيسأل انها محتاجه رعاية شوية

طيب دلوقتي في كذا سؤال :
1- انا بحب التايجر بارب دي شكلها لذيذ وعاوزة احتفظ بيها واحافظ عليها .. أعمل ايه ؟

2- لو انا مش مستعده حاليا لحوض ونظام رعاية كامل لضيق وقتي اتصرف ازاي ؟
يعني احب احتفظ بالكاس ده .. أجيب له اي سمك يقدر يستمر فيه ؟ ( اكيد لما احب اعمل حوض هاستشير )

3- اتصرف ازاي دلوقتي و التايجر مع الكوي ؟؟؟

بجد متشكرة جدااااااااا ومتابعه اكيد :)

lami-lo
02-08-2011, 07:20 PM
في كمان سؤال

أنا باغير مية البلورة دي مرة كل 3 او 4 ايام
ماينفعش اغير ربعها بس لأن لون الميه بيغير وشكل السمك مش بيبقي ظريف خالص
دلوقتي انا نضفت البلورة ومش عارفة افصل السمك ولا اسيبه لغاية ما اجيب حوض ولا اعمل ايه ؟

DARK....MOON
02-08-2011, 08:37 PM
))))))))))))))))))))))))))))))))))))))))))____ ما يكفي الاحياء يعني ؟؟__))))))))))))))))))))))))))))))))))

redtiger5000
02-08-2011, 09:12 PM
ربنا يكرمك يا محمد
شكرا لذوقك وشكرا لسرعه الرد

انا مهتمه بتربية الأسماك وبحاول اقرأ وأستفيد
النهارده بس وصلت للقسم ده من المنتدي وانا دلوقتي في صفحة 16
بحاول أخد معلومات علي قد ما اقدر

الفانتيل ده اللي اشتريتها أول حاجه مرتين ورا بعض وماتت وسبت الأمر خالص لفترة

عجبتني الانجل بس هي بطيئة شوية وقرأت نصيحه منك لحد بيسأل انها محتاجه رعاية شوية

طيب دلوقتي في كذا سؤال :
1- انا بحب التايجر بارب دي شكلها لذيذ وعاوزة احتفظ بيها واحافظ عليها .. أعمل ايه ؟

2- لو انا مش مستعده حاليا لحوض ونظام رعاية كامل لضيق وقتي اتصرف ازاي ؟
يعني احب احتفظ بالكاس ده .. أجيب له اي سمك يقدر يستمر فيه ؟ ( اكيد لما احب اعمل حوض هاستشير )

3- اتصرف ازاي دلوقتي و التايجر مع الكوي ؟؟؟

بجد متشكرة جدااااااااا ومتابعه اكيد :)

العفو ده اقل واجب
حاولى تبدلى الكوى بتايجر او جرامى او انجل او سوردتيل و لو منفعش حاولى تبيعيى الكوى و تشترى بداله اى حاجة تانية
تانى نقطة..الحوض مش محتاج رعاية و اهتمام عالى اوى ...اقصد يعنى مش لازم تبقى قاعده جنب الحوض 24 ساعه ..لأ ده هو بس تغيرى ربع المياه كل 3 او اربع ايام و الاكل مرة الصبح و مرة بليل و بكمية يخلصوها خلال 5 دقايق و لو اتفضل باقى شيليه بالشبكة او يحبذ يكون موجود سمكة اسمها كات فيش و دى بتاكل فضلات السمك اقصد من الاكل يعنى لكن مش بتاكل إخراجات السمك
البلورة صعب الاهتمام بيها زى ما قلت و دايما ميتها بتبقى عكرة عشان مينفعش يتحط فيها فلتر...الا اذا حطيتى فلتر لمدة 8 ساعات و بعد كده شيلتيه...اسمه فلتر اسفنجى و هاتى النوع الصغير منه...
الاهتمام بالبلورة بأنك زى ما قلتى تشيلى بس ربع المياه اللى فى البلورة مش كل المياه لأن كده السمك هيموت من نسبة الكلور اللى فى المياه و كمان لأنك غيرتى كل كيمياء الماء اللى السمك ذات نفسه ظبطها لنفسه...و طبعا تغيير المياه بيكون بالخرطوم عشان يشفط اى وساخة على الارض...بتعرفى تغيرى المياه بالخرطوم ولا اقولك تعمليها ازاى ؟؟
نيجى لنقطة الانجل...الانجل حركتة بطيئة كده لأنه بيعيش فى اماكن ضحلة فى نهر الامازون مليانة نباتات كثيفة فهو فى حركتة بيبقى حذر و جسمه مضغوط عشان كده تلاقيه ماشى ببطىء بس سمكة لذيذه جدااااا هى بس بتعوز مياه مستقره و نضيفة و تتغير ربع مياه الحوض كل 3 ايام
من الاخر متتعبيش نفسك و سيبى موضوع البلورة ده لأنه متعب اوى و مش جايب همه...انتى ممكن عشان لسه بتبتدى الموضوع اعملى حوض صغير كده لذيذ 50 سنتى و حطى فيه اقصى حاجة 15 سمكة مش ازيد من كده..رغم ان 15 كتير كمان و انا الوحيد اللى بخرج عن القاعده دى و لكن عشان انا عارف ههتم بيهم ازاى..زى ما قلت لك تغيير ربع المياه كل 3 ايام و الاكل مرة الصبح و مرة بليل فقط و تغطى الحوض بلوح زجاج على اد الحوض و تسيبى حتة صغيرة يدخل لهم الهواء منها مع موتور الهواء طبعا ...موتور الهواء بيشتغل على طول مش بيطفى الا مثلا ربع ساعه كل يوم...و هاتى زرع اسمه امازون ده بيستحمل و قوى جدا انا عندى منه..اربطى فيه حتة طوبة صغيرة كده بأستك و اغرسيه فى جرش الحوض و شوية و بعد اسبوع او اتنين هتبصى تلاقى النبات عمل جذور و بيكبر بس تغيير ربع المياه كل 3 ايام مطلوب و مهم جدااااااا و متخليش المياه تنزل فى الحوض جامد لأ صبيها براحة او بالخرطوم و لو هتغيرى كل مياه الحوض يبقى كل 6 شهور و عايزة مش تحطى مزيل كلور يبقى تسيبى المياه يوم مع موتور الهواء و تانى يوم حطى السمك طبعا مع متابعة درجة الحرارة عشان احنا فى الشتاء و درجة حرارة المياه بتختلف
يعنى لو فرضنا مثلا انتى جبت الحوض الجديد اهو..نضفيه الاول بالملح و كده و بعدين امليه مياه بس سيبى اخر خمسة سنتى من فوق فاضى...و بعدين حطى الزرع و السخان و الفلتر الاسفنجى و يستحسن تجيبى سخان ثرموستات صغير هتلاقيه ب 20 جنيه او 15 جنيه لأنك هتجيى النوع الصغير و تظبطى حرارة السخان على 27 و تتابعى الترمومتر لو وصل اعلى من 27 يبقى تنزلى الحرارة درجة واحده من السخان و يبقى كده كله تمام و بعدين تانى يوم تحطى السمك...طب لو فرضنا بأه انك عايزة تغيرى المياه كلها ؟ عادى جدا..هتاخدى جزء من مياه الحوض و تحطيه فى إناء بلاستيك و تحطى السمك فيه و بعدين تفصلى السخان و تسيبيه مدة 10 دقايق عشان لو شيلتيه على طول هيفرقع لأنه ساعتها هيكون سخن جداااا بعد كده تحطى السخان فى الإناء البلاستيك مع موتور الهواء طبعا و بعدين تغيرى المياه كلها و تنضفى الجرش كويس و تملى الحوض و بعدين هتشيلى السخان من الإناء البلاستيك و تحطيه فى الحوض و تستنى لما المياه تسخن و تنقلى السمك تانى بس الكلام ده تانى يوم او فى نفس اليوم بس بعد ما تحطى مزيل الكلور و تسيبى الحوض ساعتين مع حجر الهواء



في كمان سؤال

أنا باغير مية البلورة دي مرة كل 3 او 4 ايام
ماينفعش اغير ربعها بس لأن لون الميه بيغير وشكل السمك مش بيبقي ظريف خالص
دلوقتي انا نضفت البلورة ومش عارفة افصل السمك ولا اسيبه لغاية ما اجيب حوض ولا اعمل ايه ؟
زى ما قلت تغيير المياه بيبقى ربعها بس و زى ما قلت قبل كده برضه حاولى تبيعى السمك الكوى ده و تشترى مكانه تايجر او جرامى او جوبى و انصحك بالجوبى لأن الوانه حلوة اوى و سمكة بتستحمل او حاولى تبدلى الكوى اللى عندك مع البياع و شوفى هيوافق ولا لأ
انا كنت متوقع ان ردك يبقي سريع

اه طبعا انا اقدر أتأخر ده انا عااااااشق السمك

One Piece
02-08-2011, 10:32 PM
انا مالي في السمك المهم / يسلموو على الموضوع فيه ناس راح تستفيد

lami-lo
02-08-2011, 10:55 PM
شكرا يا محمد مرة تانيه لكل المعلومات دي
انا قرأت الكلام كويس واستوعبته
وهاحاول في اقرب وقت اجهز حوض بدل البلورة

*بالنسبة لتغيير المية بالخرطوم انا قرأت خلال تصفحي وعرفت الفكرة اللي انت عرضتها
بس انا بانقل كل السمك في مية مركونة يومين او 3 وباغسل البلورة بالملح وباملاها مية مخزونة وبارجع فيها السمك كله
لأن تغيير ربع المية بس بيسيبها معكرة بردو
مش عارفه يمكن عشانها صغيرة فبيبان فيها اي تغيير بسرعه

*انا فصلت السمك الكوي عن التايجر
وبكرة بإذن الله هاروح لبتاع السمك واحاول اغيرهم لأني مش هالاقي حد ابيعهم ليه
ماعرفش حد يعني
وهاحاول اجيب تايجر يبقوا مع ال2 اللي عندي لغاية ما اجهز حوض

* بس دلوقتي المحل اللي باشتري منه صغير
وغالبا مش بلاقي عنده غير الفانتيل والتايجر والانجل والكوي
وسمك تاني كده صغير أوي يمكن قد التايجر منه لونين ابيض تماما واسود ماعرفش دول اسمهم ايه
ياريت لو تعرف قوللي وياتري ممكن اجيب منهم مع التايجر ؟؟

طيب بالنسبة بقي لنبات الامازون لو مش لقيت ؟؟
وينفع احط في قاع الحوض أصداف ؟؟ أنا باجمعها وباغسلها وفي في البلورة منها ومش مضايقة التايجر
لو عرفت ارفع صورة للبلورة توضح كلامي اكتر هارفعها

ياريت ترد علي الاستفسارات دي لأني هاروح لبتاع السمك بكرة الصبح بإذن الله
شكرا مرة تانيه مجهودك ده :) ربنا يكرمك

lami-lo
02-08-2011, 10:58 PM
آه معلش سؤال تاني كمان

بتقول بدلي الكوي بسووردتيل او جورامي او جوبي
أنسبهم للتايجر ايه ؟؟
والسمك اللي قولتلك مش عارفه اسمه الابيض واسود ممكن مع التايجر حاليا ؟؟

أنا اصلا حاسه ان الراجل ده بيبعلي وخلاص اي حاجه
لما سألته التايجر ممكن مع الأنجل قاللي عادي
ولما قولتله البلورة قد دي ممكن احط فيها كام سمكه ؟ قاللي لو صغيرين حطي لغاية 30 مش مشكله

redtiger5000
02-09-2011, 12:27 AM
انا مالي في السمك المهم / يسلموو على الموضوع فيه ناس راح تستفيد
شكرا يا غالى و نورت الموضوع
شكرا يا محمد مرة تانيه لكل المعلومات دي
انا قرأت الكلام كويس واستوعبته
وهاحاول في اقرب وقت اجهز حوض بدل البلورة

*بالنسبة لتغيير المية بالخرطوم انا قرأت خلال تصفحي وعرفت الفكرة اللي انت عرضتها
بس انا بانقل كل السمك في مية مركونة يومين او 3 وباغسل البلورة بالملح وباملاها مية مخزونة وبارجع فيها السمك كله
لأن تغيير ربع المية بس بيسيبها معكرة بردو
مش عارفه يمكن عشانها صغيرة فبيبان فيها اي تغيير بسرعه

*انا فصلت السمك الكوي عن التايجر
وبكرة بإذن الله هاروح لبتاع السمك واحاول اغيرهم لأني مش هالاقي حد ابيعهم ليه
ماعرفش حد يعني
وهاحاول اجيب تايجر يبقوا مع ال2 اللي عندي لغاية ما اجهز حوض

* بس دلوقتي المحل اللي باشتري منه صغير
وغالبا مش بلاقي عنده غير الفانتيل والتايجر والانجل والكوي
وسمك تاني كده صغير أوي يمكن قد التايجر منه لونين ابيض تماما واسود ماعرفش دول اسمهم ايه
ياريت لو تعرف قوللي وياتري ممكن اجيب منهم مع التايجر ؟؟

طيب بالنسبة بقي لنبات الامازون لو مش لقيت ؟؟
وينفع احط في قاع الحوض أصداف ؟؟ أنا باجمعها وباغسلها وفي في البلورة منها ومش مضايقة التايجر
لو عرفت ارفع صورة للبلورة توضح كلامي اكتر هارفعها

ياريت ترد علي الاستفسارات دي لأني هاروح لبتاع السمك بكرة الصبح بإذن الله
شكرا مرة تانيه مجهودك ده :) ربنا يكرمك
كويس انك قرأتى الكلام كله و ده معناه انك ابتديتى تحبى السمك زيى و ابتديتى تهتمى و تعرفى الطبيعه و انا بحب الميزة دى فى اى هاوى لأن معظم الهواه بيتركوا الهواية دى بعد محاولتين او تلاتة و انا بصراحة انا اللى ممنون و مشكور ليكى على اسألتك و شكرك ليا
تغيير ربع المياه بمياه مركونة ده مطلوب و اساسى و لكن انا كنت بقول تغيرى المياه عادى عشان فيه ناس مبتقدرش تحوش مياه مركونة فا دى حاجة كويسة اوى منك انك عملتى كده ...بصى...سيبك من المحلات الصغيرة و خليكى فى المحلات الكبيرة النضيفة لأن المحلات الصغيرة دى معظم اصحابها و انا بقول المعظم مش كلهم بيبقوا عايزين يبيعوا و خلاص و بيتمنوا ان السمك اللى عندك يموت عشان ترجعى تشترى تانى و عشان كده قالك تحطى فى الحوض ده 30 سمكة مع ان البلورة اخرها 5 او 6 سمكات و كمان بيبقى زحمة
انتى قوليلى ساكنة فى منطقة ايه و انا اقولك اقرب محلات "نضيفة" منك ايه...
و احتمال يكون السمك الابيض و الاسود ده يكون مولى...و طبعا يا ريت تصوريلى البلورة اللى عندك و لما تجيبى الحوض صوريه برضه...اه و حاجة كمان..اسعار الاحواض اوعى حد يغشك فيها...الحوض ال 50 سنتى *40*30 بيعمل من 50 الى 60 جنيه مش اكتر و الحوض ال 60*40*30 بيعمل من 60 الى 70 جنيه مش اكتر ...خدى بالك لأن المجال ده النصب فيه كتير اوى...و السمك كمان...لو عايزة تعرفى اسعار سمك معين قوليلى حجمه و نوعه و اذا كان مستورد ولا مصرى و انا اقولك يعمل كام
بالنسبة للأصداف و الجرش المكرونة لا يحبذ انك تحطيها خالص فى الحوض حيث انها بتغير من التركيبة الكميائية للماء و تجعله قلوى على ما اتذكر و ده غير مناسب ل90 فى الميه من انواع السمك...عندك جرش اسمه الجرانيت انا بستعمله و هو عبارة عن احجار بركانيه لا تتفاعل مع الماء ابدا و دى من انسب و احسن الفروش اللى ممكن تفرشى بيها ارضية الحوض...
بالنسبة للنباتات تقدرى تجيبى النباتات من سوق الجمعه او محلات انطون عزيز اللى فى رمسيس...لو تحبى انا ممكن انزل معاكى سوق الجمعه عشان هو زحمة و محتاجه زى مرشد هناك عشان انتى لو متعرفيش حد هناك هيتنصب عليكى بالجامد اوى...و لو مينفعش ممكن تجيبى اخوكى معاكى او اى حد بحيث يعنى منبقاش لوحدنا و برضه لو عايزة تروحى لوحدك اوك مفيش مشكلة بس حدديلى انتى عايزة تجيبى ايه عشان اقولك اسعاره و المواصفات الصحيحة للحاجة اللى عايزة تشتريها

آه معلش سؤال تاني كمان

بتقول بدلي الكوي بسووردتيل او جورامي او جوبي
أنسبهم للتايجر ايه ؟؟
والسمك اللي قولتلك مش عارفه اسمه الابيض واسود ممكن مع التايجر حاليا ؟؟

أنا اصلا حاسه ان الراجل ده بيبعلي وخلاص اي حاجه
لما سألته التايجر ممكن مع الأنجل قاللي عادي
ولما قولتله البلورة قد دي ممكن احط فيها كام سمكه ؟ قاللي لو صغيرين حطي لغاية 30 مش مشكله

أسألى زى ما انتى عايزة...
كل السمك اللى قلت لك عليه مناسب للتايجر سواء سوردتيل او جوبى او مولى او جرامى كله كويس مع التايجر
انتى ممكن لما تجيبى الحوض تجيبى مثلا 4 جوبى و 3 سوردتيل و 2 جرامى و 3 مولى بحيث التشكيلة فى الحوض تبقى ملونة كده...و انا ممكن اديكى من عندى 4 جوبى من اولاد الجوبى اللى عندى الوانهم حلوة اوى
و زى ما قلت لك قبل كده فعلا الراجل ده نصاب و متشتريش منه حاجة تانى
البلورة اخرها يتحط فيها 5 سمكات حجم 4 سنتى او 5 سنتى او 10 سمكات حجم 2 سنتى لكن 30 ده كتير جدا جدا و السمك كله هيموت
انتى بس اصبرى لما تجيبى الحوض و ننزل مع بعض نجيب السمك او شوفى لو عايزة تنزلى لوحدك براحتك قدامك كل الخيارات اختارى اللى يعجبك و كده او كده هعرف اخدمك

عاشق الجنان
02-09-2011, 02:10 AM
تسلم الايادي يامحمد

لكن هل لي ان اقترح عليك اقتراح .


لماذا لا تعمل كتاب للمبتدئين عن سمك الزينه

او العصافير الاستراليه


يعني توضح فيه كيفية الاعتناء بهم والحاجات دي

من خلال تجربتك انت وخبرتك

وتعمل الكتاب بصيغه قرائه :)

لعلها تكون اول ابدعاتك في مجال كتابة الكتب

lami-lo
02-09-2011, 02:35 AM
سلام عليكم
شكرا يا محمد اهتمامك ونصائحك بجد

أول حاجه بالنسبة للمواصفات اللي قولت عليها كلها للحوض والأسماك وأعدادها والنباتات انا سجلتها في ورقه وهاشوف الأمر ده بكرة بإذن الله

ثاني حاجه بقي أنا أصلا من دمياط فبالتالي أنا قدامي خيارات قليله وماعرفش غير محل اسماك الزينة اللي باشتري منه
هاحاول أعمل ناصحه عشان مايضحكش عليا بكرة وهاخد بالي من السمك اللي بيديهولي
هو عامة السمك عنده مش بيبقي فيه عيوب بس الأنواع قليله

ثالثا الراجل كان يقصد ان البلورة ممكن تاخد عدد كبير من الاسماك الصغيرة
بس انا لما حطيت الكوي مع التايجر وبقوا 5
رغم ان التايجر ماكانوش باينين بس البلورة دي كانت زحمة جداااااا وشكلها كان يخنق

بالنسبة للأسماك لو لقيت الانواع كلها عنده هاقوله علي الاعداد اللي قولتها بس أحدد له ذكور وإناث ولا مجرد عدد وبس ؟
ولو لقيت أنواع قليله ؟؟ يعني مثلا لو مش لقيت الا التايجر والسمك الصغير ؟؟ أجيب اعداد ايه ؟؟

انا هاحاول ارفع الصور دلوقتي ولما تشوفها ابقي أعرف رأيك
وشكرا مرة تانيه وتالته وعاشرة اكيد :) جزاك الله كل خير عن إفادتك

redtiger5000
02-09-2011, 02:39 AM
تسلم الايادي يامحمد

لكن هل لي ان اقترح عليك اقتراح .


لماذا لا تعمل كتاب للمبتدئين عن سمك الزينه

او العصافير الاستراليه


يعني توضح فيه كيفية الاعتناء بهم والحاجات دي

من خلال تجربتك انت وخبرتك

وتعمل الكتاب بصيغه قرائه :)

لعلها تكون اول ابدعاتك في مجال كتابة الكتب




شكرا يا حبى نورت الموضوع يا غالى
بص هو بالفعل فيه كتاب وحيد قديم جدا متداول فى الاسواق يتناول كل شىء عن اسماك الزينة يعنى انا مش اول واحد
بس تعرف ؟...الكتاب ده قديم جدا و معلوماته رغم انها مفيده للمبتدئين لكن معلومات قديمة لأن ظهر انواع اخرى من الاسماك لم يذكرها الكتاب و الصور اللى فيه مش ملونه
ده انا بكده بأه يمكن يكون انا اول واحد يعمل كتاب باللغة العربية حديث عن اسماك الزينة
طلعتها فى دماغى انت و الله هههههه...بس متخافش ليك نسبة من الارباح ههههههه
اوك ماشى هبتدى اعمل الكتاب و كل يوم هكتب منه على اد ما اقدر و على اد المعلومات اللى اعرفها و هى و الحمد لله معلومات غزيرة و قليل من الهواة من يعرف الخبايا اللى اعرفها فى اسماك الزينة و لله الحمد طبعا و ده مش غرور منى ولا حاجة انا بس بوضح للناس انى و لله الحمد قادر على عمل "كتاب" فى اسماك الزينة
و هعمل كتاب تانى للمحترفين كمان بس ده بأه هيكون بالتعاون مع ناس اكثر خبرة منى فى معلومات عن سمك معين و معلومات دقيقة لا يعرفها الا هم حيث ان الاسماك التى يربيها المحترفين غالية جدا و تحتاج معلومات دقيقة و خبره كبيرة فى التعامل معها ..كمثال فيه سمكة اسمها الديسكس و دى من احلى الاسماك النهرية و تنافس فى جمال الوانها الاسماك البحريه الواحده الصغيرة منها حجم 5 سنتى ب 60 جنيه و مش هتلاقي منها الصغير ده كتير فا لو عايزها هتلاقى منها الكبير الواحده حجم 10 سنتى و 12 سنتى الواحده ب 200 جنيه فما فوق و هذه السمكة نحاول جميعا ان نفرخها و كثير منا يفشل فى تفريخها حيث ان صغارها يحتاجون مياه فى منتهى النقاء و ده اللى متوفر فى الطبيعه و صعب تحقيقة فى حوض الا بتكاليف عالية عشان كده هى غالية جدااااا
ده غير عائلة السيكلد و دى منها انواع كتيييييير جدا و كلها الونها جميييييلة جدا بس فى نفس الوقت غالية جدااا و تحتاج برضه خبرة كبيرة و اهتمام عالى
انا عن نفسى مقدرش اربى الديسكس او السيكلد الا لما يكون عندى نوع فلتر معين و حجم حوض معين و خشب متحجر و نباتات كثيفة فى الحوض.. و حتى لو عندى ده كله اخاف اربيه لأنه غالى جدا و لو مات منى هزعل جدا
شكرا يا حبى على النصيحة الغالية دى اللى ادتنى دفعه قوية انى ابتدى اعمل حاجة هتفيد يمكن اكتر من 2 مليون هاوى

redtiger5000
02-09-2011, 02:55 AM
سلام عليكم
شكرا يا محمد اهتمامك ونصائحك بجد

أول حاجه بالنسبة للمواصفات اللي قولت عليها كلها للحوض والأسماك وأعدادها والنباتات انا سجلتها في ورقه وهاشوف الأمر ده بكرة بإذن الله

ثاني حاجه بقي أنا أصلا من دمياط فبالتالي أنا قدامي خيارات قليله وماعرفش غير محل اسماك الزينة اللي باشتري منه
هاحاول أعمل ناصحه عشان مايضحكش عليا بكرة وهاخد بالي من السمك اللي بيديهولي
هو عامة السمك عنده مش بيبقي فيه عيوب بس الأنواع قليله

ثالثا الراجل كان يقصد ان البلورة ممكن تاخد عدد كبير من الاسماك الصغيرة
بس انا لما حطيت الكوي مع التايجر وبقوا 5
رغم ان التايجر ماكانوش باينين بس البلورة دي كانت زحمة جداااااا وشكلها كان يخنق

بالنسبة للأسماك لو لقيت الانواع كلها عنده هاقوله علي الاعداد اللي قولتها بس أحدد له ذكور وإناث ولا مجرد عدد وبس ؟
ولو لقيت أنواع قليله ؟؟ يعني مثلا لو مش لقيت الا التايجر والسمك الصغير ؟؟ أجيب اعداد ايه ؟؟

انا هاحاول ارفع الصور دلوقتي ولما تشوفها ابقي أعرف رأيك
وشكرا مرة تانيه وتالته وعاشرة اكيد :) جزاك الله كل خير عن إفادتك

العفو و انا شاكر جدا على دعواتك ربنا يسمع منك و آمين يا رب...انا احترم الناس اللى زيك بجد
طب طالما طلعتى من دمياط انا هسأل ناس اصحابى يعرفوا اماكن فى دمياط فيها ناس احسن من المحل الصغير ده و هرد عليكى بكره بإذن الله بعد اما ارجع من الشغل يعنى على الساعه 5 المغرب كده
من حيث الذكور و الإناث هتجيبى من الجوبى 2 ذكور و 2 إناث رغم ان المفروض تبقى ذكر لكل 3 إناث و لكن بما ان الغرض الحالى المنظر الجميل مش التفريخ فا هنجيب عدد الذكور اد الإناث و لو جيبتى 3 ذكور و 2 انثى مفيش مشكلة الجوبى صغير اخره خاااااالص 10 سنتى و ده بعد سنتين
من السوردتيل هتجيبى 2 ذكر و 2 انثى
من المولى نفس النظام
من نوع اسمه بلاتى و ده الوانه جميلة برضه لو عايزة تجيبى منه هتجيبى ذكر و انثى حاليا
من الجرامى هتجيبى النوع الذهبى منه و لو مفيش الذهبى هاتى نوع اسمه الاوبالين و هو يشبه الجرامى الازرق جدا و لكن عموما الاتنين زى بعض فى اللون و لكن الاختلاف صعب حد يلاحظه الا الخبراء...عموما هتجيبى 2 ذكر و انثى من اى نوع جرامى يعجبك...فيه نوع احبذه ليكى اسمه دوارف جرامى الوانه جميلة جدا و حجمه صغير
و الانجل هاتى 2 حاليا مش مهم ذكر او انثى لآن الانجل او الاسماك البيوضة عامة بتبلغ بعد فترة طويلة و فى حالة الانجل بيبلغ بعد 6 او 9 شهور على حسب نوع التغذية
من حيث الاسعار
الانجل حجم صغير 4 سنتى مثلا بيعمل عندنا فى مصر الواحده ب2 جنيه و الحجم ال 10 سنتى الواحده ب 5 جنيه او 6 جنيه
السوردتيل حجم صغير 3 سنتى بيعمل خمسة و سبعين قرش و الكبير حجم 5 سنتى و 6 سنتى الواحده ب جنيه و نص الى 2 جنيه
البلاتى غالى شوية الحجم الصغير 3 سنتى ب جنيه و نص و الكبير حجم 4 سنتى و 5 سنتى ب 3 جنيه عشان الوانه حلوة و بيكبر ببطىء
الجرامى الصغير على حسب نوعه بأه شوفى انتى عايزة انهى نوع و انا اقولك السعر بس عموما الجرامى الازرق رخيص الصغير حجم 4 سنتى بيعمل الواحده ب 2 جنيه و الكبير حجم 10 سنتى الواحده ب 8 جنيه
الجوبى الصغير 3 سنتى الواحده بنص جنيه الى خمسة و سبعين قرش و الكبير حجم 5 سنتى كده الواحده بجنيه او جنيه و نص على حسب اذا كان مستورد المستورد الواحده ب 3 جنيه عشان الوانه فظيييييييعه و جمييييييييلة جداااا

lami-lo
02-09-2011, 03:25 AM
مممممم
طيب انا هانزل بكرة مؤقتا ابدل الكوي لو وافق واجيب بدالهم تايجر لغاية ما تسأل حد كويس أجيب منه
وبجد انا شاكرة تعبك معايا :)

بالنسبة للصور مش عرفت ارفعها من الجهاز نفسه
فهاسيب لينك لتدوينة كنت رفعت فيها صور للبلورة وفيها 2 تايجر و2 أنجل
http://3al-hamesh.blogspot.com/2011/01/blog-post.html

علي فكرة المحل اللي باشتري منه صغير بس قديم جدا
مش عارفه اسمه بس هو موجود أمام الشيال للأدوات الرياضيه عشان لو كلمت حد من أصحابك ابقي اسأله عنه

واضح إني هاقول شكرا كتير أوي
بس بجد انا سعيده لمساعدتك والمعلومات اللي باحصل عليها دي

عاشق الجنان
02-09-2011, 04:04 AM
شكرا يا حبى نورت الموضوع يا غالى
بص هو بالفعل فيه كتاب وحيد قديم جدا متداول فى الاسواق يتناول كل شىء عن اسماك الزينة يعنى انا مش اول واحد
بس تعرف ؟...الكتاب ده قديم جدا و معلوماته رغم انها مفيده للمبتدئين لكن معلومات قديمة لأن ظهر انواع اخرى من الاسماك لم يذكرها الكتاب و الصور اللى فيه مش ملونه
ده انا بكده بأه يمكن يكون انا اول واحد يعمل كتاب باللغة العربية حديث عن اسماك الزينة
طلعتها فى دماغى انت و الله هههههه...بس متخافش ليك نسبة من الارباح ههههههه
اوك ماشى هبتدى اعمل الكتاب و كل يوم هكتب منه على اد ما اقدر و على اد المعلومات اللى اعرفها و هى و الحمد لله معلومات غزيرة و قليل من الهواة من يعرف الخبايا اللى اعرفها فى اسماك الزينة و لله الحمد طبعا و ده مش غرور منى ولا حاجة انا بس بوضح للناس انى و لله الحمد قادر على عمل "كتاب" فى اسماك الزينة
و هعمل كتاب تانى للمحترفين كمان بس ده بأه هيكون بالتعاون مع ناس اكثر خبرة منى فى معلومات عن سمك معين و معلومات دقيقة لا يعرفها الا هم حيث ان الاسماك التى يربيها المحترفين غالية جدا و تحتاج معلومات دقيقة و خبره كبيرة فى التعامل معها ..كمثال فيه سمكة اسمها الديسكس و دى من احلى الاسماك النهرية و تنافس فى جمال الوانها الاسماك البحريه الواحده الصغيرة منها حجم 5 سنتى ب 60 جنيه و مش هتلاقي منها الصغير ده كتير فا لو عايزها هتلاقى منها الكبير الواحده حجم 10 سنتى و 12 سنتى الواحده ب 200 جنيه فما فوق و هذه السمكة نحاول جميعا ان نفرخها و كثير منا يفشل فى تفريخها حيث ان صغارها يحتاجون مياه فى منتهى النقاء و ده اللى متوفر فى الطبيعه و صعب تحقيقة فى حوض الا بتكاليف عالية عشان كده هى غالية جدااااا
ده غير عائلة السيكلد و دى منها انواع كتيييييير جدا و كلها الونها جميييييلة جدا بس فى نفس الوقت غالية جدااا و تحتاج برضه خبرة كبيرة و اهتمام عالى
انا عن نفسى مقدرش اربى الديسكس او السيكلد الا لما يكون عندى نوع فلتر معين و حجم حوض معين و خشب متحجر و نباتات كثيفة فى الحوض.. و حتى لو عندى ده كله اخاف اربيه لأنه غالى جدا و لو مات منى هزعل جدا
شكرا يا حبى على النصيحة الغالية دى اللى ادتنى دفعه قوية انى ابتدى اعمل حاجة هتفيد يمكن اكتر من 2 مليون هاوى

العفو ياحبي

وانا بصراحه كنت متابع الموضوع من بعيد لبعيد

وبصراحه لاحظت انه ماشاء الله عليك

لو جمعت كل الاسئلة دي واجوبتك عليها في كتاب
راح يخرج في قمة الروعه
للهاوين والمبتدئين في تربيه الاسماك

مثلاً يكون اسم الكتاب : سؤال وجواب في تربيه ومعرفة اسماك الزينه

لكن ياليت تسويها حتى ولو نسخه تجربيه على الانترنت فقط

يعني نسخه صغيره تشوف اقبال الناس عليها ثم تبدا بي تكبير مشروعك :) عن روية اقبال الناس على النسخه التجربيه


وربنا يوفقك في حياتك ودنياك واخرتك

والله يرزقك بنت الحلال الي تسعدك طول حياتك
والوظيفه الي تعيشك سعيد :)

ahmed.mousa
02-09-2011, 04:10 AM
العفو ياحبي

وانا بصراحه كنت متابع الموضوع من بعيد لبعيد

وبصراحه لاحظت انه ماشاء الله عليك

لو جمعت كل الاسئلة دي واجوبتك عليها في كتاب
راح يخرج في قمة الروعه
للهاوين والمبتدئين في تربيه الاسماك

مثلاً يكون اسم الكتاب : سؤال وجواب في تربيه ومعرفة اسماك الزينه

لكن ياليت تسويها حتى ولو نسخه تجربيه على الانترنت فقط

يعني نسخه صغيره تشوف اقبال الناس عليها ثم تبدا بي تكبير مشروعك :) عن روية اقبال الناس على النسخه التجربيه


وربنا يوفقك في حياتك ودنياك واخرتك

والله يرزقك بنت الحلال الي تسعدك طول حياتك
والوظيفه الي تعيشك سعيد :)



والله انا بحبك جدا ماشاء الله منتهى العقل والتواضع

redtiger5000
02-09-2011, 12:37 PM
والله انا بحبك جدا ماشاء الله منتهى العقل والتواضع

عشان كده انا بحبه و عشان كمان هو ملك المبادرات...يعنى مش بيتفرج و بس لأ بيقول رأيه و رأى يدفع للأمام كمان

العفو ياحبي

وانا بصراحه كنت متابع الموضوع من بعيد لبعيد

وبصراحه لاحظت انه ماشاء الله عليك

لو جمعت كل الاسئلة دي واجوبتك عليها في كتاب
راح يخرج في قمة الروعه
للهاوين والمبتدئين في تربيه الاسماك

مثلاً يكون اسم الكتاب : سؤال وجواب في تربيه ومعرفة اسماك الزينه

لكن ياليت تسويها حتى ولو نسخه تجربيه على الانترنت فقط

يعني نسخه صغيره تشوف اقبال الناس عليها ثم تبدا بي تكبير مشروعك :) عن روية اقبال الناس على النسخه التجربيه


وربنا يوفقك في حياتك ودنياك واخرتك

والله يرزقك بنت الحلال الي تسعدك طول حياتك
والوظيفه الي تعيشك سعيد :)

يا سلاااااااااام حلوين اوى الكام دعوه دول آمين آمين آمين ربنا يسمع منك ياااااااارب
ما هو ده اللى انا كنت ناوى اعمله انى اعمل نسخة تجريبية على النت و اشوف إقبال الناس عليها لو كويس هنزل بالكتاب و لو مش كويس يبقى خلاص و هعمل جزء فيها سؤال و جواب لكن مش كلها لأن فيه بعض المعلومات مش محتاجة سؤال لكن يجب ان يعرفها المربى بدون ما يسأل
بس اعتقد ان هيكون فيه اقبال كبير جدا لأن الكتب "العربى" فى الهواية دى قليلة جدا
مممممم
طيب انا هانزل بكرة مؤقتا ابدل الكوي لو وافق واجيب بدالهم تايجر لغاية ما تسأل حد كويس أجيب منه
وبجد انا شاكرة تعبك معايا :)

بالنسبة للصور مش عرفت ارفعها من الجهاز نفسه
فهاسيب لينك لتدوينة كنت رفعت فيها صور للبلورة وفيها 2 تايجر و2 أنجل
http://3al-hamesh.blogspot.com/2011/01/blog-post.html

علي فكرة المحل اللي باشتري منه صغير بس قديم جدا
مش عارفه اسمه بس هو موجود أمام الشيال للأدوات الرياضيه عشان لو كلمت حد من أصحابك ابقي اسأله عنه

واضح إني هاقول شكرا كتير أوي
بس بجد انا سعيده لمساعدتك والمعلومات اللي باحصل عليها دي

انا كنت متوقع ان تكون هى دى البلورة لأن نفس البلورة عند واحد صاحبى و مات منه سمك كتير جدا و ده بسبب ان المكان ضيق جدا يا دوب يشيل 3 سمكات مع بعض انا نصحته و هو جاب حوض دلوقتى و كله تمام عنده
و على فكرة دايما المحلات الصغيرة تبقى قديمة و اغلب المحلات الصغيرة قديمة و ده يدل على ان صاحبها غير مهتم هو بس عايز يبيع و السلام
و انا كمان متشكر لك جدا و سعيد بأسألتك لأنك كل ما تسألى كل ما اعرف افيدك اكتر و السمك مش يموت منك ولا يمرض حتى بإذن الله

redtiger5000
02-09-2011, 04:47 PM
بصى يا ستى...بعد ما سألت عرفت ان مفيش فى دمايط كلها غير خمس محلات و ده كلام اللى قاللى الاماكن و هما كالآتى :-
واحد ورا العسكريه ف سور الاستاد و ده اسمه عبد الرحمن وده على فكرة ممكن تلاقى عنده اشكال و انواع مش موجوده كتير فى السوق يعنى عنده الاوسكار و السيكيلد وانواع كتير بس هو ممكن يكون غالى شويه

والتانى عند المحكمه القديمه قدام مصنع الغزل فدام بوابه الزخرفيه على طول و ده عنده انواع اكتر واشكال خرافه و كل الانواع اللى ممكن متلاقيهاش فى السوق بس برضوا اغلى شويه و فى الانواع الغريبه اغلى شويتين

و التالت ده بقى موجود عند قهوه المطرى لو دخلت من جنبها و بقت على شمالك هتلاقيه فى الشارع ده لقدام شويه على الشمال بس اخر مرة روحت هناك كان عدد الاسماك قليل اوى اوى

و الرابع و الخامس محلين فقط في سوق الحسبه واحد اسمه شريف فى سوق الحسبة بجوار مكتبة القدس و التانى اسمه "الموجي دولفين" ميدان سوق الحسبة بجوار صيدلية والى بس شريف احسن و ارخص

شوفى انتى بأه ايه الاقرب ليكى و الاحسن و روحى اشترى منه

lami-lo
02-10-2011, 06:38 PM
سلام عليكم

أنا نزلت فعلا النهارده
المحل اللي باشتري منه هو شريف
وبدلت عنده الكوي وجبت 3 مولي أبيض و2 جورامي لونهم فيه برتقالي كده وصغيرين
باع لي المولي ب2 جنيه الواحده والجورامي اداهالي ب 7 الواحده
قولتله الاسعار كده غاليه قاللي انها دي الأسعار المعروفه فمش جادلت معاه
وكان عنده أوسكار الواحده ب 30 مش عارفه دي كده أسعار معقوله ولا إيه

وسألته عن الحوض ال60 سم قاللي ب 120 وشكله مش حلو تقفيله
وسألته علي حوض صيني غالبا الواجهة بتاعته زجاج بلاستيك وليه غطا أسود وحجمه صغير قاللي 300

لو ده بقي أحسن وأرخص هلاقي **** العسكرية والزخرفيه أحوالهم إيه ؟؟ :)

ياريت لما تشوف الرد ده عرفني أشتري ايه ولو الاسعار كده كبيرة
انا متهيألي كده ان كل حاجه مضروبة في 2 أو 3

lami-lo
02-11-2011, 12:05 AM
المولي بتنقر الجورامي من ساعة ماجبتهم
في سبب لده ؟؟ وأتصرف ازاي ؟؟

redtiger5000
02-11-2011, 12:21 AM
سلام عليكم

أنا نزلت فعلا النهارده
المحل اللي باشتري منه هو شريف
وبدلت عنده الكوي وجبت 3 مولي أبيض و2 جورامي لونهم فيه برتقالي كده وصغيرين
باع لي المولي ب2 جنيه الواحده والجورامي اداهالي ب 7 الواحده
قولتله الاسعار كده غاليه قاللي انها دي الأسعار المعروفه فمش جادلت معاه
وكان عنده أوسكار الواحده ب 30 مش عارفه دي كده أسعار معقوله ولا إيه

وسألته عن الحوض ال60 سم قاللي ب 120 وشكله مش حلو تقفيله
وسألته علي حوض صيني غالبا الواجهة بتاعته زجاج بلاستيك وليه غطا أسود وحجمه صغير قاللي 300

لو ده بقي أحسن وأرخص هلاقي **** العسكرية والزخرفيه أحوالهم إيه ؟؟ :)

ياريت لما تشوف الرد ده عرفني أشتري ايه ولو الاسعار كده كبيرة
انا متهيألي كده ان كل حاجه مضروبة في 2 أو 3
المولى سعره معقول و اذا كان ان المفروض يكون سعره جنيه و نص ده لو حجم كبير يعنى 4 سنتى او 5 سنتى
و الجرامى لو كبير حجم 6 سنتى او 7 سنتى يبقى ده سعره مظبوط كده لكن لو حجم صغير 4 سنتى و بالسعر ده يبقى الراجل ده نصاب...الحجم الصغير من الجرامى الذهبى اللى انت اشترتيه ده ب 3 جنيه اخره خالص
الاوسكار معروف عنه انه غالى لأنه من فصيلة السيكلد و الفصيلة دى كلها غالية و محتاجة خبره و رعاية و اهتمام و مش بتعيش الا مع فصيلتها من السيكلد عشان دى سمكة شرسة و فيه فرق بين السمكة الشرسة و السمكة العصبية...الزيبرا و التايجر عصبى لكن الاوسكار و بعض من فصيلة السيكلد شرس....
الحوض ال 60 سنتى غالى جدااااااا ...الحوض ال 60 سنتى بيعمل اخره خااااااالص 70 جنيه
اما الاحواض الصينى البلاستيك فا بلاش منها عشان بمرور الوقت مش هتشوفى السمك فى الحوض لأن البلاستيك سهل الخدش
و انصحك تشوفى باقى الناس اللى قلت لك عليهم ...و انت هتعرفى المحل الكويس من الوحش لأنك هتلاقى شكل المحل نضيف و واسع و كده و مش كل كلام البياعين تسمعيه لأن نص كلامهم نصب عشان يبيع و السلام

lami-lo
02-11-2011, 12:31 AM
المولي حوالي 3 سم
والجورامي صغيرة حوالي 3 او 4 سم

وبعدين باين من الاسعار اللي قالها يعني انه كل حاجه مضروبة ×2

هاشوف باقي الأماكن لما انزل تاني
بس دلوقتي مشكلة المولي مع الجورامي
بينقره طول الوقت ومش عارفة السبب

redtiger5000
02-11-2011, 12:47 AM
المولي بتنقر الجورامي من ساعة ماجبتهم
في سبب لده ؟؟ وأتصرف ازاي ؟؟
عادى عادى ....يومين تلاتة و هتلاقيهم خدوا على بعض...انتى بس اديهم بروتين عشان محدش ينقر فى حد بعد كده...البروتين هو الدود..انا عارف انك هتقرفى من الموضوع ده لكن الموضوع ده مرة واحده بس فى الاسبوع...جيبلهم بجنيه دود و حطى كمية صغيرة على ادهم...هتلاقى البلورة او الحوض اتعكر شوية و ده مؤقت بس و هيرجع الحوض نضيف تانى بعد ساعتين او تلاتة..اهتمى جدا بالمسألة دى لأن نقص البروتين فى السمك بيخلى مناعته ضعيفة و بيهاجموا المرض و بيموت
و حاجة كمان...احرصى انك تجيبى اكل مستورد عشان النوع المصرى يا اما بيموت السمك يا اما مش بيفيد السمك و هتلاقى لون السمك اصبح باهت
الاكل المستورد هما شركتين حاجة اسمها تيترا و حاجة اسمها سيرا...انا عارف انه غالى شوية العلبة المتوسطة ب 25 جنيه و ب 30 جنيه بس العلبة بتفضل معاكى اكتر من شهر لو على عشرين سمكة
احرصى دايما على الاكل المستورد و هتلاقى نتيجة مختلفة تماما و السمكة نشيط و الوانه زاهيه
المولي حوالي 3 سم
والجورامي صغيرة حوالي 3 او 4 سم

وبعدين باين من الاسعار اللي قالها يعني انه كل حاجه مضروبة ×2

هاشوف باقي الأماكن لما انزل تاني
بس دلوقتي مشكلة المولي مع الجورامي
بينقره طول الوقت ومش عارفة السبب
اه فعلا الاسعار غالية جدا
المولى ال 3 سنتى ده بيعمل جنيه واحد
و الجرامى الصغير ده بيعمل 2 جنيه او 2 و نص اخره خالص
بعد كده متشتريش من الراجل ده حاجة تانى و ابقى اشترى من حد نضيف...لو ليكى قرايب فى القاهرة انزلى القاهرة و زورى قرايبك.. و انا هوريكى انضف و احسن محل سمك فى جمهورية مصر العربية...المعلم انطون عزيز...فى رمسيس..محلين هما...الراجل ده أسألى اى حد عليه هيقولك ده ملك اسماك الزينة انا ذات نفسى بروح عنده بنبهر و اندهش و ابقى عايش فى عالم من الاحلام من جمال السمك عنده...هو اه غالى شويتين تلاتة لكن بصراحة السمك يستحق السعر...لأن السمك الوانه زاهيه جدا و كل سمكه مستورد مفيش مصرى الا قليل اوى
و سبب نقر المولى فى الجرامى هو ان المولى مش اكل بروتين كويس و كمان لسه السمك منسجمش مع بعضه...اكليهم اكلة الدود اللى قلت لك عليها دى و كله هيبقى تمام...

redtiger5000
02-11-2011, 12:49 AM
اه نسيت اقولك...او يمكن انتى تكونى عارفه المعلومة دى بس لازم اقولك لحسن تكونى مش عارفه
لما تيجى تحطى سمك جديد فى الحوض حطى الكيس و هو مقفول فى الحوض لمدة عشر دقايق و بعدين خدى شوية مياه صغيرين و حطيهم جوه الكيس و شوية صغيرة كده و انقلى السمك من الكيس الى الحوض
و ده عشان اختلاف درجة حرارة مياه الكيس عن الحوض و احنا بنعمل كده عشان درجة حرارة المياه اللى فى الكيس تبقى زى درجة حرارة الماء اللى فى الحوض

lami-lo
02-11-2011, 01:00 AM
انا فاهمه موضوع النقل من الكيس للحوض

بس مشكله موضوع الديدان ده
مش حكاية قرف يعني
بس مش هاعرف

طيب ممكن بيض وسبانخ ؟؟؟
أي بروتين تاني غير الدود لأني كده ممكن أنطرد من البيت أنا والسمك
شوف حل تاني من فضلك

أكيد هاشوف المحلات التانيه ومش هاجيب حاجه من عند شريف الا لما ابقي أشوف باقي الناس

للأسف مش عندي قرايب في القاهرة
فهاضطر أتعامل مع الناس اللي هنا

هو الحوض ممكن أخلي حد **** زجاج يعمله بدل ما اشتريه جاهز وغالي وشكله مش حلو خالص ؟؟؟

redtiger5000
02-11-2011, 03:26 AM
انا فاهمه موضوع النقل من الكيس للحوض

بس مشكله موضوع الديدان ده
مش حكاية قرف يعني
بس مش هاعرف

طيب ممكن بيض وسبانخ ؟؟؟
أي بروتين تاني غير الدود لأني كده ممكن أنطرد من البيت أنا والسمك
شوف حل تاني من فضلك

أكيد هاشوف المحلات التانيه ومش هاجيب حاجه من عند شريف الا لما ابقي أشوف باقي الناس

للأسف مش عندي قرايب في القاهرة
فهاضطر أتعامل مع الناس اللي هنا

هو الحوض ممكن أخلي حد **** زجاج يعمله بدل ما اشتريه جاهز وغالي وشكله مش حلو خالص ؟؟؟

بالنسبة للبروتين البديل ماشى مفيش مشكلة اسلقى سبانخ و قطعيه صغير كويس اوى و اديه للسمك او صفار بيض و اسلقيه و حطى كمية صغيره منه كل اسبوع مرة و فيه بروتين تانى حلو اوى اوى اوى و مفيد جدا...الجمبرى...فيه اكياس جمبرى مجفف بيتباع و لو مش لقيتيه ابقى جيبى و لو حتى جمبريايا واحده و افرميها فى المفرمة كويس جدا و اديها للسمك او ممكن تقطعيها بالسكينة حتت صغيرة اوى اوى و تديها للسمك برضه مرة كل اسوبع و يحبذ مرتين
كل دى بائل نضيفة و جميلة و مفيده و ابقى نوعى...يعنى اسبوع صفار بيض و اسبوع جمبرى و اسبوع سبانخ و هكذا
بالنسبة للحوض اه طبعا بتـاع الزجاج ممكن يعمله و هتلاقيه بإذن الله ارخص من المحلات...اعمليه 60*40*30 دى المقاسات المثالية

SheToSs
02-12-2011, 03:24 AM
محمد اوعي تنزل الكتاب علي النت الاول

هيتسرق اعمله علي طول و انا واثق انه هينجح جامد و هيبقي عليه اقبال جااااااااامد اوووي

و ربنا يوفقك


و بجد فكرة جميلة جدا
و لو الكتاب ده نزل
انا هبقي من اوائل الناس اللي هتشترية

و يارب دائما تفيد الناس كده


و انت بقي اللي دخلتها في دماغي اوي
اروح اشوف محلات انطون عزيز
هههههههههههههههههههههههههههه


ربنا معاك و يوفقك دائما

redtiger5000
02-12-2011, 04:30 PM
محمد اوعي تنزل الكتاب علي النت الاول

هيتسرق اعمله علي طول و انا واثق انه هينجح جامد و هيبقي عليه اقبال جااااااااامد اوووي

و ربنا يوفقك


و بجد فكرة جميلة جدا
و لو الكتاب ده نزل
انا هبقي من اوائل الناس اللي هتشترية

و يارب دائما تفيد الناس كده


و انت بقي اللي دخلتها في دماغي اوي
اروح اشوف محلات انطون عزيز
هههههههههههههههههههههههههههه


ربنا معاك و يوفقك دائما
اه ما انا عارف انه هيتسرق انا هعرضه على اصحابى الاول و المختصين و بعدين انزله فعلا فكرة جامده جداااااا
اه روح شوف محلات انطون عزيز بجد الراجل ده ملوووووووووش حل...هتروح هناك هتسرح فى جمال السمك بس خد بالك هو غالى حبتين تلاتة و مفيش فصال بس بصراحة السمك يستحق السعر

SheToSs
02-12-2011, 09:53 PM
اه ما انا عارف انه هيتسرق انا هعرضه على اصحابى الاول و المختصين و بعدين انزله فعلا فكرة جامده جداااااا
اه روح شوف محلات انطون عزيز بجد الراجل ده ملوووووووووش حل...هتروح هناك هتسرح فى جمال السمك بس خد بالك هو غالى حبتين تلاتة و مفيش فصال بس بصراحة السمك يستحق السعر



انا مش هشتري

انا هروح اتفرج بس
و كمان انا عايز اعرف هو فين بالظبط

redtiger5000
02-12-2011, 11:11 PM
انا مش هشتري

انا هروح اتفرج بس
و كمان انا عايز اعرف هو فين بالظبط

191 شارع رمسيس هو بين رمسيس و غمرة...هتلاقيه بعد محلات خشب المامبو بشوية كده...هى حته مشى 5 دقايق كده

molly18
03-05-2011, 09:23 PM
السلام عليكم
انا عضوة جديدة فى المنتدى يمكن الموضوع ده هو اللى شجعنى اشترك عشان حاسة انى هتستفيد فيه باذن الله بعد ما دوخت و دورت كتير على النت
و انا محتاجة اوى اسال عن استفسارات كتير عن سمك الزينة بصراحة
اولا انا مش جديدة فى موضوع السمك بس بعتبر نفسى لسا مبتدئة
من حوالى سنة جبت بلورة صغيرة كده و حطيت فيها اربعة جرامى 2 ذكر و 2 اثنى قولت اجرب فيهم
و لو لقيت نفسى مش عارفة اتعامل معاهم خلاص ما جبش تانى و اخلص الموضوع على كده المهم واحدة منهم ماتت بعد مدة مش قليلة و التانية ماتت بعدها باقى اتنين منهم غالبا ذكر و انثى
لقيتهم عاشوا معايا فترة كويسة جداا بالنسبة لى متوقعتش يعيشوا الفترة دى كلها كنت بقول اسبوع بالكثير و يموتوا بس عاشوا حوالى يمكن 6 شهور مش عارفة بالظبط و بعد كده ماتوا بصراحة عشان مش مهتمة بيهم اوى و مش بغير المية كتير
المهم لسا جايبة حوض تانى جاهز و اكبر معاه مضخة و فلتر و اضاءة كل ده متغطى بغطا بلاستيك من فوق
الاضاءة بتتوصل بالكهرباء لوحدها و المضخة و الفلتر وصلة تانية ليهم بالكهرباء
الحوص عرضه 37
و العمق 25
و الارتفاع 42
جبت 2 جرامى لونهم رمادى ذكر و انثى
و 4 كمان بصراحة معرفش انواعهم
واحدة لونها برتقالى فى اسود
و التانية لونها برتقالى و فيها كان بقعة سوداء من فوق
و التالتة لونهم فضى على برتقالى و اسود
و الرابعة نفس الوان التالتة
بس الفرق بينهم ان فى واحدة اطول من التانية و ارفع
فعايزة اسال كام سؤال كده و يارب الاقى اجابة عليهم
1 ) ايه انواع الاربع سمكات ؟
2 ) و ازاى اعرف الفرق بين الذكر و الانثى فى الاربع انواع و برده فى الجرامى ؟
3 ) الاضاءة و المضخة فى الحوض يفضلوا مولعين على طول ولا اسيبها اد ايه ؟
بس دى الاسئلة اللى على بالى حاليا
ياريت الاقى رد على الاسئلة دى و يارب ما اكونش تعبتكم بيها
و شكرا مقدما

redtiger5000
03-08-2011, 04:36 PM
السلام عليكم
انا عضوة جديدة فى المنتدى يمكن الموضوع ده هو اللى شجعنى اشترك عشان حاسة انى هتستفيد فيه باذن الله بعد ما دوخت و دورت كتير على النت
و انا محتاجة اوى اسال عن استفسارات كتير عن سمك الزينة بصراحة
اولا انا مش جديدة فى موضوع السمك بس بعتبر نفسى لسا مبتدئة
من حوالى سنة جبت بلورة صغيرة كده و حطيت فيها اربعة جرامى 2 ذكر و 2 اثنى قولت اجرب فيهم
و لو لقيت نفسى مش عارفة اتعامل معاهم خلاص ما جبش تانى و اخلص الموضوع على كده المهم واحدة منهم ماتت بعد مدة مش قليلة و التانية ماتت بعدها باقى اتنين منهم غالبا ذكر و انثى
لقيتهم عاشوا معايا فترة كويسة جداا بالنسبة لى متوقعتش يعيشوا الفترة دى كلها كنت بقول اسبوع بالكثير و يموتوا بس عاشوا حوالى يمكن 6 شهور مش عارفة بالظبط و بعد كده ماتوا بصراحة عشان مش مهتمة بيهم اوى و مش بغير المية كتير
المهم لسا جايبة حوض تانى جاهز و اكبر معاه مضخة و فلتر و اضاءة كل ده متغطى بغطا بلاستيك من فوق
الاضاءة بتتوصل بالكهرباء لوحدها و المضخة و الفلتر وصلة تانية ليهم بالكهرباء
الحوص عرضه 37
و العمق 25
و الارتفاع 42
جبت 2 جرامى لونهم رمادى ذكر و انثى
و 4 كمان بصراحة معرفش انواعهم
واحدة لونها برتقالى فى اسود
و التانية لونها برتقالى و فيها كان بقعة سوداء من فوق
و التالتة لونهم فضى على برتقالى و اسود
و الرابعة نفس الوان التالتة
بس الفرق بينهم ان فى واحدة اطول من التانية و ارفع
فعايزة اسال كام سؤال كده و يارب الاقى اجابة عليهم
1 ) ايه انواع الاربع سمكات ؟
2 ) و ازاى اعرف الفرق بين الذكر و الانثى فى الاربع انواع و برده فى الجرامى ؟
3 ) الاضاءة و المضخة فى الحوض يفضلوا مولعين على طول ولا اسيبها اد ايه ؟
بس دى الاسئلة اللى على بالى حاليا
ياريت الاقى رد على الاسئلة دى و يارب ما اكونش تعبتكم بيها
و شكرا مقدما



اولا اهلا و مرحبا بيكى معانا وسط اخواتك و اصحابك و بإّن الله هتلاقى هنا كل متعه و استفادة
ثانيا مبــــروك الحوض الجديد و لو انى احبذ انه يكون اكبر من كده شوية يعنى على الاقل 50 سنتى
ثالثا..نوع الاربع سمكات مقدرش اعرفه الا لما ترفعيلى صورة ليهم
رابعا التفريق بين الذكر و الانثى فى الجرامى ان الذكر بيبقى زعنفته الظهرية مدببة و طويلة شوية عن الانثى لكن الانثى زعنفتها الظهرية دائرية عند حافتها و كمان الذكر الوانه اوضح من الانثى و لكن فيه انواع مش بيتعرف من اللون فا انتى خليكى على الزعنفة الظهرية...و مقدرش اعرف التفريق بين الذكر و الانثى فى باقى انواع سمكك عشان معرفش نوعهم
خامسا..الاضائة 8 ساعات بس فى اليوم و المضخة سيبيها على طول و ممكن ما بين كل حين و حين كده تطفيها شوية كده اد ربع ساعه و تشغليها تانى بس هى مصممة انها تشتغل على طول بدون توقف...انا عن نفسى عندى مضخة هواء شغالى متواصل بقالها اكتر من 3 شهور اهو و محصلهاش حاجة
و مفيش تعب ولا حاجة يا اخت مولى انا بسعد لما اساعد اى حد فى المجال ده لأنى بحب السمك جدااا ...نورتينا

redtiger5000
03-08-2011, 04:41 PM
و خدى بالك...تغيير ربع المياه الحوض كل 3 ايام
و الاكل يكون مرة الصبح و و مرة بليل كمية تكفى انهم يخلصوها خلال 5 دقايق
و يكون عندك سمكتين و يحبذ 3 من نوع اسمه كات فيش عشان ده اللى بينضف الارض

redtiger5000
03-09-2011, 12:29 AM
انا عارف ردى جه متأخر بس اعمل ايه مشاغل بأه

molly18
03-10-2011, 02:14 AM
اولا اهلا و مرحبا بيكى معانا وسط اخواتك و اصحابك و بإّن الله هتلاقى هنا كل متعه و استفادة
ثانيا مبــــروك الحوض الجديد و لو انى احبذ انه يكون اكبر من كده شوية يعنى على الاقل 50 سنتى
ثالثا..نوع الاربع سمكات مقدرش اعرفه الا لما ترفعيلى صورة ليهم
رابعا التفريق بين الذكر و الانثى فى الجرامى ان الذكر بيبقى زعنفته الظهرية مدببة و طويلة شوية عن الانثى لكن الانثى زعنفتها الظهرية دائرية عند حافتها و كمان الذكر الوانه اوضح من الانثى و لكن فيه انواع مش بيتعرف من اللون فا انتى خليكى على الزعنفة الظهرية...و مقدرش اعرف التفريق بين الذكر و الانثى فى باقى انواع سمكك عشان معرفش نوعهم
خامسا..الاضائة 8 ساعات بس فى اليوم و المضخة سيبيها على طول و ممكن ما بين كل حين و حين كده تطفيها شوية كده اد ربع ساعه و تشغليها تانى بس هى مصممة انها تشتغل على طول بدون توقف...انا عن نفسى عندى مضخة هواء شغالى متواصل بقالها اكتر من 3 شهور اهو و محصلهاش حاجة
و مفيش تعب ولا حاجة يا اخت مولى انا بسعد لما اساعد اى حد فى المجال ده لأنى بحب السمك جدااا ...نورتينا


متشكرة جداا جداا على ترحيبك و ردك و اهتمامك
و على المعلومات اللى قولتهالى


الله يبارك فيك
انا عارفة ان الحوض كل ما يكبر كل ما يبقا احسن بس هعمل ايه ده الحجم اللى كنت عاوزه
بالنسبة لثالثا يعنى كده الذكر زعنتفه الظهرية مدية على شكل قوس كده شويا صح ؟؟
و نقطة خامسا الحمد لله انا بعمل زى ما قولت حبيت اتاكد بس

و دى صورة الاربع سمكات اللى مش عارفة انواعهم ف بالتالى مش عارفة الاقى معلومات عنهم


http://i639.photobucket.com/albums/uu114/Mo000olly/Picture074.jpg

انا بلاحظ انهم تقريبا على طول فى القاع هو طبيعتم كده ولا فى حاجة ؟؟
و كمان لما اجى احط اكل الراجل ادانى علبتين علبة فيها حبوب صغيرة اوى و مدورة الونها احمر و اخضر اسمها
rose
floating type

و التانية قالى ده مستورد اسمه
original
super vitamin basic
انا بصراحة بطلت احط من الاول لانه مش بيغطس فى القاع بيفضل على السطح و بيعدى اكتر من خمس دقايق فا بشيله و السمك مش شايفه اصلا
ده غير انه معتقدش انه هيشبعهم
ايه رايك اخليه ياكل من النوع التانى بس ولا اعمل ايه؟؟


و خدى بالك...تغيير ربع المياه الحوض كل 3 ايام
و الاكل يكون مرة الصبح و و مرة بليل كمية تكفى انهم يخلصوها خلال 5 دقايق
و يكون عندك سمكتين و يحبذ 3 من نوع اسمه كات فيش عشان ده اللى بينضف الارض

اوكى
طيب الكات فيش بياكل عادى من اكل السمك ؟؟
ولا بيتغذى على اللى فى الارض وخلاص
انا ملاحظة ان الارض مش عليها حاجة نضيفة يعنى


انا عارف ردى جه متأخر بس اعمل ايه مشاغل بأه

لا والله ردك مش متاخر خالص بالعكس تشكر اوى على الرد

redtiger5000
03-10-2011, 02:48 PM
متشكرة جداا جداا على ترحيبك و ردك و اهتمامك
و على المعلومات اللى قولتهالى


الله يبارك فيك
انا عارفة ان الحوض كل ما يكبر كل ما يبقا احسن بس هعمل ايه ده الحجم اللى كنت عاوزه
بالنسبة لثالثا يعنى كده الذكر زعنتفه الظهرية مدية على شكل قوس كده شويا صح ؟؟
و نقطة خامسا الحمد لله انا بعمل زى ما قولت حبيت اتاكد بس

و دى صورة الاربع سمكات اللى مش عارفة انواعهم ف بالتالى مش عارفة الاقى معلومات عنهم


http://i639.photobucket.com/albums/uu114/Mo000olly/Picture074.jpg

انا بلاحظ انهم تقريبا على طول فى القاع هو طبيعتم كده ولا فى حاجة ؟؟
و كمان لما اجى احط اكل الراجل ادانى علبتين علبة فيها حبوب صغيرة اوى و مدورة الونها احمر و اخضر اسمها
rose
floating type

و التانية قالى ده مستورد اسمه
original
super vitamin basic
انا بصراحة بطلت احط من الاول لانه مش بيغطس فى القاع بيفضل على السطح و بيعدى اكتر من خمس دقايق فا بشيله و السمك مش شايفه اصلا
ده غير انه معتقدش انه هيشبعهم
ايه رايك اخليه ياكل من النوع التانى بس ولا اعمل ايه؟؟




اوكى
طيب الكات فيش بياكل عادى من اكل السمك ؟؟
ولا بيتغذى على اللى فى الارض وخلاص
انا ملاحظة ان الارض مش عليها حاجة نضيفة يعنى




لا والله ردك مش متاخر خالص بالعكس تشكر اوى على الرد

السمك ده اسمه شبينكن اورندا...و ده لأنه خليط ما بين الاورندا و الشبينكن
بخصوص ان السمك دايما فى الارض ده نتيجة حاجات كتير..منها ان الحوض مش يكون نضيف و بما ان الحوض نضيف زى ما انا شايف يبقى انتى شكلك حطيتى السمك على طول و ده غلط..المفروض تحطى مزيل كلور الاول و بعدها بساعتين تحطى السمك و مش تحطى السمك على طول برضه لأ...و هو السمك فى الكيس تحطى الكيس فوق المياه و تسيبيه 10 دقايق و بعدين تحطى السمك فى الحوض...اما لو مش عايزة تحطى مزيل كلور يبقى تسيبى المياه 24 ساعه و بعدين تحطى السمك
بالنسبة للكات فيش...اه بياكل اكل السمك العادى اللى بيقع من السمك على الارض و السمك مش بيشوفه و هو بيشوف الاكل اللى انتى مش بتشوفيه و بياكله و اساسا السمك عموما ممكن يفضل من غير اكل لمدة خمس ايام
super vitamin basic ده فيتامينات للسمك و ده تحطى منه مرة فى الاسبوع
original انا معرفش الماركة دى و لكن اللى اعرفه و مضمون و من شركة محترمة هما شركة Sera او شركة tetra الشركتين دول التوب
و السمك ده بياكل الحبوب الملونة اللى عندك لكن مش تحطى كتير و يحبذ انك تجيبى اكل القشر و برضه مش تحطى كتير و اساسا الواحد ميقدرش يعرف اذا كان السمك شبع ولا لأ انتى بس تحطى الكمية اللى انتى شايفه انها تشبعه او اللى يخلصها خلال 5 دقايق
الانواع الىل عندك فى الحوض دى حاولى تبيعيها او تغيريها لأنها بترمى فضلات كتير فى الحوض و محتاجه حوض على الاقل 70 سنتى عشان تعيش فيه
و تجيبى الانواع دى
الانجل
مع الجرامى مع الجوبى مع سلفر شارك مع رينبو شارك
هاتى مثلا 2 جرامى نوع اسمه بيرل جرامى او نوع تانى اسمه الجرامى الذهبى هتلاقى لونه اصفر لكن احنا بنقول عليه الجرامى الذهبى
و 5 جوبى
و 2 انجل و 2 سلفر شارك
لكن كده الحوض عندك هيتوسخ بسرعه
و الفلتر هاتى الفلتر الاسفنجى مش الفلتر الركن لأ...هاتى الفلتر الاسفنجى
معلش مردتش عليك امبارح اصل كنت بكلم ناس كتير اوى

redtiger5000
03-10-2011, 02:51 PM
اه و السمك ده بيبلغ بعد سنة يعنى متقدريش تعرفى الذكر من الانثى الا بعد سنة او 8 شهور على الاقل
الانثى بتبقى بطنها منفوخة اوى و الذكر لأ و هتلاقى الذكر بيجرى دايما ورا الانثى لو الانثى بطنها مليانة بيض و ردجة الحرارة فوق ال 25
و نصيحة...لما تيجى تشترى السمك اشترى السمك حطى ايدك فوق الحوض و السمك اللى يطلع لفوق عشان ياكل هو ده السمك اللى صحته جيده و كمان تبصى على عيون السمك و جسمه لو لقيتى اى بقع بيضا زى القطن كده يبقى اوعى تشتريها و لقيتى على جسمها بقع حمراء اكنها ملتهبة كده يبقى برضه اوعى تشتريها

S656
03-10-2011, 04:37 PM
حلووووووو وفي التقدم ان شاء الله

redtiger5000
03-10-2011, 04:51 PM
حلووووووو وفي التقدم ان شاء الله

منور يا غالى
متشكر اوى و على فكرة انا كمان بحب ناروتو

molly18
03-11-2011, 01:09 AM
اوكى ان شاء الله
و مرسى جداا جداا ليك

redtiger5000
03-11-2011, 04:15 AM
اوكى ان شاء الله
و مرسى جداا جداا ليك

العفو ده اقل واجب

EgY|ErroR
04-11-2011, 07:26 PM
البوب الكبير
الموضوع فوق التحفه بصراحه وانا تابعته مؤخرا لاني مكانش عندي حوض
وانا بوضب شقتي قبل الجواز كنت ناوي اعمل حوض سمك بس الظروف لم تسمح
بص يا سيدي انا دلوقتي ان شاء الله هعمل حوض سمك جوه حيطه بين غرفتين
طبعا هيكون بارز من الجهتين لان الحيطه سمكها قليل
المهم زوج اختي عند حوض 75*50*40 ال50 ده الارتفاع ايه رأيك المقاسات دي كويسه ؟

ثانيا انا معايا 300 او ممكن يزيدو كمان وعايز منك تشكيله اسماك كويسه لاني بصراحه مش بفهم فيهم
وتقولي احط خشب حجري ولا لاء واحط نباتات ولا لاء والمكرونه افضل ولا الجرانيت ؟
ولو هحط نباتات ايه افضل حاجة بالاسم عشان معرفش

والميزانيه دي شامله كل حاجة وزي ماقولتلك ممكن تزيد على حسب تكلفه الحيطه :)

وياريت تفهمني ايه موضوع التفريغ عشان عايز ادخل فيه مش عايزه منظر وبس عايز احس ان فيه حياه جديده بتتم اجيال وكده واهجن
الغرض مش التجاره الغرض اهادي بيه حد ابدله من البياع كده يعني احس اني عملت حاجه

طبعا ده غير المتعه نفسها

معلش طولت عليك بس لأني اجهل الموضوع ده وبحب الاسماك من زمان

سلام يا كبير

redtiger5000
04-11-2011, 10:31 PM
البوب الكبير
الموضوع فوق التحفه بصراحه وانا تابعته مؤخرا لاني مكانش عندي حوض
وانا بوضب شقتي قبل الجواز كنت ناوي اعمل حوض سمك بس الظروف لم تسمح
بص يا سيدي انا دلوقتي ان شاء الله هعمل حوض سمك جوه حيطه بين غرفتين
طبعا هيكون بارز من الجهتين لان الحيطه سمكها قليل
المهم زوج اختي عند حوض 75*50*40 ال50 ده الارتفاع ايه رأيك المقاسات دي كويسه ؟

ثانيا انا معايا 300 او ممكن يزيدو كمان وعايز منك تشكيله اسماك كويسه لاني بصراحه مش بفهم فيهم
وتقولي احط خشب حجري ولا لاء واحط نباتات ولا لاء والمكرونه افضل ولا الجرانيت ؟
ولو هحط نباتات ايه افضل حاجة بالاسم عشان معرفش

والميزانيه دي شامله كل حاجة وزي ماقولتلك ممكن تزيد على حسب تكلفه الحيطه :)

وياريت تفهمني ايه موضوع التفريغ عشان عايز ادخل فيه مش عايزه منظر وبس عايز احس ان فيه حياه جديده بتتم اجيال وكده واهجن
الغرض مش التجاره الغرض اهادي بيه حد ابدله من البياع كده يعني احس اني عملت حاجه

طبعا ده غير المتعه نفسها

معلش طولت عليك بس لأني اجهل الموضوع ده وبحب الاسماك من زمان

سلام يا كبير

اولا انت شرفت موضوعى و الموضوع احلو بيك و طبعا بكل الاعضاء الحلوين...و انت الكبير مش انا
ثانيا عادى يا حبى كلنا كنا جهله فى الموضوع ده و أسألتنا كتير و ده طبيعى و أسأل زى ما انت عايز حتى لو خلصت ال 10 الاف كلمة أسألة بس هجاوبك بإذن الله
بص يا سيدى...300 جنيه كويس جدا جدا فى الموضوع ده..

http://center.jeddahbikers.com/uploads/jb13025489761.jpg (http://www.jeddahbikers.com/)

لو الارتفاع هو اللى اقصده ده يبقى كويس لكن لو كان التانى يبقى مش كويس

بس بص طالما هتعمل حوض فى الحيطة يبقى تجيبه متر..متر *40*50 الارتفاع 40 "الارتفاع اللى اقصده"
هو ده الحجم المناسب.. بس التانى كويس برضه بس انا بقلك الاحسن للمنظر العام يكون ايه

المهم...هتجيب غطاء للحوض..هتعمله عمولة طبعا بس حاول تفاصل عشان هما بيغلوا السعر اوى...
هتحط فى الغطاء الللمبتين النيون...اى كهربائى يعملهالك
و طبعا الجرانيت هو احسن حاجة و تجيبه حجم صغير يعنى الحبة اد الترمسايا و لو اد العدسايا يبقى احسن...بس تشترى من حد موثوق فيه و فاهم...عشان يديك جرانيت مش رخام ...عشان ما اكثر الجهله فى المجال ده و تقوله يا عم ده رخام يقولك لأ ده جرانيت
و اقولك ليه الجرانيت احسن...لأنه مش بيغير من كيمياء الماء لأنها احجار بركانيه انما المكرونة ده كالسيوم و هو مناسب فقط للسمك اللى بيولد زى السوردتيل و المولى و الجوبى و البلاتى

و طبعا تحط خشب حجرى لأنه بيظبط كيمياء الميه ده غير المنظر الخلاب اللى بيعمله فى الحوض بس الاول تنقعه فى الميه لمدة 8 ساعات كده و بعديت تغسله كويس و تحطه فى الحوض

النباتات كلها جميلة مفيش نوع مش كويس...المهم الاهتمام بيها...بس اقواهم فى الاستحمال هما الامازون و الكامومبا

ده الكامومبا...
http://center.jeddahbikers.com/uploads/jb13025495201.jpg (http://www.jeddahbikers.com/)

و خد بالك فيه فرق كبير ما بينه و ما بين ديل التعلب...ديل التعلب عامل زى ديل التعلب فعلا لكن ده كامومبا و بيتزرع فى مجموعات يستحسن 10 اعواد يتربطوا بأستك فى زلطة عشان يثبت فى القاع...و هو يتكاثر بالعقل..يعنى ما بين العقلة و التانية تقطع و تزرع تانى...هتلاقيه طول تانى و فرع تانى بإذن الله

و ده الامازون...

http://center.jeddahbikers.com/uploads/jb13025495202.jpg (http://www.jeddahbikers.com/)

فيه منه الطويل و فيه منه القصير...انت هات القصير..عشان الطويل ده طويل اوى
و هى نبته بتستحمل كويس جدا و لو توفر ليها الجو المناسب بتدى ولده جمبها...تقطعها من الجذر و تزرعها فى حتة تانية فى الحوض

و فيه عندك السرخسيات كلها كويسه برضه...شكلها روعه

بص لو مش يضايقك...سيبلى الحوض ده انا هعمله...هنزل معاك اجيب السمك و الديكورات و الفلترات...
و هقولك تبتدى تفرخ ايه و تعمل ايه ...
لو جوز اختك ده بيفهم فى ديكور الحوض و يركب لك كل حاجة ماشى لو مش كده انا معاك اهو..
عشان المسألة دى غيه عندى من و انا فى اعدادى و عشقى...فا تسيلى انا الموضوع ده اعمله يبقى انت المستفيد لأنك هتاخد الخبرة كلها فى المسألة دى و هديك شوية نصايح و لله الحمد قليل اللى يعرفوها

عموما الرد اللى جاى هقولك تجيب سمك ايه عشان الاحواض الكبيرة ليها ترتيب تانى و انواع اسماك تانية غير الاحواض الصغيرة...

المهم اعرف رأيك موافق اجى انا اظبط المسألة دى ولا لأ

EgY|ErroR
04-11-2011, 11:59 PM
يابرنس دي حاجة تشرفني طبعا
بس المشكله عندي في مواعيد شغلي بس نحاول نظبطها ان شاء الله

كمل يا باشا وانا كلي اذان صاغيه بس عايزك تتأنى كده في الشرح وتحط في دماغك انك بتكلم واحد مش فاهم :)

وانا اعتقد انك مستمتع بالشرح لانك بتقول انك غاوي

بالنسبه للأرتفاع مظبوط هو ده اللي قصدي فيه
75 ده العرض
40 ده العمق للداخل
50 ده الارتفاع من القاع زي ما انت كاتب

ونقطه معلش في موضوع النباتات هي ليها حاجة زي تقاوي او غذاء معين ؟ وكمان بيكون لها جذور او حاجة زي كده ؟

معلش اسألتي كتير

redtiger5000
04-12-2011, 12:39 AM
لالالالالالالالالا...أسأل براحتك
انا طبعا مستمتع بالشرح..عان هواية بحبها
بص من ناحية الاسمدة بلاش منها...لأن لها حوارات كتير و شغلانة كبيرة
عموما طول ما السمك كتير و الزرع كتير و الاضائة كويسة الزرع هينمو و يزدهر كويس اوى بإذن الله
لأن الزرع هياخد السماد من السمك

بالنسبة للسمك
هتجيب 2 بيرل جرامى
و 6 انجل
و2 الجرامى الاصفر او الجرامى الدهبى
و 10 جوبى
و 5 بلاتى
و 2 ديسكس لو ممكن...هو غالى بس شكله تحفه اوى و هيعملك ديكور جمييييييل جدا جدا فى الحوض...الواحده الصغيرة منه حجم 6 سنتى كده ب 20 جنيه تقريبا او على حسب الالوان كل ما كان اللون حلو كل ما كانت اغلى لو مش عايزها اوك مفيش مشكلة

و هتجيب كمان يا سيدى 4 شيكلد...هو غالى برضه بس الوانه تحفه برضه الواحده ب 10 و 15 جنيه و برضه لو مش عايزها بلاش منها

و هتجيب كمان 10 نيون تترا...دى سمكة صغيرة حجمها 4 سنتى بس فيها خط كده بينور زى النيون و عشان تبان فى الحوض هنجيب منها 10....الاسماك اللى قلت لك عليها دى بتحب تعيش فى مجموعات يعنى هتلاقى كل مجموعه فى الحوض ماشية مع بعضها يعنى منظر جميل جدا جدا

بالنسبة للزرع...الصغير قدام و الطويل ورا...و لو الطول متوسط بنحطه فى نص الحوض

الديسكس صورته فى اول الموضوع و كذلك باقى السمك اللى انا قلته
بس النيون تترا مش فى الصور...ابحث عليه و شوف صورته عشان انا مكسل بصراحة ارفع الصور و احطها...

بالنسبة للفلترة انا ممكن اعملك نظام فلترة جامد جدا...اسمها فلترة بيولوجيه..يعنى بتنشىء بكتريا نافعه فى الفلتر و تكسر اى مواد سامه فى الحوض زى نترات...بتتحول لنيتريت غير ضار بالسمك...و اى مواد سامه بتتكسر و بكده مفيش اى سمكة هتمرض بإذن الله

و هنجيب ادوية طبعا...زى الساليكس لعلاج الفطريات...و الميثيلين بلو لعلاج كل الامراض...
الساليكس ده عبارة عن فورمالين مخفف...غير ضار بالسمك لو اتحط منه الكمية المناسبة
و الميثيلين بلو معرفش تكريبها بصراحة بس هى مادة زرقاء كده بس بتعالج كل الامراض

بالنسبة للتفريخ...لازم يكون عندك 3 احواض...حوض اساسى و حوض للزريعه و حوض للعزل او حوض مستشفى
الحوض الاساسى و هو حوض الديكور المعروف
الحوض بــتاع الزريعه و ده سيتم تجيزه على حسب نوع السمكة المراد تفريخها...و هنبتدى بحاجة سهله زى الجرامى
حوض العزل ده هيكون لأى سمكة تمرض لا قدر الله
مدة العلاج دايما بتكون 3 ايام و لو السمكة مخفتش بنغير ربع المياه و نحط الدواء مرة تانية

redtiger5000
04-12-2011, 12:41 AM
و طبعا متنساش تغير ربع مياه الحوض كل 3 ايام او 4 ايام
و ايوا يا صاحبى انا واخد بالى انك متعرفش اى حاجة فى المجال ده...الانواع دى كلها اللى قلت لك عليها متوافقة مع بعض و كلها انواع هادية و جميلة
انا لما اقابلك بأه هقولك سلوك كل سمكة و بتاكل ايه و امتى و كده

shery sam
04-12-2011, 01:02 AM
انا هفكر بعد كدا اجيب حوض صوغنتت كدا على قدى من كتر الحديد الشييييييييييق دة

EgY|ErroR
04-12-2011, 01:12 AM
بص انت اكيد ان شاء الله هدوخك معايا في الموضوع ده وانت راشق معايا فيه
وان شاء الله نظبطها ونتقابل ادبر حالي ان شاء الله وعلى اخر الشهر نتقابل ونعمل الحوض ده
لان اليومين دول مشغول مع الحاجه في توضيب شقتها مش عارف ناويه تتجوز ولا ايه :)

ملاحظه صغيره :
انت قولتلي على 41 سمكه دول ككميه مش كتير على الحوض ؟
تاني حاجة انت نسيت الميزانيه ولا ايه ؟ 41 سمكه اعتقد في متوسط 5 جنيه يعني مش اقل من 200 جنيه ؟

ولا انا حسبتي غلط؟

~shiko~
04-12-2011, 01:20 AM
طبعا يا محمود انا اول واحد هايجى يبارك على الحوض الجديد

وهيتعزم على الغدا :p:p:p

redtiger5000
04-12-2011, 01:36 AM
انا هفكر بعد كدا اجيب حوض صوغنتت كدا على قدى من كتر الحديد الشييييييييييق دة
امال لو شوفتى تصرفات السمك فى الحوض و جماله...ياااااااه عالم تانى ...هتسرحى فيه بجد
و تفضلى تراقبى كل سمكة بتعمل ايه و تحسى كده ان لكل سمكة شخصية لوحدها
اعمليه و انا معاكى اهو
بس مش اقل من 50 سنتى اقل من كده غلط جدا
بص انت اكيد ان شاء الله هدوخك معايا في الموضوع ده وانت راشق معايا فيه
وان شاء الله نظبطها ونتقابل ادبر حالي ان شاء الله وعلى اخر الشهر نتقابل ونعمل الحوض ده
لان اليومين دول مشغول مع الحاجه في توضيب شقتها مش عارف ناويه تتجوز ولا ايه :)

ملاحظه صغيره :
انت قولتلي على 41 سمكه دول ككميه مش كتير على الحوض ؟
تاني حاجة انت نسيت الميزانيه ولا ايه ؟ 41 سمكه اعتقد في متوسط 5 جنيه يعني مش اقل من 200 جنيه ؟

ولا انا حسبتي غلط؟
بالنسبة لحجم الحوض عادى جدا...بالنسبة للميزانية مش عادى...
اوك هنقلل الكمية ل 30 سمكة...و بعدين الجرامى ده ب 2 جنيه و نص و الانجل زيه
و الديسكس ب 15
و الشيكلد نفس السعر يعنى إن شاء الله هنعمل اللى عايزينه برضه بالميزانية المتاحه
و اوك خد راحتك و خد وقتك و كلمنى
ده رقمى اهو...لأى حد عايز يسأل 0112786670
طبعا يا محمود انا اول واحد هايجى يبارك على الحوض الجديد

وهيتعزم على الغدا :p:p:p




راشق انت هه ؟
خلاص و انا كمان عايز اتغدى اشمعنى انت...

Sniper.870
04-12-2011, 01:55 AM
ونا جاي العب مع زياد هههههههه

EgY|ErroR
04-12-2011, 12:43 PM
حلو كده يبقى اتنين هيتغدوا وواحد هيلعب مع زياد

بص يا تايجر كده هنجيب 34 سمكه

30 للحوض واربعه للغداء :)

تنوروا يا شباب والله وبما اننا بنتكلم عن السمك اعتبروها عزومه مراكبيه

redtiger5000
04-12-2011, 01:36 PM
حلو كده يبقى اتنين هيتغدوا وواحد هيلعب مع زياد

بص يا تايجر كده هنجيب 34 سمكه

30 للحوض واربعه للغداء :)

تنوروا يا شباب والله وبما اننا بنتكلم عن السمك اعتبروها عزومه مراكبيه



هههههههههه اتدبست انت هههههههه...
عادى عادى عديها كله هزار فى هزار

بص...اكتب فى يو تيوب Angel fish دى من الاسماك اللى هنجيبها...شوف الفيديو بتاعها و قولى عجباك ولا ايه
و تانى سمكة هى Pearl gurami اكتب كده فى يو تيوب و اتفرج على الاسماك اللى هنجيبها...

EgY|ErroR
04-12-2011, 02:28 PM
لا يا عم مش هزار والله
ان شاء الله الدعوه عامه للي عايز يجي لما تشرفني وتيجي نظبط الحوض نتغدى سوا

بخصوص السمك الانجل بجد بجد سمكه تحففففففففه وشكلها جامد جدا وطبعا زي ما فهمت من شرحك فيه منها تهجينات الوانها روعه

والبيرل بردو حلوه اوي بس بالنسبه لي الانجل والديسكس روعه وكمان ال جوبي
وشوفت يا معلم فيديو لانثى الجوبي وهي بتولد منظر سبحان الله جامد جداااااااا

الرابط اهه للناس اللي عايزه تشوفه

http://www.youtube.com/watch?v=kFkBjD2Le3k

بقولك صحيح انت تعرف حد **** زجاج كويس عشان الحوض ولا تعرف حد بيبيعه جاهز ؟

وسعره على المقاسات بتاعتنا يعمل كام 75*50*40

EgY|ErroR
04-12-2011, 02:31 PM
بقولك سمكه الButterfly Halfmoon فيه منها في مصر ؟

وثمنها كام

http://www.youtube.com/watch?v=PrFY-AM_poA&feature=related

(محب)
04-12-2011, 02:49 PM
هروح اشتري حوض وسمك حالا


بس قولي ايه احسن انواع سمك


وقد ايه بياكلو ~ عشان ازبط نفسي لاني جبت زمان سمك ماكلتش كويس وماتت بعد اسبوعين

Sniper.870
04-12-2011, 03:09 PM
لا يا عم مش هزار والله
ان شاء الله الدعوه عامه للي عايز يجي لما تشرفني وتيجي نظبط الحوض نتغدى سوا

بخصوص السمك الانجل بجد بجد سمكه تحففففففففه وشكلها جامد جدا وطبعا زي ما فهمت من شرحك فيه منها تهجينات الوانها روعه

والبيرل بردو حلوه اوي بس بالنسبه لي الانجل والديسكس روعه وكمان ال جوبي
وشوفت يا معلم فيديو لانثى الجوبي وهي بتولد منظر سبحان الله جامد جداااااااا

الرابط اهه للناس اللي عايزه تشوفه

http://www.youtube.com/watch?v=kfkbjd2le3k

بقولك صحيح انت تعرف حد **** زجاج كويس عشان الحوض ولا تعرف حد بيبيعه جاهز ؟

وسعره على المقاسات بتاعتنا يعمل كام 75*50*40


ههههه
والله عداك العيب والله
واعتبر العزومه كملت

وبازن الله نيجي في فرح زياد


بس معلش علي ان ريد مردش لحد دلواتي تلاقية مشغول ولا حاجة

shery sam
04-12-2011, 05:47 PM
سبحان الله
اول مرة اشوف سمكة بتولد والسمكة الى وراها الى لونها ازرق شكلها جميلة جدا
وسمكة ال Butterfly Halfmoon جميلة اوى اوى
سبحان الله كانها لابسة فستان

redtiger5000
04-12-2011, 09:40 PM
سبحان الله
اول مرة اشوف سمكة بتولد والسمكة الى وراها الى لونها ازرق شكلها جميلة جدا
وسمكة ال Butterfly Halfmoon جميلة اوى اوى
سبحان الله كانها لابسة فستان


اه ال Butterfly Halfmoon دى الفايتر..مينفعش تعيش ذكرين مع بعض...عشان هيتقاتلوا حتى الموت...هى النوعيه دى كده
و كمان مش يعيش مع سمك عصبى...لازم يعيش مع سمك هادى زيه...و اللى متعرفيهوش...
ان السمكة دى عندها رئة هى و كل عائلة الجرامى و فيه نوع تانى كده مش فاكر اسمه حجمه كبير و عنده رئة برضه...
عشان كده كل شوية هتلاقيه طالع ياخد نفس

دى بعض الصور لذكور الفايتر...و خدى بالك ...كل ما كانت الالوان جميلة كل ما السعر بأه اغلى...يعنى حاجات زى دى الواحده ب 10 جنيه و 15 جنيه و 20 جنيه

http://center.jeddahbikers.com/uploads/jb13026335141.jpg (http://www.jeddahbikers.com/)

http://center.jeddahbikers.com/uploads/jb13026335142.jpg (http://www.jeddahbikers.com/)

http://center.jeddahbikers.com/uploads/jb13026335143.jpg (http://www.jeddahbikers.com/)

http://center.jeddahbikers.com/uploads/jb13026335144.jpg (http://www.jeddahbikers.com/)
http://center.jeddahbikers.com/uploads/jb13026335145.jpg (http://www.jeddahbikers.com/)

redtiger5000
04-12-2011, 09:42 PM
و اه فيه سمك بيولد...البيض بيبقى جوه بطن الانثى و بيتم تلقيحه من الذكر و تولد سمك على طول و الانثى بتلد بعد شهر تقريبا

EgY|ErroR
04-13-2011, 02:57 AM
انت مرديتش عليا يا برنس :(

redtiger5000
04-13-2011, 03:32 AM
لا يا عم مش هزار والله
ان شاء الله الدعوه عامه للي عايز يجي لما تشرفني وتيجي نظبط الحوض نتغدى سوا

بخصوص السمك الانجل بجد بجد سمكه تحففففففففه وشكلها جامد جدا وطبعا زي ما فهمت من شرحك فيه منها تهجينات الوانها روعه

والبيرل بردو حلوه اوي بس بالنسبه لي الانجل والديسكس روعه وكمان ال جوبي
وشوفت يا معلم فيديو لانثى الجوبي وهي بتولد منظر سبحان الله جامد جداااااااا

الرابط اهه للناس اللي عايزه تشوفه

http://www.youtube.com/watch?v=kfkbjd2le3k

بقولك صحيح انت تعرف حد **** زجاج كويس عشان الحوض ولا تعرف حد بيبيعه جاهز ؟

وسعره على المقاسات بتاعتنا يعمل كام 75*50*40



معلش مخدتش بالى من ردك...اصل لونه اخضر غامق...يا عم اعمله ابيض عادى
المهم...
اه طبعا الانجل من اجمل اسماك المياه العذبة...كنج السمك..هو و الديسكس
اه اعرف واحد بيعمل زجاج عمولة رخييييييييص اوى و راجل حبيبى اوى...
هو هنا فى عين شمس...لو حوض زى بتاعك كده هيعمل 70 جنيه بس
بس قبل ما تحرجنى...متجيبش من عنده سمك الا اللى اقولك عليه بس...عشان مش كل السمك اللى عنده كويس
يعنى لو عنده انجل كويس هقولك هات..لو مش عنده سمك كويس يبقى متفتحش معاه اى مواضيع فى السمك...معلش انا عايز احميك بدل ما تجيب سمك بالشىء الفلانى الاخر يموت منك واحده ورا التانية...عشان السمك بيعدى بعضه بسرعه جدا اسرع من ان واحد عنده برد و بيعدى اللى حواليه

الانجل بتحب تستخبى عشان كده هنجيب زرع كتير...بس هو رخيص اوى...
يعنى الامازون دى الشتلة ب 2جنيه و نص و الكامومبا العود بنص جنيه
بس يعنى الانجل مش بيستخبى طول الوقت يعنى...بس هى بعض الاوقات كده بتحب تعمل فيها انها بتستخبى يعنى

شوفت الانجل و هو بيتزاوج ؟؟ شكلوا جميل اوى

ao0oa
04-13-2011, 09:21 AM
عندي سمكه انا بغرفتي

بصورهآ اليوم لو فضيت وابي معلومات عنها :cool::D

EgY|ErroR
04-13-2011, 04:10 PM
تمام اوي طيب انا ان شاء الله هبداء في التجهيزات
من حيث الفتحه في الحيطه وتظبيطها وهعمل قاعده رخام او خشب على حسب انه اللي هيستحمل
ولما انجزها واظبطها هشوف المقاس هيبقى كام بالظبط وهتفق معاك ونعمل الحوض ان شاء الله
ومش تقلق انت اللي هتكون المسئول عن شراء الاسماك والزينه والمكرونه والزرع وكل حاجة
من حيث العدد والشكل وكده حتى الفلتر والماتور ده انا احتمال اخليك تجيب الميه من عندكوا :)

صحيح بالنسبه لموضوع قطع الكهرباء اللي بيحصل انا سمعت ان فيه مواتير بالبطاريه الكلام ده صح ؟ الماتور ابو بطاريه بتــاع الطوارئ ده بكام ؟
وكمان سمعت اني لو مسافر فيه اكل بيقعد في الميه حوالي 7 ايام الاكل ده بردو بكام ؟

وماتنساش يا معلم اي وقت تبقى قريب من الناس اللي بتتعامل معاهم اعرفلنا اسعار السمك وصلت كام دلوقتي

redtiger5000
04-14-2011, 12:31 AM
تمام اوي طيب انا ان شاء الله هبداء في التجهيزات
من حيث الفتحه في الحيطه وتظبيطها وهعمل قاعده رخام او خشب على حسب انه اللي هيستحمل
ولما انجزها واظبطها هشوف المقاس هيبقى كام بالظبط وهتفق معاك ونعمل الحوض ان شاء الله
ومش تقلق انت اللي هتكون المسئول عن شراء الاسماك والزينه والمكرونه والزرع وكل حاجة
من حيث العدد والشكل وكده حتى الفلتر والماتور ده انا احتمال اخليك تجيب الميه من عندكوا :)

صحيح بالنسبه لموضوع قطع الكهرباء اللي بيحصل انا سمعت ان فيه مواتير بالبطاريه الكلام ده صح ؟ الماتور ابو بطاريه بتــاع الطوارئ ده بكام ؟
وكمان سمعت اني لو مسافر فيه اكل بيقعد في الميه حوالي 7 ايام الاكل ده بردو بكام ؟

وماتنساش يا معلم اي وقت تبقى قريب من الناس اللي بتتعامل معاهم اعرفلنا اسعار السمك وصلت كام دلوقتي


معلش...اقرا و هتفهم

اوك اشطة...انا هظبط كل حاجة...بس انت نسيت ولا ايه ؟ احنا هنجيب جرش جرانيت مش مكرونه
بالنسبة لوزن الحوض...هيكون حوالى 80 كيلو....اللتر المياه وزنه كيلو تقريبا و وزن الحوض هيكون حوالى 10 او 12 كيلو يعنى احسبها كده مع نفسك هتلاقى الحوض وزنه 80 كيلو تقريبا..اعمل بأه القاعده على حسب الوزن اللى قلت لك عليه ده

بالنسبة للسمك انا عارف كل الاسعار الحمد لله...ما عدا السمك الغالى لأن دايما سعره متغير ...زى الديسكس و الشيكلد لكن باقى الانواع سعرها ثابت..ثابت يعنى بيتغير كل شهر او شهرين انما السمك الغالى سعره بيتغير كل اسبوع او اسبوعين

بالنسبة للموتور ابو بطارية ده غالى جدا...ب 60 جنيه ....انت لو فيه زرع فى الحوض مش هتحتاج الموتور ده..لأن النباتات طول ما فيه اضائة هتطلع اكسجين ...اما لو النور قطع بليل ..لو قطع اكتر من ساعتين يبقى كده فيه خطر على السمك اما لو اقل فده عادى...و حتى و الله لو اكتر من ساعتين...عادى برضه...انا السمك عندى ساعات بنسى اشغل له الموتور و اصحى تانى يوم الاقيهم بسم الله ما شاء الله زى الفل ...اهم حاجة بس التهوية الجيده للحوض...ابقى افتح الشباك مثلا لو النور قطع و افتح غطاء الحوض و عادى جدا

بالنسبة لأكل السفر ده ضحك على الدقون...ده عبارة عن تباشير او حاجة تشبهه و بيتفتت فى الحوض و السمك مش بياكل منه ولا حاجة...
بص...اولا..السمك ممكن يعيش من غير اكل لمده 5 ايام اكتر او اقل يومين على حسب صحة السمكه ...يعنى لو سمكة متغذية بتاكل بروتين كتير و اكل متوازن ممكن تقعد 6 ايام من غير اكل...
ثانيا...كده كده مينفعش تسيب السمك و تسافر...لأن لازم المياه تتغير كل 3 ايام او كل 4 ايام و لازم السمك ياكل على الاقل كل يومين مرة...هو فيه اختراع كده بس غالى اوى...اكاله ..بيتحط فيها الاكل و تظبطها ترمى الاكل للسمك كل اد ايه..مثلا كل 12 ساعه مرة و كمان تحدد الكمية من الجهاز و هى هتأكل السمك كل 12 ساعه
بس فيه حاجة...الجهاز ده غالى اوى للأسف...ب 120 جنيه و ب 90 جنيه و حاجات كده

فا حلك الوحيد هو انك لو هتسيب السمك لمدة ازيد من 4 ايام يبقى تاخد السمك فى اكياس و تديه لحد صاحبك بيربى سمك يأكل السمك و يهتم بيه عقبال ما انت ترجع...او تديه لمحل سمك زينة قريب منك و تديله حق الاكل مثلا 5 جنيه او 10 جنيه...عقبال ما انت ترجع...لكن فكرة انك تجيب اكل السفر ده نصب و ضحك على الدقون...

و فيه فكرة تانية حلوة...انك تجيب مثلا ب 3 جنيه دود...هو دود لونه احمر كده صغير اوى بيتجاب من الترع...تغسله و تحطه كله فى الحوض ...الكمية دى تكفى السمك اكتر من اسبوع كمان...بس تسيب الفلتر شغال عشان الوساخة فى الحوض هتبقى عالية اوى...و لما ترجع غير نص الميه و تصوم السمك يوم...عشان السمك لما بياكل دود كتير بيحصله امساك و امراض معوية...عشان كده بنصوم السمك يوم و بنغير نص مياه الحوض...و طبعا لازم تكون الميه دى نفس درجة الحرارة بتـاعة مياه الحوض

شوفت الكلام كتير ازاى ؟...قلت لك لما اقابلك هقولك...انت اللى مصمم...خد عندك بأه ههههههه...ابقى اغسل عينيك بعد ما تقرا...انا عارف الكلام كتير هههههههه...بس لازم تعرفه...الكلام ده و لله الحمد عن خبره ايام و سنين

redtiger5000
04-14-2011, 12:33 AM
عندي سمكه انا بغرفتي

بصورهآ اليوم لو فضيت وابي معلومات عنها :cool::d

سمكة واحده ؟؟
مش كتير كده ؟؟

Sniper.870
04-14-2011, 09:30 PM
سمكة واحده ؟؟
مش كتير كده ؟؟
ههههههههههههههههههه
ايوة عليك يا ريد
والله عسل عسل ههههههههههههههههههههههههههههه

وعلي فكرة ردك الي فوق منتهي الابداع
انا عمري ما شفت حد خبرة في المجال دة بالشكل دة ربنا يزيدك يا حبي
يعني في المربع السكني بتاعنا علي حدود واحد كيلو مفيش غير بتـاع محل حيوانات واسماك واحد
مش عارف الناس بقت بتستعر من الحاجات دي ولا اية ههههههههههههههههه

redtiger5000
04-15-2011, 02:17 AM
ههههههههههههههههههه
ايوة عليك يا ريد
والله عسل عسل ههههههههههههههههههههههههههههه

وعلي فكرة ردك الي فوق منتهي الابداع
انا عمري ما شفت حد خبرة في المجال دة بالشكل دة ربنا يزيدك يا حبي
يعني في المربع السكني بتاعنا علي حدود واحد كيلو مفيش غير بتـاع محل حيوانات واسماك واحد
مش عارف الناس بقت بتستعر من الحاجات دي ولا اية ههههههههههههههههه

هههههههههههههه
اصله بيقول سمكة و كمان هيصورها...يا عم سيبها فى حالها دى تلاقيها جالها اكتئاب ...

شكرا يا حبى...و الله اللى يسأل و يعرف و يدور و يبحث و كمان يجرب هيبقى زيى و يمكن احسن و الحمد لله على العلم اللى الواحد عرفه

بالنسبة لمحلات اسماك الزينة و الحيوانات هى قليلة لسبب:cool: ...ان الطبقات الراقية و المتوسطة بس هى اللى بتربى سمك زينة و قطط و كــلاب لكن باقى ال 80% من الشعب مش معاه فلوس للحاجات دى اساساااااااااا و حتى لو معاه مش هيصرفها على الحاجات دى...عشان من كتر الشقى و التعب و الجرى ورا القرش اصبح معندوش اهتمام بالطبيعه:rolleyes: و من اساسه احنا معندناش ثقافة انك تربى حيوان...احنا ناكله...نضربه بالشبشب...نسمه :eek:...لكن نربيه لأ هههههههه
يعنى عندك ناس بتربى فئران...اسمها الهامستر...بذمتك ده لو حد شافه فى الشارع هيعمل فيه ايه ؟؟ بالطوب على طول
ده حتى اصحاب المحلات ذات نفسهم...قليل لما تلاقى حد منهم خبره و بيفهم بجد فى المجال ده

عندك فى امريكا و دول اوروبا بيربوا نمل و ديدان كمان...و تعابين
من الاخر...كل ما كانت الدولة غنية الى حد ما تلاقى تربية حيوانات الزينة فيها مزدهره.. لكن فى مصر :rolleyes:

EgY|ErroR
04-17-2011, 06:27 PM
الحمد لله خلصت الفتحه وركبت جرانيت بدال الرخام عشان ميتكسرش
وبعد ما خلصت اخدت مقاسات الحيطه لاقيت افضل مقاسات بالنسبه للفتحه
90 او92 سم * 40 سم * الارتفاع لفوق ممكن يوصل ل 60 سم

دلوقتي ان شاء الله هنزل لبتوع الزجاج اللي جنبي واديهم المقاسات واعمل الحوض ان شاء الله وهعمله شداد في النص عشان ضغط الميه على فكره وزن الحوض بالميه هيوصل ل200 كجم مش 80 كجم عشان كده عملت القاعده جرانيت

المهم احنا هننزل سوا نجيب الجرش ولا هنزل انا لوحدي ؟ وهنجيب كام كيلو ولا هو بالشيكاره ولا ايه ظروفه ؟
اصل انا سألت **** الرخام جاري ولما حكيتله على الجرش حسيت انه تايه ومش عارف انا بتكلم عن ايه مع العلم ان غله ماشاء الله

قولي بقى الخطوه الجايه ايه هنشتري الجرش ولا المعدات ولا لما اخلص الحوض
صحيح انا هفصل الغطاء

مستني ردك لما تفضى ياريس

redtiger5000
04-17-2011, 09:14 PM
الحمد لله خلصت الفتحه وركبت جرانيت بدال الرخام عشان ميتكسرش
وبعد ما خلصت اخدت مقاسات الحيطه لاقيت افضل مقاسات بالنسبه للفتحه
90 او92 سم * 40 سم * الارتفاع لفوق ممكن يوصل ل 60 سم

دلوقتي ان شاء الله هنزل لبتوع الزجاج اللي جنبي واديهم المقاسات واعمل الحوض ان شاء الله وهعمله شداد في النص عشان ضغط الميه على فكره وزن الحوض بالميه هيوصل ل200 كجم مش 80 كجم عشان كده عملت القاعده جرانيت

المهم احنا هننزل سوا نجيب الجرش ولا هنزل انا لوحدي ؟ وهنجيب كام كيلو ولا هو بالشيكاره ولا ايه ظروفه ؟
اصل انا سألت **** الرخام جاري ولما حكيتله على الجرش حسيت انه تايه ومش عارف انا بتكلم عن ايه مع العلم ان غله ماشاء الله

قولي بقى الخطوه الجايه ايه هنشتري الجرش ولا المعدات ولا لما اخلص الحوض
صحيح انا هفصل الغطاء

مستني ردك لما تفضى ياريس

مين قالك ان وزن الحوض بتـاعك 200 كيلو ؟؟
معروف ان لتر الميه بيساوى كيلو ...عايز تعرف حوضك كام لتر ؟؟
الطول فى العرض فى الارتفاع اقسمه على 1000 هيطلع لك حوضك كام لتر بالظبط
انت بتقول هو 75*50*40 يعنى بالالة الحاسبة كده حوضك 150 لتر...يعنى حوضك 160 او 170 كيو مش 200....
هتعمل الحوض اد ايه ؟؟ 80 سنتى ؟ ولا هتشتغل بالحوض ال 75 سنتى ؟؟

عموما لو هتعمله 80 سنتى يبقى زجاج 8 مللى...و مش هتحتاج شدادات الا فى الحوض المتر بس...طالما الزجاج تخانته كويسة يبقى مش هتحتاج شدادات...اعمله 80*40*50 ال40 ده العمق لجوه...و ال 50 دى الارتفاع لفوق
هيكلفك 90 جنيه ...احتمال السعر ده يزيد او ينقص على حسب المنطقة...بس عندى هنا بيعملوه بالسعر ده

و اه طبعا هنجيب المعدات الاول...هنجيب فلتر باور ب 30 جنيه اسمه boyo
و دواده ب 2 جنيه او ب جنيه و نص
و ترمومتر بجنيه و نص او 2 جنيه
و سخان ثرموستات ب 30 جنيه
و شبكة ب 5 جنيه تقريبا عشان تطلع السمك من الميه لو عوزت تنقله او حاجة
و مزيل كلور ب 2 جنيه
و اكل قشر ...بس ده هنجيبه من عند انطون اللى فى رمسيس عشان عنده القشر الالمانى المستورد العلبة ب 5 جنيه
و فيه العلبة المتقفله متبرشمه ب 20 و ب 30 جنيه...الاتنين زى بعض بس الانواع المتبرشمه دى بتبقى لأنواع معينة من السمك لكن اللى متعلبه فى علب دى لكل الانواع...هو بيجيب منها جردل كبير و يعبيها فى علب صغيرة العلبة ب 5 جنيه


و خرطوم من الشفاف ده ...هنجيب متر
و لمبتين نيون و نروح عند الكهربائى عشان يركبهالنا فى الغطاء لما الغطاء يخلص يعنى
و خرطوم تانى يوصل بين الحمام و الحوض عشان تغيير الميه
و سفنج حرارى الابيض ده لزوم الفلتره
و شوفلنا عندك زجاجه ميه 3 لتر او حوض صغير 30 سنتى كده
و الجرش هنجيبه من اى بتـاع سمك زينه عندك...المهم يكون جرانيت مش مكرونة او رخام...و يحبذ لو جرانيت اسود او اسود على بنى...لو عايز بأه تجيب جرانيت رخيص و صح الصح من حتة اسمها **** العيون...دى فى السيده عائشة بعد سوق الجمعه بشوية...
الحاجات دى بتتباع بالكيلو...الكيلو ب 2 جنيه ...و لو حوض 80 سنتى هنحتاج 7 كيلو او 8 كيلو
و ايوا يا عم...هنجيب كل حاجة مع بعض
و السمك نجيبه يوم ما الحوض يخلص...
و اه طبعا هتعمل الغطاء تفصيل
بس كده

Sniper.870
04-17-2011, 09:52 PM
هههههههههههههه
اصله بيقول سمكة و كمان هيصورها...يا عم سيبها فى حالها دى تلاقيها جالها اكتئاب ...

شكرا يا حبى...و الله اللى يسأل و يعرف و يدور و يبحث و كمان يجرب هيبقى زيى و يمكن احسن و الحمد لله على العلم اللى الواحد عرفه

بالنسبة لمحلات اسماك الزينة و الحيوانات هى قليلة لسبب:cool: ...ان الطبقات الراقية و المتوسطة بس هى اللى بتربى سمك زينة و قطط و كــلاب لكن باقى ال 80% من الشعب مش معاه فلوس للحاجات دى اساساااااااااا و حتى لو معاه مش هيصرفها على الحاجات دى...عشان من كتر الشقى و التعب و الجرى ورا القرش اصبح معندوش اهتمام بالطبيعه:rolleyes: و من اساسه احنا معندناش ثقافة انك تربى حيوان...احنا ناكله...نضربه بالشبشب...نسمه :eek:...لكن نربيه لأ هههههههه
يعنى عندك ناس بتربى فئران...اسمها الهامستر...بذمتك ده لو حد شافه فى الشارع هيعمل فيه ايه ؟؟ بالطوب على طول
ده حتى اصحاب المحلات ذات نفسهم...قليل لما تلاقى حد منهم خبره و بيفهم بجد فى المجال ده

عندك فى امريكا و دول اوروبا بيربوا نمل و ديدان كمان...و تعابين
من الاخر...كل ما كانت الدولة غنية الى حد ما تلاقى تربية حيوانات الزينة فيها مزدهره.. لكن فى مصر :rolleyes:

فعلا
الهامستر كيوت بشكل محصلش
وبعدين الناس هنا معاك حق والله مش فاضيين هما ملاحقين عالبشر عشان يلاحقو عالحيوان ههههه

ونا نفسي اربي هامستر تصدق :d
بس احتمال اكله من جلاوته هههههههه

redtiger5000
04-18-2011, 12:48 AM
فعلا
الهامستر كيوت بشكل محصلش
وبعدين الناس هنا معاك حق والله مش فاضيين هما ملاحقين عالبشر عشان يلاحقو عالحيوان ههههه

ونا نفسي اربي هامستر تصدق :d
بس احتمال اكله من جلاوته هههههههه

ههههههههههه
انا بعطى مثل بس...لكن انا مش بحب الهامستر...مفيهوش ذكاء...و الوانه مش حلوة اوى
انا بحب الحاجات الساحرة او المتوحشة
زى السمك الزينة او عصافير الزينة بجميع انوعها او قطط...نباتات الزينة.."حاجات ساحرة"
كــلاب .. جيرمن شيبرد...ماستف..دوبر مان..صقور...متوحشة...
لكن هامستر و ارانب لأ

انا عن نفسى لو عندى شقة لوحدى و معايا فلوس اربى كل ده هربيه.

EgY|ErroR
04-18-2011, 01:44 AM
بالنسبه للحوض انا اتفقت مع واحد جنبي ومقاساته

92 * 40 *55

وهيكون 6مم وهعمله شدادات وكتير قالولي هيستحمل

بالنسبه للخرطوم اللي من الحوض للحمام اعتقد صعب لانك كده بتتكلم في اكتر من 10 متر وده هيظروط الدنيا

انا عندي 2 جازله سعه 45 كجم ودول هخليهم للحو
ان شاء الله بكره هستلم الحوض هيكون بقاله يوم معمول وهسيبه كمان يوم ينشف السليكون براحته

وبعدها هغسله بملح خن وميه بس غسله كويسه وبعدها هختبر التسريب **** الحوض

اثناء اليوم ده ان شاء الله هكون خلصت الغطاء ومش تقلق موضوع اللمبات اخوك اساسه فني تبريد وتكييف يعني مش تقلق من مواضيع الكهرباء دي
وبردو اكون خلصت الديكورات حول الفتحه يعني زوايا خشب عشان المنظر وبعدها ان شاء الله نتقابل عشان نشتري الحاجات دي

اللي هعمله ده مظبوط ولا ايه رأيك ؟

على فكره انا الفتره اللي فاتت اشتركت في منتديات متخصصه في تربيه الاسماك وعرفت منهم + المعلومات اللي انت قولتهالي بعض الاشياء اللي هتفيدني في البدايه

بقولك كل الناس نصحوني بالاسماك الولوده في الاول زيك بالظبط جوبي ومولي وبلاتي وسوردتيل بس قالولي بلاش الباقيين لسببين

1- ان باقي انواع الاسماك بتحتاج متطلبات خاصه زي الديسكس عايز ميه هاديه وعدم وجود ملح بالماء وانت ابو الخبره ان الاسماك الولوده بتحتاج نسبه ضئيله من الملح وكمان عايزه واحد يكون خبره زيك مش مبتدئ زيي

2- ان الخساره الماديه تكون قليله :) وهي ان الجوبي والمولي....الخ اسماك رخيصه ولو لقدر الله ماتوا مش هيتكلفوا كتير


على فكره انا ان شاء الله لو بقيت متمرس ان شاء الله هقلب الحوض لتربيه الديسكس والانجل فقط

~shiko~
04-18-2011, 02:18 AM
بالنسبه للحوض انا اتفقت مع واحد جنبي ومقاساته

92 * 40 *55

وهيكون 6مم وهعمله شدادات وكتير قالولي هيستحمل

بالنسبه للخرطوم اللي من الحوض للحمام اعتقد صعب لانك كده بتتكلم في اكتر من 10 متر وده هيظروط الدنيا

انا عندي 2 جازله سعه 45 كجم ودول هخليهم للحو
ان شاء الله بكره هستلم الحوض هيكون بقاله يوم معمول وهسيبه كمان يوم ينشف السليكون براحته

وبعدها هغسله بملح خن وميه بس غسله كويسه وبعدها هختبر التسريب **** الحوض

اثناء اليوم ده ان شاء الله هكون خلصت الغطاء ومش تقلق موضوع اللمبات اخوك اساسه فني تبريد وتكييف يعني مش تقلق من مواضيع الكهرباء دي
وبردو اكون خلصت الديكورات حول الفتحه يعني زوايا خشب عشان المنظر وبعدها ان شاء الله نتقابل عشان نشتري الحاجات دي

اللي هعمله ده مظبوط ولا ايه رأيك ؟

على فكره انا الفتره اللي فاتت اشتركت في منتديات متخصصه في تربيه الاسماك وعرفت منهم + المعلومات اللي انت قولتهالي بعض الاشياء اللي هتفيدني في البدايه

بقولك كل الناس نصحوني بالاسماك الولوده في الاول زيك بالظبط جوبي ومولي وبلاتي وسوردتيل بس قالولي بلاش الباقيين لسببين

1- ان باقي انواع الاسماك بتحتاج متطلبات خاصه زي الديسكس عايز ميه هاديه وعدم وجود ملح بالماء وانت ابو الخبره ان الاسماك الولوده بتحتاج نسبه ضئيله من الملح وكمان عايزه واحد يكون خبره زيك مش مبتدئ زيي

2- ان الخساره الماديه تكون قليله :) وهي ان الجوبي والمولي....الخ اسماك رخيصه ولو لقدر الله ماتوا مش هيتكلفوا كتير


على فكره انا ان شاء الله لو بقيت متمرس ان شاء الله هقلب الحوض لتربيه الديسكس والانجل فقط





اخبار العزومه اييه؟

redtiger5000
04-18-2011, 02:56 AM
بالنسبه للحوض انا اتفقت مع واحد جنبي ومقاساته

92 * 40 *55

وهيكون 6مم وهعمله شدادات وكتير قالولي هيستحمل

بالنسبه للخرطوم اللي من الحوض للحمام اعتقد صعب لانك كده بتتكلم في اكتر من 10 متر وده هيظروط الدنيا

انا عندي 2 جازله سعه 45 كجم ودول هخليهم للحو
ان شاء الله بكره هستلم الحوض هيكون بقاله يوم معمول وهسيبه كمان يوم ينشف السليكون براحته

وبعدها هغسله بملح خن وميه بس غسله كويسه وبعدها هختبر التسريب **** الحوض

اثناء اليوم ده ان شاء الله هكون خلصت الغطاء ومش تقلق موضوع اللمبات اخوك اساسه فني تبريد وتكييف يعني مش تقلق من مواضيع الكهرباء دي
وبردو اكون خلصت الديكورات حول الفتحه يعني زوايا خشب عشان المنظر وبعدها ان شاء الله نتقابل عشان نشتري الحاجات دي

اللي هعمله ده مظبوط ولا ايه رأيك ؟

على فكره انا الفتره اللي فاتت اشتركت في منتديات متخصصه في تربيه الاسماك وعرفت منهم + المعلومات اللي انت قولتهالي بعض الاشياء اللي هتفيدني في البدايه

بقولك كل الناس نصحوني بالاسماك الولوده في الاول زيك بالظبط جوبي ومولي وبلاتي وسوردتيل بس قالولي بلاش الباقيين لسببين

1- ان باقي انواع الاسماك بتحتاج متطلبات خاصه زي الديسكس عايز ميه هاديه وعدم وجود ملح بالماء وانت ابو الخبره ان الاسماك الولوده بتحتاج نسبه ضئيله من الملح وكمان عايزه واحد يكون خبره زيك مش مبتدئ زيي

2- ان الخساره الماديه تكون قليله :) وهي ان الجوبي والمولي....الخ اسماك رخيصه ولو لقدر الله ماتوا مش هيتكلفوا كتير


على فكره انا ان شاء الله لو بقيت متمرس ان شاء الله هقلب الحوض لتربيه الديسكس والانجل فقط



ماشى نقطة نقطة كده...
الحوض ده طالما هتعمله شدادات يبقى كويس لكن الاحسن طبعا انك تعمله زجاج 8 مللى من غير شدادات بس ما علينا كده كويس برضه

تانى نقطة...انا عن نفسى بغير المياه بخرطوم و مفيش اى زروطة ولا حاجة ...
و كمان لسببين...الخرطوم بيشفط الوساخة اللى فى القاع و اى شوائب...و كمان هيبقى سريع فى سحب المياه و ملو الحوض...يعنى بدل الجرادل هتاخد وقت و مجهود لكن بالخرطوم مفيش مجهود + هتسحب و هتملى المياه للحوض بسرعه

تالت نقطة بالنسبة للأسماك...انا بكلمك فى الحاجات دى عشان انا لمؤخذه خبره و عارف ازاى تخليك تربى الحاجات الغالية دى ازاى...عموما...مفيش مشكلة نجيب ولود فى الاول تدرب عليها...بس الانجل عادى اى حد ممكن يربيه لأن النوع المصرى منه واخد على نوعية المياه بتـاعتنا و بيستحمل بلاوى...انا عملت له اختبار كده لقيته بيستحمل جامد جدا جدا...

بالنسبة لحجم الحوض حلو اوى و المقاسات جميلة جدا
هنجيب ولود كله مع 4 سمكات انجل كده يعملوا منظر لذيذ فى الحوض مع الجرامى...
بس الولود ده هيفضل يعضعض فى الانجل..طب خلاص بلاش انجل...خلينا فى الولود و الجرامى و شوية تايجر

بالنسبة لتفريخ الاسماك البيوضة هتحتاج حوض تانى غير ده...يعنى حوض للديكور و حوض للتفريخ...و يحبذ لو حوض تالت حجم 40 او 50 سنتى نعمله كمستشفى او لتسمين الامهات عشان تدى انتاجيه عاليه

و على فكرة...طالما الحوض فضل يوم بعد ما اتعمل خلاص انت مش محتاج تستنى يوم تانى...انت بس املاه عشان تعمله الاختبار و بس و بعدين هنغسل الجرش كويس بمياه ساخنة و ملح و بعدين نحطه براحة فى الحوض و نحط الزرع و الخشب الحجرى و بعدين نملاء الحوض و نسيب المياه يوم او 8 ساعات عشان الكلور اللى فيها يخرج و تكون المياه استقرت من ناحية القلوية و الحمضية و كده
و بس...شوف هتنزل امتى نجيب الحاجات و انا معاك

EgY|ErroR
04-18-2011, 03:14 AM
تمام كده
ان شاء الله بالنسبه للجرش والموتور والفلتر ..........الخ ماعدا السمك اعتقد في يوم

والسمك في يوم تاني بعد تنضيف الجرش والحوض وتظبيط الديكورات واللذي منه

يبقى كده فيه يومين على الاقل :)

اليوم الاولاني **** شراء المستلزمات مرتبط معايا بالتشطيبات حول الفتحه وتفصيل الغطاء

صحيح بالنسبه للغطاء انا هعمله غطاء خشب هل اعمل فيه فتحات تهويه ولاء ؟

انا كده كده هعمل بوابتين بمفصلات منه عشان الاكل والتنضيف وخلافه

لان طبعا زي ماشرحتلك فيه فوق الغطاء حائط فمش هعرف ارفع الغطاء لاعلى كله

يعني مثلا زي العصفوره جناحين العصفوره دول الابواب من الجانبين برفاعهم وانزلهم براحتي

وجسم العصفوره ثابت لان فوقيه الحيطه وده اللي هثبت فيه الأضاءه ليك اي تعديل او اضافه في الموضوع ده ؟

فا ان شاء الله بكره هبدأ في التشطيب وهخلصه بكره بمشيئه الرحمن وكمان هخللي النجار يبدأ في تفصيل الغطاء وهخليه يخلصه بدري

ولا تفضل اشتري الحاجات دي عادي والغطاء يخلص براحته ؟

طيب هنشتري الحاجات دي منين ؟ وانت مقولتليش انت اصلا منين ؟

redtiger5000
04-18-2011, 05:55 AM
تمام كده
ان شاء الله بالنسبه للجرش والموتور والفلتر ..........الخ ماعدا السمك اعتقد في يوم

والسمك في يوم تاني بعد تنضيف الجرش والحوض وتظبيط الديكورات واللذي منه

يبقى كده فيه يومين على الاقل :)

اليوم الاولاني **** شراء المستلزمات مرتبط معايا بالتشطيبات حول الفتحه وتفصيل الغطاء

صحيح بالنسبه للغطاء انا هعمله غطاء خشب هل اعمل فيه فتحات تهويه ولاء ؟

انا كده كده هعمل بوابتين بمفصلات منه عشان الاكل والتنضيف وخلافه

لان طبعا زي ماشرحتلك فيه فوق الغطاء حائط فمش هعرف ارفع الغطاء لاعلى كله

يعني مثلا زي العصفوره جناحين العصفوره دول الابواب من الجانبين برفاعهم وانزلهم براحتي

وجسم العصفوره ثابت لان فوقيه الحيطه وده اللي هثبت فيه الأضاءه ليك اي تعديل او اضافه في الموضوع ده ؟

فا ان شاء الله بكره هبدأ في التشطيب وهخلصه بكره بمشيئه الرحمن وكمان هخللي النجار يبدأ في تفصيل الغطاء وهخليه يخلصه بدري

ولا تفضل اشتري الحاجات دي عادي والغطاء يخلص براحته ؟

طيب هنشتري الحاجات دي منين ؟ وانت مقولتليش انت اصلا منين ؟


اه مفيش مشكلة بالنسبة للغطاء المفصلات تمام كده...اعمله بفتحات تهوية طبعا...و هندهن مادة عازلة من جوه او نجيب ورق سوليفان نلزقه من جوه الغطاء عشان المياه متعطبش الخشب...
اه سيب النجار يعمل الغطاء براحته...احنا نجيب المستلزمات و نغسل الجرش و نملا الحوض و نسيب المياه و ننزل نجيب السمك و عقبال ما نرجع يكون الكلور تطاير و تبخر
انا من عين شمس...من العشرين

redtiger5000
04-18-2011, 06:03 AM
هنجيب الحاجات دى من كذا مكان بصراحة...عشان كل مكان متميز بحاجة عن التانى
يعنى مثلا السمك و الزرع و الفتلتر الباور هنجيبه من سوق الجمعه او الاحد...السوق شغال جمعه و احد

و لو لقينا جرش كويس هنجيب و لو مش لقينا هنطلع على مجــرى العيون دى

او ممكن نجيب ده كله من جسر السويس ...بس هنفاصل شوية عشان اسعارهم الى حد ما غالية

سوق الجمعه بعيد اه بس سمك على حق ربنا و اسعار مفيش ارخص من كده

لكن جسر السويس قريب و الاسعار غالية شوية...يعنى الحاجة اللى ب 2 جنيه يبيعوها ب 3 جنيه يعنى هى نظرية البعد و القرب ...نجيب من قريب و نفاصل ؟ ولا من بعيد و ناخد حاجة حلوة و بتـاع ؟
و مش عندهم زرع...يعنى من الاخر كده المستلزمات العادية تتجاب من اى حتة الا السمك و الزرع ..من السوق او من اى محل انت تعرفه سواء فى جسر السويس او غيره
و الخشب المتحجر هنجيبه من عند انطون...عشان هو الوحيد تقريبا اللى عنده خشب متحجر
انطون ده فى رمسيس...شوف انت تحبذ ايه و انا معاك

EgY|ErroR
04-18-2011, 08:57 AM
على العموم انا من بولاق الدكرور بالنسبه للبعد والقرب مش هتفرق على العكس انا سوق الجمعه قريب ليا ده بعيد عنك انت

احنا في الاول هنجيب زرع طبيعي ؟

ومش المفروض نسيب الفلتر غال يوم على الحوض عشان يظبط الكيميا :)

وكمان نجيب السمك دفعات ولا مره واحده ؟

انا عارف اني بخنقك بس بحب استفسر

طيب ايه رأيك ننزل على يوم الجمعه ان شاء الله نجيب المستلزمات بالجرش والديكور

ويوم الاحد نجيب السمك والاكل لاني اجازه يوم الجمعه والاحد الجايين

redtiger5000
04-18-2011, 03:48 PM
على العموم انا من بولاق الدكرور بالنسبه للبعد والقرب مش هتفرق على العكس انا سوق الجمعه قريب ليا ده بعيد عنك انت

احنا في الاول هنجيب زرع طبيعي ؟

ومش المفروض نسيب الفلتر غال يوم على الحوض عشان يظبط الكيميا :)

وكمان نجيب السمك دفعات ولا مره واحده ؟

انا عارف اني بخنقك بس بحب استفسر

طيب ايه رأيك ننزل على يوم الجمعه ان شاء الله نجيب المستلزمات بالجرش والديكور

ويوم الاحد نجيب السمك والاكل لاني اجازه يوم الجمعه والاحد الجايين

طب خلاص اشطة ننزل الجمعه و الاحد...لأ عادى انا مبتفرقش معايا المسافات طالما بعمل حاجة بحبها و بعدين انا رحت المشوار ده 100 مرة يعنى خلاص جسمى خد على المسافة دى

الزرع و السمك هنجيبه فى يوم واحد...عادى
و السمك مش هنجيبه على دفعات...بالعكس...ده احنا لو جبناه مرة واحده السمك هيمشى فى مجموعات...خصوصا التايجر و الجرامى بيحب المجموعات اوى
قلت لك استفسر براحتك انا مش بزهق ولا بضايق...أسأل زى ما انت عايز
معلومة...الفلتر مش بيظبط كيمياء الميه ولا حاجة...لما يكون فلتر بيولوجى زى اللى هعملهولك كده يظبط كيمياء الميه

EgY|ErroR
04-18-2011, 05:36 PM
انا اتصلت بيك الصبح من الشغل ومن موبايلي مش بترد
انت مش بترد على نمر غريبه ولا ايه ؟ شكلك خايف من الديانه يطلبوا فلوسهم :)
انا رقمي اخره 516 فودافون

redtiger5000
04-18-2011, 11:26 PM
انا اتصلت بيك الصبح من الشغل ومن موبايلي مش بترد
انت مش بترد على نمر غريبه ولا ايه ؟ شكلك خايف من الديانه يطلبوا فلوسهم :)
انا رقمي اخره 516 فودافون

هههههههه لأ مش ديانه ولا حاجة...ده واحد صاحبى بقضيله مصلحه كده و هو زنان فا مش برد عليه...فا قلت اظاهر بيعمل ناصح و بيتصل من نمرة غريبة عشان ارد فا مش برد على اى نمر غريبة...اوك هبقى ارد عليك انا عرفت كده ان ده انت

EgY|ErroR
04-19-2011, 04:31 PM
اليكم اخر التطورات :)

دي صوره صاحبي وهو بيفتح الحائط

http://www12.0zz0.com/2011/04/20/08/134192323.jpg

http://www12.0zz0.com/2011/04/20/08/391909180.jpg

وتم تركيب الجرانيت والجوانب رخام

http://www12.0zz0.com/2011/04/20/08/584073423.jpg

وقمت بوضع قطعه فوم على القاعده لتمتص الوزن

http://www12.0zz0.com/2011/04/20/08/922623688.jpg

وطبعا طلع عيني في تنضيف الشقه بقت عامله زي المحاجر من التراب

وقمت بعمل الحوض ودي صورته وانا بملائه لاختبار التسريب

http://www12.0zz0.com/2011/04/20/08/954493189.jpg

وده كله بعد الاختبار والغسل بالملح وشطفه

http://www12.0zz0.com/2011/04/20/08/817507935.jpg

في انتظار اخويا يجي يرفعه معايا :)

وتم الاتفاق مع ريد تايجر ان شاء الله ننزل الجمعه نشتري اللازم

دمتم بود

redtiger5000
04-19-2011, 05:34 PM
حلو اوى...
تعبك كله راح هدر...
مفيش ولا صورة باينة

EgY|ErroR
04-20-2011, 10:47 AM
حلو اوى...
تعبك كله راح هدر...
مفيش ولا صورة باينة

الصور كلها ظاهره عندي في البيت ومن الشغل كمان

Sniper.870
04-20-2011, 11:13 AM
ههههه
الموقع الغبي دة بيجيب صورة ضفدع لمعظم الناس يا ابو زياد
مش عارف اية حكايته

EgY|ErroR
04-20-2011, 11:31 AM
ههههه
الموقع الغبي دة بيجيب صورة ضفدع لمعظم الناس يا ابو زياد
مش عارف اية حكايته

تم تغيير موقع رفع الصور :)

Sniper.870
04-20-2011, 07:07 PM
الف الف مبروك
وبازن الله تكون عامره بالحب والايمان

redtiger5000
04-21-2011, 06:44 AM
جميل جدا
و لون الدهان بتـاع الشقة شيك اوى مبـــــــروك عليك
و انا تحت امرك يا حبى ننزل نجيب كل حاجة

~جميرا~
05-08-2011, 10:38 AM
جامد يا تيجر والله

بس تعرف انا مش بحب تربية اى نوع حيوانات

redtiger5000
05-08-2011, 02:47 PM
جامد يا تيجر والله

بس تعرف انا مش بحب تربية اى نوع حيوانات

متشكر يا اخت جميرا نورتى الموضوع و اهلا بيكى...معلش بأه ما هو انا معرفش اسمك فهقول جميرا
و عادى يا اختى كل واحد و له ميوله ...

beatsbydre
05-17-2011, 05:19 AM
People aren't hearing all the music. With Beats, people are going to hear what the artists hear, and listen to the music the way they should: the way I do. This were said by the hip-hop/rap musician Dr. Dre who created the Beats By Dre (http://www.beatsbydresale.co.uk/) brand which are welcomed and famous around the world. This brand contains different kinds of types like over-ear headphone,in-ear headphone and artist series. Such as Beats By Dre Pro (http://www.beatsbydreheadphones.us/beats-by-dre-pro-high-performance-professional-headphones-from-monster-p-129.html), Beats By Dre Studio (http://www.monsterheadphonessale.us/beats-by-dre-studio), Beats By Dre Solo (http://www.beatsbydresale.co.uk/beats-by-dre-solo-c-26.html) Hot Sale now. 100% authentic Dr Dre Headphones (http://www.beatsbydreheadphones.us/) official! Big discount, Nice and Cheap online. Fast Free Shipping in 7 days worldwidely!

beatsbydre
05-19-2011, 05:44 AM
People aren't hearing all the music. With Beats, people are going to hear what the artists hear, and listen to the music the way they should: the way I do. This were said by the hip-hop/rap musician Dr. Dre who created the Beats By Dre (http://www.beatsbydresale.co.uk/) brand which are welcomed and famous around the world. This brand contains different kinds of types like over-ear headphone,in-ear headphone and artist series. Such as Beats By Dre Pro (http://www.beatsbydreheadphones.us/beats-by-dre-pro-high-performance-professional-headphones-from-monster-p-129.html), Beats By Dre Studio (http://www.monsterheadphonessale.us/beats-by-dre-studio), Beats By Dre Solo (http://www.beatsbydresale.co.uk/beats-by-dre-solo-c-26.html) Hot Sale now. 100% authentic Dr Dre Headphones (http://www.beatsbydreheadphones.us/) official! Big discount, Nice and Cheap online. Fast Free Shipping in 7 days worldwidely!

beatsbydre
05-19-2011, 03:56 PM
Beats By Dre with the nature of great sound quality is as famous as Dr.dre. You can access to a lovely music with a dre in ear headphone. You will be infected by its magic acoustic fidelity. We can offer you the perfect Beats By Dre (http://www.beatsbydreheadphones.us/) that you want. 100% Authentic quality guaranteed. The price of
Dr Dre Headphones (http://www.beatsbydreheadphones.us/)
here is cheap and you can enjoy free shipping we offer you. Come on, buy here now and you will be impressed!
When you wear Dr Dre Beats (http://www.beatsbydreheadphones.us/) in-ear speakers engineered by Monster, you stop hearing and start listening. In style. Whether you're traveling, chillin', or gettin' physical.

mima
05-26-2011, 11:20 PM
بعد ازنك عندى استفسار عن حاجة
انا اشتريت سمكتين جولد واشتريت بلورة والراجل حطهوملى فى كيس وقالى اول ماتروحى حطيهم بالماية بتاعتهم اللى فى الكيس فى البلورة وبعد كده حطيلهم اكل وانا عملت زى ما هوة قالى بالظبط والكلام ده كان بالليل بس صحيت الصبح للاسف لقيتهم ماتو وانا مش عارفة ايه السبب ولا الغلط فين
فى ناس قالتلى ان الجولد مينفعش يتربى فى بلورة
فانا عاوزة حضرتك تفهمنى اكتر وتقولى اجيب نوع ايه اربيه فى البلورة وايه الخطوات الصح عشان ميحصلهمش حاجة وحشة
عشان انا مش حاطة فى دماغى دالوقتى موضوع الحوض لانى لسة مبتدئة وخايفة اجازف بعدد كبير من السمك وفى الاخر يموت منى

معلش انا طولت عليك بالكلام بس اصل انا نفسى اربى سمك اوى وحاسة انك جتلى نجدة من عند ربنا
شكرا

redtiger5000
05-27-2011, 10:58 AM
بعد ازنك عندى استفسار عن حاجة
انا اشتريت سمكتين جولد واشتريت بلورة والراجل حطهوملى فى كيس وقالى اول ماتروحى حطيهم بالماية بتاعتهم اللى فى الكيس فى البلورة وبعد كده حطيلهم اكل وانا عملت زى ما هوة قالى بالظبط والكلام ده كان بالليل بس صحيت الصبح للاسف لقيتهم ماتو وانا مش عارفة ايه السبب ولا الغلط فين
فى ناس قالتلى ان الجولد مينفعش يتربى فى بلورة
فانا عاوزة حضرتك تفهمنى اكتر وتقولى اجيب نوع ايه اربيه فى البلورة وايه الخطوات الصح عشان ميحصلهمش حاجة وحشة
عشان انا مش حاطة فى دماغى دالوقتى موضوع الحوض لانى لسة مبتدئة وخايفة اجازف بعدد كبير من السمك وفى الاخر يموت منى

معلش انا طولت عليك بالكلام بس اصل انا نفسى اربى سمك اوى وحاسة انك جتلى نجدة من عند ربنا
شكرا

لأ ازاى...متقوليش كده, طولى فى الكلام براحتك و قولى اللى عايزاه...دى هواية انا بحبها جدا و مستعد اجاوبك على اى اسئلة و اساعدك فى اى حاجة

بصى يا ستى...الجولد فيش مش بيعيش فى بلورة لأنه بيتنفس كمية كبيرة من الاوكسجين و الكمية الكبيرة دى مش موجوده فى البلورة عشان البلورة ضيقة و زياده على كده الجولد فيش فضلاته كتير و بيزود حاجة اسمها الامونيا فى الميه و الماده دى سامه للسمك و طبعا البلورة ضيقة و نظام الفلترة مش هيساعد على التخلص من كمية الامونيا الكبيرة دى عشان كده ماتوا

السمك اللى بيتربى فى البلورة هو الفايتر و الجرامى الصغير زى الدوارف جرامى مثلا عشان عنده رئة و بيتنفس من الهواء الجوى كل ساعه او اتنين...يعنى مثلا تجيبى 2 دوارف جرامى مع 2 فايتر ذكر و انثى...احجام صغيرة...يعنى كل واحده 4 سنتى مثلا و تحطى طبعا السكرية بتـاعة الهواء و تغيرى ربع ميه البلورة كل 3 ايام و بأنتظام و يستحسن تكون بلورة كبيرة عشان تعرفى تحطى فلتر اسفنجى فيها...ممكن تحطى الفلتر الاسفنجى ده مثلا لمدة 3 ساعات و تشيليه هتلاقى الميه نقية جدا جدا
و متنسيش الترمومتر...لازم تكون درجة الحرارة مش ازيد من 30 فى الصيف و مش اقل من 20 فى الشتاء

بالنسبة للحوض انتى مش هتجازفى ولا حاجة...بالعكس ده الحوض احسن كتير...و بعدين مش هتجيبى حوض كبير يعنى...ده انتى هتجيبى حاجة على ادك كده 50 سنتى مثلا...50*40*30 و تجيبى مثلا 5 سمكات كتجربة و لو نجحتى فى تربيتهم زودى العدد...و بإذن الله طول ما انا معاكى مفيش حاجة هتموت بإذن الله
شوفى انتى عايزة ايه و انا معاكى فى كل حاجة

redtiger5000
05-27-2011, 11:03 AM
بصى...بالنسبة للبلورة...هتنضفيها كويس بالملح...و بعدين تحطى الفرش...بس يكون فرش من الجرانيت الصغير...و تغسلى الجرانيت ده قبل ما تحطيه...و بعدين تملى البلورة و تسيبى من فوق مساحه كده اد ربع البلورة ...و تشغلى ماتور الهواء و تسيبى السكرية فى البلورة لمدة يوم...و تانى يوم تجيبى السمك و تحطى السمك فى البلورة بالكيس بتـاعه و تسيبيه لمدة 10 دقايق كده و بعدين تطلعى السمك من الكيس بالشبكة و تحطى السمك فى البلورة و متنسيش تغيرى ربع ميه البلورة كل 3 ايام دى حاجة مهمة جدا

mima
05-27-2011, 05:49 PM
1-هوة لازم الماتور والسكرية دول يعنى اصل انا شوفت ناس قبل كده وفى التليفزيون بيبقوا حاطين فى البلورة السمكة وبس

2-طب ولما اجى اغير ربع الماية احط ماية عادية ولا ماية معدنية اصل الراجل اللى اشتريت منه السمك قالى حطى ماية معدنية او اغلى الماية وسبيها تبرد وبعد كده حطيها فى البلورة

3- طب ايه نوع الاكل اللى اجيبه واكلهم كل قد ايه
معلش بتعبك معاية وعارفة انى رغاية موووت بس معلش استحملنى

redtiger5000
05-28-2011, 04:27 AM
1-هوة لازم الماتور والسكرية دول يعنى اصل انا شوفت ناس قبل كده وفى التليفزيون بيبقوا حاطين فى البلورة السمكة وبس

2-طب ولما اجى اغير ربع الماية احط ماية عادية ولا ماية معدنية اصل الراجل اللى اشتريت منه السمك قالى حطى ماية معدنية او اغلى الماية وسبيها تبرد وبعد كده حطيها فى البلورة

3- طب ايه نوع الاكل اللى اجيبه واكلهم كل قد ايه
معلش بتعبك معاية وعارفة انى رغاية موووت بس معلش استحملنى

ولا رغاية ولا تعبانى...انا بساعد كل الناس و مش بسترخم اى حد مهما سأل ...أسألى عنى هنا هتعرفينى
أسألى براحتك يا اختى و قولى كل اللى عندك ...عادى مفيش مشكلة...بالعكس ده حتى الأسئلة الكتيرة دى تدل على انك عايزة تعرفى كتير و بتحبى الهوايه دى و ينم عن ذكاء كمان

السكريه و ماتور الهواء ده بس فى الاول عشان نطرد الكلور من الميه...بعد كده هتشيلى كل ده

اه طبعا ..سمك البلورة مش بيتحط له سكرية..و الاكل يكون مرتين بس فى اليوم..مرة الصبح و مرة بليل..كمية كده تكفى انهم يخلصوها خلال خمس دقايق فقط...و الزياده شيليه بشبكة صغيرة

و ايوا لما تغيرى ربع الميه مش لازم تكون ميه مركونة ولا مغليه...حطى ميه عادية خالص لأن الكمية اللى هتحطيها مش كتير...الكلام ده لما تيجى تغيرى نصف مياه الحوض او نصف مياه البلورة...يبقى لازم قبلها تكونى مجهزة مياه مركونة بقالها يوم ...يعنى تحطى جردل كده على جنب مليان مياه و تغطيه و وقت ما تحتاجى منه..خدى منه بكوز و حطى فى البلورة براحة خالص....
و كمان عشان المنظر الجمالى للبلورة...حطى فى النص زرعه اسمها الكامومبا...لو هى طويلة قصيها مش هيحصل لها حاجة...بالعكس دى هتطول تانى...
الاكل تجيبيه نوعه قشر...لكن مش اى قشر...هاتى القشر المستورد...و يا ريت تجيبيه من عند انطون عزيز اللى فى رمسيس...هو المحل ما بين غمرة و رمسيس فى النص كده...انزلى رمسيس و خدى تاكسى او اتمشى حتة كده بتـاع 5 دقايق او 6 دقايق مشى...قوليله عايزة العلبة المستوردة اللى بخمسه جنيه...دى هتكفيكى اكتر من شهرين

هو اه مشوار بس كل شهرين فقط...و لو عايزة تسألى على اى حاجة هما هناك هيدلوكى و هينصحوكى النصيحة الصح...لكن اغلب البياعين نصابين لكن الراجل ده لأ...لأنه ببساطه اكبر مستورد و مصدر لسمك الزينة فى مصر كلها

mima
05-28-2011, 03:20 PM
طب تنصحنى بأي نوع من السمك عشان احطه فى البلورة ويكون شكله جميل واجيب كام سمكة واحدة ولا اتنين
والزرعة اللى بتقولى عليها دى اشتريها منين وسعرها كام
وبرضه سعر السمك كام
اه عاوزة اقولك حاجة انا لما اشتريت السمك اللى توفى الى رحمة الله تعالى جبتله اكل كده هوة عبارة عن حبيبات طويلة كده وبتتفشفش ومكتوب عليه بالصينى يعنى مش عارفه اقرا اسمه عشان زى مانت عارف ثقافتى فرنساوى ههههههه ... المهم الاكل ده حلو ولا ارميه واشترى القشور اللى انت بتقولى عليها دى
اما بقى بالنسبة للحج انطوان مينفعش طبعا اروحله لانى مش من القاهرة اساسا فهيبى صعب عليا اوى السفر فانا هتصرف بقى وربنا يوقعنى فى واحد يعرف ربنا
اه نسيت اسألك برضه على الضوء احطهم فى ضوء عالى ولا فى الشمس ولا مثلا بالليل اشغلهم نور الاوضة ولا ايه بليز فاهمنى موضوع الضوء ده برضه

redtiger5000
05-29-2011, 12:31 AM
طب تنصحنى بأي نوع من السمك عشان احطه فى البلورة ويكون شكله جميل واجيب كام سمكة واحدة ولا اتنين
والزرعة اللى بتقولى عليها دى اشتريها منين وسعرها كام
وبرضه سعر السمك كام
اه عاوزة اقولك حاجة انا لما اشتريت السمك اللى توفى الى رحمة الله تعالى جبتله اكل كده هوة عبارة عن حبيبات طويلة كده وبتتفشفش ومكتوب عليه بالصينى يعنى مش عارفه اقرا اسمه عشان زى مانت عارف ثقافتى فرنساوى ههههههه ... المهم الاكل ده حلو ولا ارميه واشترى القشور اللى انت بتقولى عليها دى
اما بقى بالنسبة للحج انطوان مينفعش طبعا اروحله لانى مش من القاهرة اساسا فهيبى صعب عليا اوى السفر فانا هتصرف بقى وربنا يوقعنى فى واحد يعرف ربنا
اه نسيت اسألك برضه على الضوء احطهم فى ضوء عالى ولا فى الشمس ولا مثلا بالليل اشغلهم نور الاوضة ولا ايه بليز فاهمنى موضوع الضوء ده برضه

هاتى سمكة دكر فايتر و سمكتين دوارف جرامى صغير...الفايتر هتلاقيه بخمسه جنيه او 3 جنيه على حسب المكان اللى هتشترى منه...بس هى عموما مش ازيد من 5 جنيه و الفايتر الصغير هتلاقيه ب 2 جنيه...بس عند انطون ده غالية شوية من اول عشرة جنيه...الدوارف جرامى ب 2 جنيه الواحده للحجم ال 4 سنتى

و الزرعه دى هتلاقيها فى سوق ...قوليلى انتى منين و انا اقولك على سوق الجمعه اللى زى عندنا هنا فى القاهرة...هتروحى تجيبى احلى حاجة و بأرخص سعر و كمان اقولك على المحلات الحلوة اللى عندكم و تروحى تجيبى منها كل اللى انتى عايزاه

بالنسبة للأكل اللى عندك ده اسمه علف...ده علف صينى و انا كمان ثقافتى فرنساوى و مبعرفش صينى ههههههه فا مش هعرف اقولك اسمه ايه اهو كله صينى بس الله اعلم بأه ممكن تكون صلاحيته انتهت و هو اللى موت السمك و الكلام كله صينى و احنا مش فاهمين حاجة...ابقى هاتى العلف المصرى مش القشر المصرى...حاولى تجيبى قشر مستورد ده هو الاحسن و الافيد للسمك...هو اه العلبة ب 25 جنيه بس هتفضل معاكى شهرين و فيها كل الفيتامينات و البروتينات المفيده للسمك..اما لو من عند انطون ده هيديكى علبة ب 5 جنيه بس و مستوردة برضه و ده لأنه بيجيب جرادل قشر و يعبيها فى علب و يبيعها قطاعى
اوعى ثم اوعى ثم اوعى تجيبى القشر المصرى او الصينى...علف ماشى لكن قشر صينى او مصرى لأ...علف مصرى ماشى لكن قشر مصرى لأ...و مش تجيبى الحبيبات الملونه دى...دى للسمك الكبير...هيحاول يقنع و يقولك ما هو فيه منه للصغير..لأ برضه...السمك مش هيعرف ياكله ...هو زى ما قلت لك كده

لو انتى من اسكندرية...فيه عندكم فرع لمحمد سمير فى اسكندرية بس هعرفلك فين و اقولك ده لو انتى من اسكندريه يعنى

بالنسبة للأضائة...لأ نور الاوضة كفاية...الاضائة اللى بتتكلمى عليها دى بتبقى للحوض و الاضائة بتبقى 8 ساعات بس...لمبتين نيون عاديين خالص على حسب حجم الحوض

و ايوا طبعا الشمس مفيده للسمك بس مش اضائة مباشرة...عرضيهم لأضائة الشمس الغير مباشرة كل يوم لمدة ساعتين كده ولا حاجة هتلاقى الوانهم اصبحت احلى و اجمل كتير و بليل تقفلى النور خالص عليهم عشان يناموا...و ممكن تنورى الاوضة عادى و تغطى البلورة من بره بكيس اسود عشان يناموا

و ربنا يوقف لك ولاد الحلال

mima
05-29-2011, 02:07 AM
يعنى انت متاكد ان انا لو جبت واحدة فايتر واتنين دوارف الفايتر مش هيموتهم ؟
وفى موضوع هيجننى اوىىىىىىى فى ناس قالتلى ان الجولد يعيش فى البلورة عادى وناس تقولى لا وانا خلاص هتجنن
وانا من طنطا فلو تعرف مكان كويس اجيب منه ياريت تقولى
ولو فيدتنى بجد فى الموضوع ده هروح ادعيلك عند السيد البدوى ههههههههههههههههههههه اى خدمة

mima
05-29-2011, 01:23 PM
الحمد لله قريت الموضوع كله هيييييييييييه تعبت والله وجالى حول يلا مش مهم المهم انى استفدت وعرفت معلومات جامدة جدا
وبجد انت رائع ولازم تبخر نفسك كويس اوى

بس انا زعلانة منك الصراحة قولى ليه... اقولك ليه يا سيدى ... عشان فى بنوتة كانت بتسألك عن البلورة وكده زيى يعنى وكانت مربية فيها مولى وجوبى وتقريبا انجل وانت قولتلها عادى ومقولتلهاش ان الانواع دى مش بتعيش فى البلورة زى ما قولتلى ..يعنى انت بتضحك عليا
انت مش عارف ان اللى بيضحك على الناس بيروح النار ولا ايه ههههههههههههههههههههه
بليز قولى على الانواع كلها اللى تقدر تعيش فى البلورة ومش تموت وانا هحاول ارفع صورة البلورة الصغنتوتة بتاعتى وتقلى تقدر تستحمل كام سمكة

على فكرة انا بهزر اوعى تزعل من طريقة كلامى
فى انتظار ردك

EgY|ErroR
05-30-2011, 12:19 AM
لو يسمحلي ريدتايجر اني اشارك ببعض المعلومات القليله في الاسماك

لانه ساعدني جدا في الاسماك

بالنسبه للاخت mima الانواع اللي تربى في البلوره هي الاسماك الرئويه ودي بتقدر تطلع للسطح كل ساعتين تتنفس

وهم نوعين وكل نوع ينقسم لانواع كثيره جدا

1- الفايتر ومنه البيتا والهاف مون واشكال كثيره
2- الجورامي وانواعه كتييييييييييير الدوراف والبلو والكيسين .........الخ

الاكثر تواجد في مصر هو الفايتر لو عايزه تحطي حاجة مع الفايتر يبقى لازم حوض لانه لا يجب وضع اكثر من سمكه في بلوره واحده ( وده في رأيي )

ودي حاجات عن الفايتر

اولا : الاسماك التى تتوافق مع الفيتر فى الحوض .

1- اسماك التترا وعلى وجه التحديد ( النيون تترا –البلاك تترا )
2- اسماك البليكو .
3- اسماك الزيبرا دانيو .
4- اسماك الكورى كات فيش .
5- اسماك الاوتو فيش ( dwarf sukermouth cate fish )
6- قواقع التفاحة .

ثانيا : الاسماك التى لا تتوافق مع الفيتر .

1- السمك الولاد بجميع انواعه
2- الجولد فيش بجميع انواعه
3- البارب بجميع انواعه
4- استاكوزا المياه العذبة
5- جمبرى المياه العذبة
6- بصفة عامة جميع الاسماك الشرسة

ثالثا : مواصفات حوض التربية للمجموعة

1- مقاس الحوض لا يقل عن 70 لتر وان كان اكبر فهو الافضل .
2- يجب وضع الديكورات مثل النباتات والصخور والخشب والتى تتيح للفيتر ان يختبىء بينها
3- يجب عليك مراقبة الفيتر بين الحين والاخر ولمدة اسبوع على الاقل للتاكد من انه يمارس حياته بحرية فى الحوض لانه منذ صغره وقد تعود على العزله والعيش منفردا .

وارجو الانتباه ان تربيه الاسماك ليست للديكور فقط لانها روح فيجب حسن تربيتها ومحاوله توفير كافه سبل العيش

حتى لا تسأألي يوم الحساب على الاهمال

نصيحه صغيره لكي ان تقومي بعمل حوض وتبدأي بالاسماك الولوده لانها سهله بتربيتها وكذلك تتكاثر بسرعه وستري سعاده في تربيتها

تقبلوا مروري

mima
05-30-2011, 01:39 AM
ميرسى جدا egy error على المعلومات الغالية دى
انا هفكر بالراحة كده وبعد كده اكرر عشان فعلا دى روح ومينفعش نجاذف فى الموضوع ده

redtiger5000
05-30-2011, 12:50 PM
الحمد لله قريت الموضوع كله هيييييييييييه تعبت والله وجالى حول يلا مش مهم المهم انى استفدت وعرفت معلومات جامدة جدا
وبجد انت رائع ولازم تبخر نفسك كويس اوى

بس انا زعلانة منك الصراحة قولى ليه... اقولك ليه يا سيدى ... عشان فى بنوتة كانت بتسألك عن البلورة وكده زيى يعنى وكانت مربية فيها مولى وجوبى وتقريبا انجل وانت قولتلها عادى ومقولتلهاش ان الانواع دى مش بتعيش فى البلورة زى ما قولتلى ..يعنى انت بتضحك عليا
انت مش عارف ان اللى بيضحك على الناس بيروح النار ولا ايه ههههههههههههههههههههه
بليز قولى على الانواع كلها اللى تقدر تعيش فى البلورة ومش تموت وانا هحاول ارفع صورة البلورة الصغنتوتة بتاعتى وتقلى تقدر تستحمل كام سمكة

على فكرة انا بهزر اوعى تزعل من طريقة كلامى
فى انتظار ردك

متشكر اوى لذوقك يا ميما...ميما يعنى مى ؟؟
المهم.....
لأ انا مقلتش عادى...انا قلت لها تجيب حوض صغير و تحط فيه اللى هى عايزاه...اصل معلش انا بتكلم من واقع خبرتى انا ...معرفش ان فيه حد يقدر يربى الجوبى و المولى و الانجل مع الفايتر...بس انا اقدر
انا قلت لك الانواع اللى بتعيش فى البلورة ايه هى...يعنى معنى كده ان باقى الانواع مش ينفع تعيش فى البلورة
بصى...
هو زى ما قال اخويا و حبيبى ايجى ارور...
الفايتر و الجرامى بأنواعه بس الاحسن الدوارف عشان ده اصغر نوع و عشان البلورة صغيرة قلت لك تجيبى الدوارف

ده الدوارف جرامى...

http://center.jeddahbikers.com/uploads/jb13067486051.jpg
و زى ما قال ايجى ارور كده...و انا قلت لك قبل كده برضه...ان الانواع دى عندها رئة و بتتنفس من الهواء الجوى كل ساعه كده

للأسف الانواع اللى بتعيش فى البلورة قليله...بس لو عايزة كمية اكتر من كده يبقى هتحطى سكرية هواء...
يعنى مثلا تجيبى 3 جوبى و 1 دكر فايتر و 2 جرامى دوارف.... اكتر من كده لأ و تحطى سكرية هواء
اخالفك الرأى يا ايجى ارور معلش...انا ربيت قبل كده الفايتر مع جميع الانواع و عادى جدا

عايزة الوان و سمك جميل و حركات يبقى لازم حوض...
مش لازم حوض 70 يا ايجى ارور...لأ حلو اوى حوض 50 سنتى...انا عملت حوض 50 سنتى لواحد صاحبى و حاطط فيه اكتر ما بيستحمل الحوض كمان و السمك كله عايش و ده عشان بيسمع اللى بقوله عليه و لله الحمد ثم للناس اللى فهمونى على الخبره دى

و ايوا يا ريت صورة البلورة عشان احددلك الكمية بالظبط كام سمكة
و انا عارف انك بتهزرى انا مش زعلان ولا حاجة انتى بنوته زى العسل :)

redtiger5000
05-30-2011, 12:53 PM
معلش...هو فى الاول بس عينك هتتحول عقبال ما تعرفى كل المعلومات و بعد كده خلاص
انا كنت زيك كده برضه...انا حتى وقتها مكانش عندى نت و جبت كتاب السمك ده و قريته كله من الجلده للجلده
هو لازم كده..لأن دى طبيعه يعنى مليانه معلومات مش جهاز كمبيوتر 1+1 = 2

mima
05-30-2011, 01:26 PM
ميرسى اوى يا محمد تعبتك معايا بجد
بس انا بعد ما دوختك الدوخة دى كلها قررت اجيب حوض واريح دماغى عشان مأيدش نفسى بأنواع معينة
بس شوية كده وهنزل اجيبه على طول ان شاء الله واكيد قبل ما اجيبه هبقى استشيرك
ميرسى ليك جدا والله وربنا يباركلك يارب ويزيدك من علمه ويوفقك

EgY|ErroR
05-30-2011, 03:55 PM
محمد حبيبي انا مقولتش 70 سم انا قولت 70 لتر
يعني لو اتعمل 50سم * 40سم * 35 سم يبقى 70 لتر :) مختلفناش

وانت فينك يا معلم مش متابع معايا انت :)

redtiger5000
05-30-2011, 07:25 PM
ميرسى اوى يا محمد تعبتك معايا بجد
بس انا بعد ما دوختك الدوخة دى كلها قررت اجيب حوض واريح دماغى عشان مأيدش نفسى بأنواع معينة
بس شوية كده وهنزل اجيبه على طول ان شاء الله واكيد قبل ما اجيبه هبقى استشيرك
ميرسى ليك جدا والله وربنا يباركلك يارب ويزيدك من علمه ويوفقك
لأ العفو...ولا يهمك مفيش تعب ولا حاجة...انا بحب الحاجة دى يعنى مش بحس بتعب لما افيد غيرى و انصحه
اى خدمة يا عسل...
و اديكى عرفتى برضه البلورة بتتعمل ازاى حتى لو مش هتعمليها
و كويس برضه انك مش عملتى البلورة دى...لأنها فعلا بتقيد الواحد بنوع معين من السمك
و انا معاكى اهو فى اى استشارة....
محمد حبيبي انا مقولتش 70 سم انا قولت 70 لتر
يعني لو اتعمل 50سم * 40سم * 35 سم يبقى 70 لتر :) مختلفناش

وانت فينك يا معلم مش متابع معايا انت :)

اه معلش حصل لبس معايا فى الكلام
معلش يا صاحبى...انت عارف الخنقة اللى انا فيها...ناس كتير زعلت منى انى مش بسأل عليهم بس انا بجد مش عايز اشوف حد خالص...نفسيتى مش كويسة ابدا...
بس اهو...هانت...هتفرج بإذن الله
هكلمك يا حبى من عنيا و اعرف اخر اخبارك

eng_migo
06-21-2011, 01:16 AM
أنا مبسوط جداً من المعلومات اللى استفدتها من الموضوع ده علشانكده اسمحلىأسألك على شوية حاجات
1- الحوض ***** 50 * 30 * 35 وفيه 2 أنجل و 2 بلاتى و واحدة رينبو شارك و 2كوى كارب هل دول فيهم مشاكل مع بعض ولو فيهم مشاكل تنصحنى أحلها ازاى
2- أنا بحطلهم أكل من اللى هو الأحمر وأخضر ده بس صينى طبعاً فهل ده مش حلو أو يخليه ماياكولش ( مع اعلم ان البلاتى اللة عندى صغيرين قوى )
-3 ألانجل فى الأول كانوا بياكلو كويس بعد كده بقم مش بياكلو أو بياكلو قليل قوى
4- ازاى أعرف ان ااسمك شبع ( الكوى دول كل ما أرمى أكل ينسفوه ويفضلوا يلفو الحوض عايزين أكل تانى

redtiger5000
06-21-2011, 03:21 AM
أنا مبسوط جداً من المعلومات اللى استفدتها من الموضوع ده علشانكده اسمحلىأسألك على شوية حاجات
1- الحوض ***** 50 * 30 * 35 وفيه 2 أنجل و 2 بلاتى و واحدة رينبو شارك و 2كوى كارب هل دول فيهم مشاكل مع بعض ولو فيهم مشاكل تنصحنى أحلها ازاى
2- أنا بحطلهم أكل من اللى هو الأحمر وأخضر ده بس صينى طبعاً فهل ده مش حلو أو يخليه ماياكولش ( مع اعلم ان البلاتى اللة عندى صغيرين قوى )
-3 ألانجل فى الأول كانوا بياكلو كويس بعد كده بقم مش بياكلو أو بياكلو قليل قوى
4- ازاى أعرف ان ااسمك شبع ( الكوى دول كل ما أرمى أكل ينسفوه ويفضلوا يلفو الحوض عايزين أكل تانى

و انا اسعدنى تشريفك موضوعى او موضوعكم بمعنى اصح
...الحوض اولا صغير على الكوى...

ثانيا الكوى غلط انه يعيش مع الانجل لأنه بيرمى فضلات كتير فى الحوض مما أدى لصوم الانجل لأن المياه تعكرت جدا بسبب فضلات الكوى الكثيرة

ثالثا ...السمك مش بيشبع...لو كل ساعتين اديتله أكل هياكل...لأنه فى الطبيعه بياكل على اد ما يقدر و يملى بطنه عشان ميعرفش ممكن ياكل تانى امتى...عشان كده مش بيشبع و هيفضل ياكل

رابعا...الاكل الاحمر و الاخضر ده خاص بالكوى و الفانتيل فقط ولا انصح بيه بصراحة...اديلهم علف احسن

خامسا...اكيد عرفت من كلامى مما سبق ذكره ان السمك تديله كمية يخلصها خلال خمس دقايق و بس...فوق كده لأ و مش تديله تانى و هما مرتين بس فى اليوم مرة الصبح و مرة بليل

سادسا..بالنسبة للأنجل عشان يرجع كويس تانى بإذن الله..غير ربع مياه الحوض كل 3 ايام و شيل الكوى و بيعه او بدله بأنجل...و الانجل بياكل قشور و دود..هات له دود عشان شهيته تتفتح و بعدين هات له قشر مستورد و نضيف
و انصحك تجيب القشر ده من عند واحد اسمه انطون عزيز اللى فى رمسيس او من اى محل من محلات جسر السويس
قوله عايز قشر مستورد...هتلاقى العلبة ب 25 جنيه او 20 جنيه بس هتقعد معاك اكتر من شهر...و بالنسبة لأنطون عنده اكل مستورد ب 5 جنيه العلبة ...و الفرق بس ان محلات انطون عزيز بتجيب كميات كبيرة من القشر و تعبيها فى علب و تبيعها بسعر اقل

سابعا...اللى يعيش مع الانجل...كل انواع الجرامى و انواع الجرامى كتير...و النيون تترا و الجوبى و البلاتى و الشارك و السلفر شارك

SheToSs
06-21-2011, 03:33 AM
والنبي ريد تايجر
ده برنس
و حبيبي
انا مش بدخل المجتمع
الا عشان اشوف الموضوع الجامد ده

redtiger5000
06-21-2011, 04:19 AM
والنبي ريد تايجر
ده برنس
و حبيبي
انا مش بدخل المجتمع
الا عشان اشوف الموضوع الجامد ده

حبيب قلبى يا شيتوس و الله
منورنى و منور الموضوع و منور المنتدى كله

eng_migo
06-22-2011, 12:33 AM
و انصحك تجيب القشر ده من عند واحد اسمه انطون عزيز اللى فى رمسيس او من اى محل من محلات جسر السويس
قوله عايز قشر مستورد




شكراً على الرد و انا فعلاً استفدت كتير
بس هو ممكن أبدل السمك الراجل هيرضى عادى يعنى
ولو كده هى فين بالضبط محلات جسر السويس ده أصل أنا ساكن فى عين شمس فدول أقربلى

redtiger5000
06-22-2011, 04:36 AM
شكراً على الرد و انا فعلاً استفدت كتير
بس هو ممكن أبدل السمك الراجل هيرضى عادى يعنى
ولو كده هى فين بالضبط محلات جسر السويس ده أصل أنا ساكن فى عين شمس فدول أقربلى

انا كمان ساكن فى عين شمس...
انا ممكن اخدك و اوديك هناك....
تعرف شارع القدس ؟؟ عند مقلة القدس ؟؟
نبقى نتقابل هناك فى الميعاد اللى يريحك
و ايوا لو راجل عنده ضمير و ذوق هيرضى يخليك تبدل السمك
و انا سعيد مرة تانية انك استفدت

زيكو انتيكو
06-27-2011, 01:19 AM
سؤاااااال ضروروى
عايز اجيب سمك بس مش عارف اكله ايه
السمك بياكل ايه وتمنه كام ونوعه حلو
وازاى احافظ عليك واحبه

redtiger5000
06-27-2011, 01:41 AM
سؤاااااال ضروروى
عايز اجيب سمك بس مش عارف اكله ايه
السمك بياكل ايه وتمنه كام ونوعه حلو
وازاى احافظ عليك واحبه

اهلا بيك يا غالى فى المنتدى الغالى
بص بما انك لسه مبتدىء هتجيب حوض 50 سنتى
هتجيب الاول فلتر اسمه الفلتر الاسفنجى
و موتور هواء
و حاجة اسمها سكرية و دى اللى هتوزع الهواء
و هتجيب فرش الارضية جرانيت صغير هات اللون الاسود مع البنى او الاسود بس
هتغسل الفرش ده كويس بالمياه كذا مرة
و تفرشه فى الحوض
و بعدين هتملى الحوض و تسيب اخر 5 سنتى من فوق و تسيب الهواء شغال فيه و تجيب السمك تانى يوم
و تغير ربع المياه كل 3 ايام..اوعى تنسى
هتجيب 5 جوبى و 5 سورد تيل و 5 تايجر بارب
ابحث عن الاسامى دى و هتلاقى اشكالهم و انواعهم
اى سمك بياكل مرتين فى اليوم الا وقت التزاوج بياكلوا 3 مرات فى اليوم
السمك ده بياكل قشر....بس تجيب قشر مستورد من عند اى محل من محلات جسر السويس

eng_migo
07-02-2011, 11:16 PM
ألحقنى ريد تيجر
عندى سمكة من الكوى ماتت
والتانية طاعلها زى تجمع دموى عند الزعنفة اللى فى الجنب فانا خايف لا تموت زى اختها

redtiger5000
07-03-2011, 01:15 AM
ألحقنى ريد تيجر
عندى سمكة من الكوى ماتت
والتانية طاعلها زى تجمع دموى عند الزعنفة اللى فى الجنب فانا خايف لا تموت زى اختها

دى اسماك عيانه من الاول و المرض ظهر فيها عندك
بص لو عايز تعالج السمكة اللى عندها تجمع دموى دى
حاول تحطها فى حوض لوحدها و حط فى الميه كبسولة ستربتوفينيكول
دوب الاستربتوفينيكول فى كوباية ميه و حطها فى الحوض و العلاج ده يستمر لمدة 3 ايام و لو لسه مش خفت
غير ربع الميه و حط ساليكس ...المهم بس تقولى حجم الحوض اللى هتعزله فيها اد ايه عشان اقولك على الجرعه

و الاحسن بصراحه عشان متوجعش دماغك كتير فى الحوارات دى لأن المرض ده صعب علاجه
انك تعمل اللى عليك و تحاول تعالجها زى ما قلت لك و لو مش اتعالجت يبقى خلاص امرك لله و سيبها تموت و ابقى بص كويس فى السمكة اللى بتشتريها
لازم تكون نشطة و مفيهاش اى نقط بيضاء او سوداء او اى فطر شبه القطن الابيض
بص فى السمكة اللى هتشتريها كويس و كمان بص فى عنينها لازم تكون صافية كده و مش مشبرة بأى مرض قطنى
و عموما هى ممكن تخف لوحدها ...سيبها كده 3 ايام من غير علاج مع تغيير ربع مياه الحوض يوميا و شوف النتيجه
لأن السمك ممكن يخف من نضافة الحوض و الاكل الكويس
اديهم دود و اكل مستورد
الاكل يكون مرتين...مرة الصبح و مرة بليل
و الفلتر يكون اسفنجى...أسأل عليه هتلاقيه ب 6 جنيه فى سوق الجمعه و فى المحلات ب 12 جنيه ده بينضف الحوض كويس اوى
المهم بس قولى ابعاد حوضك ايه و ايه نوع السمك اللى فيه و عدده

eng_migo
07-03-2011, 10:03 AM
دى اسماك عيانه من الاول و المرض ظهر فيها عندك
بص لو عايز تعالج السمكة اللى عندها تجمع دموى دى
حاول تحطها فى حوض لوحدها و حط فى الميه كبسولة ستربتوفينيكول
دوب الاستربتوفينيكول فى كوباية ميه و حطها فى الحوض و العلاج ده يستمر لمدة 3 ايام و لو لسه مش خفت
غير ربع الميه و حط ساليكس ...المهم بس تقولى حجم الحوض اللى هتعزله فيها اد ايه عشان اقولك على الجرعه

و الاحسن بصراحه عشان متوجعش دماغك كتير فى الحوارات دى لأن المرض ده صعب علاجه
انك تعمل اللى عليك و تحاول تعالجها زى ما قلت لك و لو مش اتعالجت يبقى خلاص امرك لله و سيبها تموت و ابقى بص كويس فى السمكة اللى بتشتريها
لازم تكون نشطة و مفيهاش اى نقط بيضاء او سوداء او اى فطر شبه القطن الابيض
بص فى السمكة اللى هتشتريها كويس و كمان بص فى عنينها لازم تكون صافية كده و مش مشبرة بأى مرض قطنى
و عموما هى ممكن تخف لوحدها ...سيبها كده 3 ايام من غير علاج مع تغيير ربع مياه الحوض يوميا و شوف النتيجه
لأن السمك ممكن يخف من نضافة الحوض و الاكل الكويس
اديهم دود و اكل مستورد
الاكل يكون مرتين...مرة الصبح و مرة بليل
و الفلتر يكون اسفنجى...أسأل عليه هتلاقيه ب 6 جنيه فى سوق الجمعه و فى المحلات ب 12 جنيه ده بينضف الحوض كويس اوى
المهم بس قولى ابعاد حوضك ايه و ايه نوع السمك اللى فيه و عدده

أولاً شكراً على الرد السريع
أنا عندى الحوض 50 * 35 * 30
وعندى فيه فلتر
وبغير ربع المياه تقريباً بس كل ثلاث أيام
السمك كانت حركته طبيعية و لحد دلوقتى بس فجأة لقيت اللى ماتت ديه بترجع الأكل اللى بتاكله وبعد كده ضمت زعانفها وماتت والتانية ظهر فيها تجمع دموى وأنا حاسس ان لونه بيقل يعنى مبقاش أحمر قوى زى الأول
بالنسبة للأدوية أجيبها منين؟ وهو لازم أعزل السمكة أصل أنا معنديش حوض تانى ولا ممكن أعالجها فى نفس الحوض عادى ؟

redtiger5000
07-04-2011, 01:37 AM
أولاً شكراً على الرد السريع
أنا عندى الحوض 50 * 35 * 30
وعندى فيه فلتر
وبغير ربع المياه تقريباً بس كل ثلاث أيام
السمك كانت حركته طبيعية و لحد دلوقتى بس فجأة لقيت اللى ماتت ديه بترجع الأكل اللى بتاكله وبعد كده ضمت زعانفها وماتت والتانية ظهر فيها تجمع دموى وأنا حاسس ان لونه بيقل يعنى مبقاش أحمر قوى زى الأول
بالنسبة للأدوية أجيبها منين؟ وهو لازم أعزل السمكة أصل أنا معنديش حوض تانى ولا ممكن أعالجها فى نفس الحوض عادى ؟

ممكن تعالجها فى نفس الحوض فى حالة واحده...ان يكون اكتر السمك عيان...يعنى مثلا لو عندك 10 سمكات و 4 منهم عيانين يبقى كده تعالج الحوض كله انما مش عشان سمكة واحده او سمكتين عيانين تعالج الحوض كله لأن ده غلط على باقى السمك لأنه بيضعف من مناعته الطبيعيه ضد الامراض و بيعتمد على المضاد الحيوى الخارجى اللى حطيته فى الحوض
للأسف انت لازم تجيب حوض تعمله مستشفى
حجم الحوض كويس بس انت مش قلت لى نوع السمك اللى فيه ايه و عددهم كام و نوع فرش الارضية ايه
و كمان درجة الحرارة كام
و بالنسبة للأدوية دى...الاستربتوفينيكول ده تجيبه من الصيدلية
و الساليكس و الانتى وايت سبوت او الدواء الازرق ده تجيبه من عند اى بتـاع سمك زينة
و اللى فيها تجمع دموى دى هتخف لوحدها بإذن الله مش تقلق
و اى سمكة تلاقيها بترجع الاكل ده معناه ان نسبة التلوث فى الحوض عالية و لو الحوض نيضف يبقى كده فيه مرض فى بطنها
لكن مش تستعجل و تحكم عليها بالمرض الا لما السمكة تستمر فى ترجيع الاكل مدة كبير

aLjwHaRa
07-04-2011, 01:40 PM
موضوعك مررررررررهـً حلوووً كآملً مكتملً آبدعت وآبتدعت مآفصرت آبدآ ويعطيك آلفً عآفيهـً عآلطرح وآلمجهود ..~

معلومآتك كآنت كآفيهـُ ووآفيهـً وآحلىً سمكهـً رقمً 4 شكلهأإ مثلً آلطآووسً مآرهـً حلوهـً ..~

تستآهلً آحلىً تقييمً ^_^

aLjwHaRa
07-04-2011, 01:42 PM
انا كان عندي سمك كتير بس المشكلة كل ما اجيب سمكة جديدة الاقي السمك التاني بيضرب فيها لحد ما تموت:confused:

هههههههههههههههههههههههههههههههههههههههههههههههههـ ً لآلآلآ صرآحهـً آهنيك عليك آسمآك غريبهـً هههههـً

redtiger5000
07-04-2011, 02:22 PM
موضوعك مررررررررهـً حلوووً كآملً مكتملً آبدعت وآبتدعت مآفصرت آبدآ ويعطيك آلفً عآفيهـً عآلطرح وآلمجهود ..~

معلومآتك كآنت كآفيهـُ ووآفيهـً وآحلىً سمكهـً رقمً 4 شكلهأإ مثلً آلطآووسً مآرهـً حلوهـً ..~

تستآهلً آحلىً تقييمً ^_^

متشكر اوى يا اختى الله يكرمك
و هذا قليل من كثير لسه هقدمه للمنتدى

Mostafa LmaDa
07-04-2011, 04:20 PM
اصلي يا ريد يا عاااااااااااااااااااااااااااااااااااااالي
برنس يا برنس وربنا :* :*
ههههههههههههه
و فكك من الظريف **** الرز ده >> ده ناقص يقولك ينفع رز التموين ههههههههههههه

redtiger5000
07-04-2011, 04:45 PM
اصلي يا ريد يا عاااااااااااااااااااااااااااااااااااااالي
برنس يا برنس وربنا :* :*
ههههههههههههه
و فكك من الظريف **** الرز ده >> ده ناقص يقولك ينفع رز التموين ههههههههههههه

حبيب هارتى
ازيك يا ماااااااو
منورنى و الله
شكرا يا حبى الف شكر
و انا اساسا مش هرد على اللطيف ده تانى...هعتبره مروحه "بتلطف الجو"

ShAdOwStOrM
07-11-2011, 12:30 AM
تايجر عندي شوية اسئلة

انا ناوي اجيب حوض سمك بس عايز شوية نصائح

اشتري الحوض كبير ولا وسط
ايه انواع السمك الي تمشي مع بعضاها يعني ماتتعاركش
واحطلها اكل ايه مثلا
وسعر الحوض مع السمك يجي كام
ونوع السمك الي هو كلاون فيش تتلاقم مع سمك ايه علشان بحبها اوي

redtiger5000
07-11-2011, 03:33 AM
تايجر عندي شوية اسئلة

انا ناوي اجيب حوض سمك بس عايز شوية نصائح

اشتري الحوض كبير ولا وسط
ايه انواع السمك الي تمشي مع بعضاها يعني ماتتعاركش
واحطلها اكل ايه مثلا
وسعر الحوض مع السمك يجي كام
ونوع السمك الي هو كلاون فيش تتلاقم مع سمك ايه علشان بحبها اوي

و الله كل اللى بتسأل عليه ده هتلاقى اجابته لو قلبت شوية فى الموضوع
عموما هقولك برضه
الحوض هاته 60 سنتى حلو اوى مع فلتر اسفنجى حجم كبير شوية...اسمه فلتر اسفنجى خد بالك
زى ده

http://center.jeddahbikers.com/uploads/jb13103435841.jpg (http://center.jeddahbikers.com/)

الكلاون فيش دى سمكة مياه مالحه مش عذبه
الحوض هتجيبه 60*40*30 و تغطى الحوض بقطعتين زجاج و تحط فوقهم اللمبات النيون الجاهزة دى..أسأل عليها الكهربائى هو عارف انا بتكلم فى ايه...اه صح الحوض هتعمله زجاج 6 مللى
الحوض ده هتلاقيه ب 70 جنيه و لو ازيد من كده مش تعمله...انا بتكلم فى انك تعمله عموله...اما لو جيبته جاهز فى المفروض يبقى ب 60 جنيه
الانواع اللى تمشى مع بعضها كتير اوى بس انا هقولك على التجميعه الحلوة
هتجيب 6 سمكات بلاتى ملونين حلوين كده 2 ذكور و 4 اناث
و 6 سورد تيل برضه نفس نظام البلاتى
و 10 جوبى 3 ذكور و 7 إناث
و 2 جرامى الازرق او الاصفر
و 5 تايجر بارب
ده مؤقتا لحد ما تتدرب كويس على رعايتهم و بعدين ندخل فى التقيل واحده واحده
مياه الحوض تتغير كل 3 ايام او كل 4 ايام
الاكل مرتين فى اليوم مرة الصبح و مرة بليل قشور مستوردة ولا مصرى ولا صينى...روح عند واحد اسمه انطون عزيز ده فى رمسيس...المحل ما بين رمسيس و غمرة...ده اشهر واحد فى مصر بيصدر و بيستورد سمك زينه...قوله عايز العلبة القشر الالمانى اللى بخمسه جنيه...و لو مش هتجيب من عند انطون يبقى هتضطر تجيب بأه العلبة المستورده الالمانى الغالية التانية اللى ب 20 جنيه من عند اى محل فى جسر السويس..فيه محلين جمب بعض فى جسر السويس ...واحد منهم اسمه اسلام و مؤمن هو ده هات منه
العلبة هتقعد معاك شهر و يمكن اكتر
و لازم وجبة دود كل اسبوع مرة
و فرش الارضية تكون جرانيت ...اسود بأه او بنى او ابيض المهم جرانيت...هتلاقى الجرانيت ده عند اى حد بس انصحك تجيبه من سوق الجمعه احسن عشان ارخص و كمان مش هيضحكوا عليك زى المحلات و يقولك ان ده جرانيت و الاخر يطلع رخام...لأن الرخام بيتفاعل مع الميه و ده مش كويس
هتجيب 7 كيلو جرانيت حجم صغير الكيلو ب جنيه و نص الى 2 جنيه على حسب بأه هتشترى من محل او من السوق...اللى هو سوق الجمعه و اسمه برضه سوق التونسى
و هتجيب طبعا موتور هواء هتلاقيه ب 25 جنيه الى 30 جنيه
و ترمومتر ب 2 جنيه الى 3 جنيه
و سخان ثرموستات للحوض بتـاعك هيعمل 20 جنيه او 25 جنيه...عموما البياع هيسألك على حجم الحوض و هيديك الثرموستات المناسب
و ابقى هات 3 احجار كبيرة كده لزوم الديكور
و زرعه اسمها امازون هنحطها فى النص...دى الشتلة ب 2 جنيه
و زرعه اسمها كامومبا هنحطها على جمبين الحوض و دى العود ب جنيه و نص...هتجيب 5 عيدان او 6
احسبها انت بأه
اه صحيح نسيت اقولك...
الحوض البحرى عشان تعمله بيتكلف اقل حاجة 2000 جنيه و انت طالع